Morgunblaðið - 30.09.2021, Side 10

10 FRÉTTIR
Innlent
MORGUNBLAÐIÐ FIMMTUDAGUR 30. SEPTEMBER 2021
Höskuldur Daði Magnússon
hdm@mbl.is
„Við vegum og metum kosti og galla.
Þarna missum við svolítið af skógi
en fáum á móti frábært aðgengi. Það
kemur sér til dæmis vel fyrir þá sem
eru hvað lúnastir,“ segir Ingólfur
Jóhannsson, framkvæmdastjóri
Skógræktarfélags Eyfirðinga.
Í næstu viku munu tíu bestu skóg-
arhöggsmenn landsins koma saman
í Vaðlareit í Eyjafirði, gegnt Akur-
eyri. Þar bíður þeirra það verkefni
að höggva tvo hektara af 85 ára
gömlum skógi sem skógræktin
plantaði þar. Þetta er gert til að
hægt verði að leggja göngu- og
hjólastíg eftir endilöngum Vaðlareit,
samtals um 2,2 kílómetra langan. Í
þessum áfanga verður stígurinn
lagður frá Vaðlaheiðargöngum í
norðri að væntanlegum Skógarböð-
um í suðri. Síðar verður kláruð teng-
ing til Akureyrar og í hina áttina,
norður Svalbarðsstrandarhrepp.
Stígurinn verður malbikaður 3,5
metra breiður og undir honum verða
lagnir fyrir heitt og kalt vatn inn til
Akureyrar auk þess sem þær munu
tryggja vatn fyrir áðurnefnd Skóg-
arböð.
Verði sveitarsómi
„Við erum búin að liggja yfir
þessu og þræðum fram hjá sjald-
gæfum tegundum,“ segir Ingólfur
um það verk sem bíður skógar-
höggsmanna. „Það er ekki algengt í
svona gömlum skógi að það sé fellt
svona mikið í einu. Auðvitað bregður
sumum við að heyra af þessu enda
erum við ekki vön því á Íslandi það
sé verið að fella stór og mikil tré.
Þetta er hins vegar eðlilegasti hlut-
ur í heimi og við fáum í staðinn betra
aðgengi að þessu skóglendi. Ég held
að þetta svæði verði sveitarsómi,“
segir hann enn fremur. Auk þess að
bæta aðgengi að skóginum mun
stígurinn auðvelda alla umhirðu
hans að sögn Ingólfs. Þrír áning-
arstaðir verða gerðir við stíginn þar
sem fólk getur hvílt sig og notið út-
sýnis.
Geymir fágætar tegundir
Það var árið 1936 sem Skógrækt-
arfélag Eyfirðinga hóf skógrækt í
Vaðlareit. Á þeim 85 árum sem síð-
an eru liðin hafa félagsmenn plantað
þar alls um 240 þúsund trjám. „Auk
algengari trjátegunda sem við
þekkjum úr skógrækt má þar einnig
finna fágætar tegundir líkt og hlyn,
álm, síberíuþin, hvítþin, alaska-
sýprus, eik, hrossakastaníu, hæruöl
o.s.frv. og skógarfururnar sem lifðu
af lúsafaraldur á 6. áratugnum eru
nú margar hverjar mikilfenglegir
risar og afar verðmæt minnismerki í
íslenskri skógræktarsögu,“ segir á
Facebook-síðu Skógræktarfélags
Eyfirðinga.
Krefst mikils skipulags
„Þetta er skógur þar sem þú get-
ur lesið skógræktarsöguna. Þarna
var verið að prófa tegundir sem ekki
var vitað hvort virkuðu hér. Það er
því sérstaða hans hversu fjölbreytt-
ur hann er og þess vegna hafa marg-
ir gaman af því að rúnta um hann,“
segir Ingólfur.
Þessi fjölbreytni gerir það að
verkum að efnið sem til fellur við að
höggva niður tvo hektara verður alls
konar. Segir Ingólfur að það verði
nýtt vel. „Það krefst þó nokkurs
skipulags að undirbúa þetta svo efn-
ið fari í þann verðflokk sem því
sæmir,“ segir hann og upplýsir að
eitthvað af efninu verði kurlað, ann-
að nýtist í eldivið og borðvið sem er
sá verðmætasti enda geti hann nýst
í húsbyggingar.
Ljósmynd/Skógræktarfélag Eyfirðinga
Skógarfura Alls verða tveir hektarar höggnir í Vaðlareit eftir helgi.
Höggva tvo hektara af
85 ára gömlum skógi
- Rýma fyrir nýjum stíg sem bæta á aðgengi að Vaðlareit
Guðni Einarsson
gudni@mbl.is
„Það má vel vera að konur hafi ekki
kvartað við forstöðumann Sundhall-
arinnar vegna búningsklefa kvenna,
en málið hefur verið rætt rækilega á
samfélagsmiðlum og margar konur
tjáð þar óánægju sína,“ segir Kol-
brún Baldurs-
dóttir, borg-
arfulltrúi Flokks
fólksins. Hún
segir að í þjón-
ustukönnun
Maskínu (nóv-
ember 2018 til
janúar 2019) megi
sjá tugi kvartana
vegna búnings-
aðstöðu kvenna í
Sundhöllinni.
Morgunblaðið sagði í gær frá
óánægju dr. Vilborgar Auðar Ísleifs-
dóttur sem kvartaði við borgaryfir-
völd vegna búningsklefa kvenna í
Sundhöllinni. Drífa Magnúsdóttir,
forstöðumaður Sundhallarinnar,
sagði að ekki hafi verið mikið kvart-
að yfir staðsetningu kvennaklefans.
Þá geti konur fengið að fara innan-
dyra til laugar í vondum veðrum,
þótt sú leið sé ekki skemmtileg.
Kolbrún segir að ef til vill hafi
fáar konur kvartað við forstöðu-
manninn vegna þess að þær telji það
tilgangslaust enda liggi ákvörðunar-
valdið hjá meirihlutanum í borginni.
„Það nær ansi skammt að leyfa kon-
um og stúlkum aðeins að ganga inn-
andyra úr klefa í innilaug í vondum
veðrum. Nú er endurgerð og lagfær-
ingum á Sundhöllinni lokið. For-
stöðumaðurinn og segir að gamli
búningsklefi kvenna verði notaður í
einhverri mynd. Af hverju geta kon-
ur ekki fengið aftur gamla búnings-
klefann óski þær þess,“ spurði Kol-
brún. Hún segir að ef það kallar á
fleira starfsfólk að taka gamla
kvennaklefann í daglega notkun eigi
það að vera auðleyst.
Konum sýnd lítilsvirðing
„Mig skal ekki undra að konum
svíði það sárt að svona sé komið
fram við þær. Mér finnst persónu-
lega að konum hafi verið sýnd mikil
lítilsvirðing í þessu máli. Borgin
státar sig af jafnréttisstefnu en fer
síðan ekki eftir henni, alla vega ekki í
þessu máli,“ segir Kolbrún. Hún
lagði fram fyrirspurnir um málið í
byrjun árs 2020 til skipulags- og
samgönguráðs og mannréttinda-,
nýsköpunar- og lýðræðisráðs borg-
arinnar. Þar óskaði hún eftir skýr-
ingum á því hvers vegna konur hafi
ekki fengið aðgang að eldri búnings-
klefum sínum þegar endurbótum var
lokið eins og karlar. „Hér eru jafn-
réttissjónarmið fótum troðin,“ segir
hún. Kolbrún lagði einnig til að fram
færi skoðun á því hvort endurgerð á
Sundhöll Reykjavíkur samræmdist
stefnu borgarinnar í jafnréttis- og
aðgengismálum.
Fjölmargar fyrirspurnir um
þetta mál, bókanir og tillaga, liggja
fyriir frá Kolbrúnu sem borgarfull-
trúa Flokks fólksins. Þær virðast
ekki hafa náð eyrum meirihlutans.
Hún segir að ekki liggi fyrir neinar
haldbærar skýringar á því hvað
hindrar það að konur fái aftur gamla
búningsklefann sinn. „Þess í stað er
þeim gert að ganga langar leiðir á
blautum sundfötum frá klefa að
laug,“ segir Kolbrún.
Hún harmaði í bókun að við
hönnun nýbyggingar við Sundhöll-
ina hefðu þarfir sundlaugargesta og
þá sérstaklega kvenfólks ekki verið
skoðaðar nógu vel. Kolbrún telur að
umsögn mannréttindastjóra borg-
arinnar í málinu sé neikvæð. Þar er
fullyrt að eftir breytingar uppfylli
Sundhöllin mannréttindastefnu
borgarinnar. Kolbrún efast um að
það hafi verið kannað til hlítar að
hanna svæðið þannig að tekið væri
tillit til allra sundlaugargesta. Hún
nefnir að í grein Eddu Ólafsdóttur í
Morgunblaðinu (18. september 2020)
séu nefndir ýmsir möguleikar sem
hönnuðum bar ekki gæfa til að koma
auga á.
Margar konur
hafa lýst yfir
óánægju sinni
- Búningsklefi kvenna í Sundhöllinni
Morgunblaðið/Unnur Karen
Sundhöll Konur þurfa að ganga
utandyra úr klefum í innilaugina.
Kolbrún
Baldursdóttir
www.lindesign.is
25% afsláttur af
öllum vörum
Tilboðsdagar
Kóði í vefverslun:
lindesign
Opið virka daga 11-18
Opið laugardaga 11-16
Vefverslun - www.grillbudin.is
Haustsprengja
Fimmtudag, föstudag
og laugardag
30%
*Ekki afsláttur á varahlutum
afsláttur af
öllum vörum*
Grillbúðin
www.grillbudin.is
Smiðjuvegi 2 Kópavogi - Sími 554 0400
Aðeins í 3 daga
Arnar Þór Jóns-
son, héraðsdóm-
ari og frambjóð-
andi í fimmta
sæti á lista
Sjálfstæðis-
flokksins í
Suðvesturkjör-
dæmi í nýaf-
stöðnum alþing-
iskosningum,
hefur ákveðið að láta af störfum
sem dómari. Þetta kemur fram í
yfirlýsingu á Facebook-síðu Arn-
ars Þórs í gær.
„Ég hef legið undir feldi síð-
ustu daga og velt við öllum stein-
um um nútíð og framtíð,“ skrifar
hann. Kveðst Arnar Þór hafa
„tekið ákvörðun um að stíga út
fyrir skorður dómskerfisins og
nýta bæði meðbyr og mótbyr til
að taka flugið á nýjum vett-
vangi“.
Hefur ákveðið að
hætta sem dómari
Arnar Þór Jónsson