Morgunblaðið - 26.11.2021, Blaðsíða 10

10 FRÉTTIR
Innlent
MORGUNBLAÐIÐ FÖSTUDAGUR 26. NÓVEMBER 2021
Ómar Friðriksson
omfr@mbl.is
Þjóðkirkjan hefur glímt við alvarleg-
an fjárhagsvanda og er nú gert ráð
fyrir að halli verði á rekstri kirkj-
unnar upp á um 170 milljónir króna á
næsta ári. Grípa á til niðurskurðar
sem nemur um 285 milljónum króna.
„Mikilvægt er að allir söfnuðir átti
sig á stöðu mála. Um sársaukafullar
aðgerðir er að ræða sem kirkjufólk
horfist í augu við um þessar mund-
ir,“ segir í umfjöllun um þessi mál á
vef kirkjunnar en fjárhagsáætlun
þjóðkirkjunnar fyrir næsta ár var
samþykkt á kirkjuþingi, sem fór
fram fyrr í þessari viku.
Um var að ræða framhald á störf-
um kirkjuþingsins sem frestað var í
október sl. en þar voru fjármál þjóð-
kirkjunnar til umræðu og fjárhags-
áætlun upphaflega lögð fram en sér-
stakri fjárhagsnefnd var falið að fara
yfir málið. Lagði hún ýmsar breyt-
ingar og tillögur um hagræðingu fyr-
ir þingið sem kom saman í þessari
viku og voru þær samþykktar.
Í upphaflegri fjárhagsáætlun var
gert ráð fyrir rekstrarhalla upp á
465 milljónir. Fram kemur í nefnd-
aráliti fjárhagsnefndarinnar að ekki
hafi tekist að ná fram jöfnuði gjalda
og tekna í meðförum nefndarinnar,
„en með margvíslegum og oft sárs-
aukafullum niðurskurði tókst að ná
rekstrahallanum niður í 175 milljón-
ir. Fjárhagsnefnd bendir á að afar
brýnt er að ná jafnvægi í fjármálum
þjóðkirkjunnar og telur óhjákvæmi-
legt að því markmiði verði náð á
næstu tveimur árum,“ segir í nefnd-
arálitinu. Eru allir þeir sem koma að
starfi kirkjunnar hvattir til að gæta
ýtrasta aðhalds í fjármálum og leita
allra leiða til hagræðingar. Þá á að
endurskoða allt starfsmannahald
kirkjunnar og leita hagræðingar
enda nemi launagreiðslur um það bil
77% af heildartekjum kirkjunnar.
Fækka stöðugildum
Ljóst sé vegna fjárhagsstöðunnar
að á næsta ári verði að leita allra
leiða til að fækka stöðugildum starfs-
manna þjóðkirkjunnar. „Fjárhags-
nefnd bendir á, að til þess að fjár-
magna þann hallarekstur sem
fyrirsjánlegur er á næsta ári þarf að
eiga sér stað áframhaldandi hagræð-
ing á fasteignasviðinu og jafnframt
einhver sala eigna,“ segir í áliti
nefndarinnar um fjárhagsáætlunina.
Unnið hefur verið að endurskipu-
lagningu á rekstri þjóðkirkjunnar og
kom fram fyrr á þessu ári að halli á
rekstri kirkjunnar nam 654 milljón-
um á árinu 2020. Nú er gert ráð fyrir
að á yfirstandandi ári verði hallinn
um 91 milljón kr. og 175 millj. kr. á
því næsta eins og fyrr segir. Telja
fulltrúar þjóðkirkjunnar mjög brýnt
að fá leiðréttingu á sóknargjöldum
til að styrkja sóknir landsins.
Skoða skiptingu prestakalla
Lagt var fyrir þingið nefndarálit
og breytingartillaga við tillögu sem
lá fyrir um stofnun starfshóps til að
skilgreina þörf fyrir presta og
djákna vegna vígðrar grunnþjónustu
þjóðkirkjunnar á landsvísu. Fóru
fram miklar umræður um málið en
fjárhagsnefndin taldi brýnt að skoð-
un á þjónustuþörf í grunnþjónustu
kirkjunnar verði unnin eins hratt og
framast sé unnt.
Var samþykkt á þinginu að stofn-
aður verði starfshópur er skilgreini
þörfina fyrir þjónustu djákna,
presta, prófasta og vígslubiskupa.
Skila á skýrslu til kirkjuþings á
næsta ári og því næst á að endur-
skoða skiptingu landsins í starfsein-
ingar, prófastsdæmi, prestaköll og/
eða samstarfssvæði.
Samskipta- og ímyndarstefna
Meðal mála sem afgreidd voru á
þinginu í vikunni var tillaga um
stefnumótun í samskipta-, ímyndar-
og kynningarmálum þjóðkirkjunnar.
Pétur G. Markan biskupsritari segir
að í framhaldi af þessari samþykkt
verði nú haldið í þessa vegferð.
„Fyrsta skref er að undirbúa við-
mikla könnun þar sem fjölbreytt
trúarþörf Íslendinga, væntingar til
þjóðkirkjunnar og hvernig þjónustu
kirkjunnar fólk kann að kjósa sér
verður meðal annars mæld og könn-
uð,“ segir hann. Allt sé þetta til þess
gert að mæta þjóðinni á þeim stað
sem hún er á og laga starfið að þörf-
um þjóðarinnar en ekki öfugt.
Pétur segir að um afar spennandi
verkefni sé að ræða sem lýsi þeim
tímamótum sem þjóðkirkjan sé á og
þeirri björtu framtíð sem blasi við
henni undir forystu biskups Íslands.
Morgunblaðið/Rax
Óvissa Fjárhagsvandi þjóðkirkjunnar er mikill. Talsmenn hennar segja brýnt að fá leiðréttingu á sóknargjöldum.
Gripið til 285 milljóna
króna niðurskurðar
- 170 milljóna kr. halli á rekstri þjóðkirkjunnar á næsta ári
Morgunblaðið/Sigurður Bogi
Fulltrúar Kirkjuþing hófst í október
og önnur þinglota var í þessari viku.
Helgi Bjarnason
helgi@mbl.is
Sveitarstjórinn í Skagafirði telur að
Umhverfisstofnun hafi lítið tillit
tekið til athugasemda sveitarfé-
lagsins við útgáfu tilmæla til N1 um
hreinsun mengunar frá bensíntanki
fyrirtækisins á Hofsósi. Aðgerðir
samkvæmt fyrirmælum Umhverfis-
stofnunar taka að minnsta kosti tvö
til þrjú ár, til viðbótar þeim tveimur
árum sem liðin eru frá umhverfis-
slysinu. Sveitarfélagið vill að meira
sé hreinsað í upphafi til þess að að-
gerðirnar taki skemmri tíma og
hafi minna rask í för með sér fyrir
íbúana.
Sveitarfélagið krafðist þess að
hið mengaða svæði yrði hreinsað í
heild og allur mengaður jarðvegur
fjarlægður. Í fyrirmælum Umhverf-
isstofnunar sem grundvallast á úr-
bótaáætlun ráðgjafa N1 er kveðið á
um að skurðir verði grafnir til að
lofta út og aðeins fjarlægður jarð-
vegur þar sem mengun er yfir við-
miðunarmörkum.
Fólk komist fyrr heim
Sigfús Ingi Sigfússon sveitar-
stjóri óttast að með þeim aðgerðum
sem ákveðnar hafa verið verði rask
á svæðinu um langan tíma og fólk
sem hafi þurft að yfirgefa hús
vegna mengunar þurfi að bíða leng-
ur en ella með að komast heim til
sín og hefja aftur rekstur veitinga-
staðar.
Í svari Umhverfisstofnunar við
athugasemdum sveitarfélagsins
kemur fram að mælingar á svæðinu
hafi gefið til kynna að mengunar
verði fyrst og fremst vart í formi
gass. Telur stofnunin því skynsam-
legt að styðjast við mælingar sem
sýna gasmengun jafnóðum og graf-
ið er. Þar sem gasmengunar verði
vart verði jarðvegurinn rannsakað-
ur nánar og síðan meðhöndlaður í
samræmi við niðurstöður þess.
Fram kemur í svarinu að jarð-
rask sé bundið við upphaf fram-
kvæmda en tímalengd þeirra fari
eftir því hversu mikið þurfi að grafa
upp. Bent er á að í áætlun N1 sé
gert ráð fyrir að hreinsunaraðgerð-
ir sem felast í loftun svæðisins geti
tekið allt að þrjú ár. Tekur stofn-
unin fram að þau skilyrði hafi verið
sett að loftunaraðgerðum verði ekki
hætt fyrr en eftir í fyrsta lagi tvö
ár.
Hreinsun gæti
tekið 2-3 ár
- Sveitarstjórn vildi meiri uppgröft
Morgunblaðið/Björn Jóhann
Hofsós Áframhaldandi rask verður
í götunni við verslun KS.
Bæjarráð Seltjarnarness samþykkti
á fundi sínum í gær að taka tilboði
Húsasmíði ehf. um byggingu nýs
sambýlis í bænum. Fyrirtækið átti
lægsta tilboð í verkið, 292,5 milljónir
króna. Kostnaðaráætlun hljóðaði
upp á rúmar 303 milljónir króna.
Átta tilboð bárust í verkið. Sam-
þykkt bæjarráðs er með fyrirvara
um að tilboðið uppfylli alla skilmála
útboðsins og er bæjarverkfræðingi
falin afgreiðslu málsins. Sérverk ehf.
bauð tæpar 295 milljónir í verkið
sem var næstlægsta tilboðið. Hæsta
boðið var frá Spöng ehf., 424 millj-
ónir króna.
Sambýlið mun rísa við Kirkju-
braut. Eins og Morgunblaðið hefur
áður greint frá er þessi uppbygging
unnin með Ás styrktarfélagi og horft
til sambærilegrar uppbyggingar í
Garðabæ. Í dag rekur Seltjarnar-
nesbær sambýli fyrir fjóra fatlaða
íbúa við Sæbraut. Nýtt sambýli við
Kirkjubraut 20 rúmar sex ein-
staklinga og á að taka við af því.
hdm@mbl.is
Morgunblaðið/Hari
Seltjarnarnes Nýtt sambýli fyrir
sex íbúa mun rísa á Kirkjubraut.
Samið um smíði sam-
býlis á Seltjarnarnesi