Morgunblaðið - 26.11.2021, Side 60

Rósa Margrét Tryggvadóttir
rosa@mbl.is
Fyrirlesarinn Bergsveinn Ólafsson,
eða Beggi Ólafs eins og hann er
jafnan kallaður, er maðurinn á bak
við hlaðvarpið 24/7 en hann segist
hafa byrjað með hlaðvarpið vegna
þess að hann hafði þörf til að tjá sig
og læra af áhugaverðu fólki. Hefur
hann fengið margt áhugavert fólk í
viðtal til sín en í síðustu þremur þáttum fékk hann til sín
Davíð Tómas, körfuboltadómara og fyrrverandi rappara,
Andra Snæ rithöfund og grínistann Sveppa.
„Tilgangur 24/7 er að spyrja spurninga sem gefur okk-
ur innsýn í hvernig áhugavert fólk horfir á heiminn og
þeirra lærdóm í lífinu svo að við getum lært af þeim og
hagnýtt þá vitneskju í okkar eigið líf,“ segir Beggi.
K100 fékk hann til að deila sínum uppáhalds-
hlaðvörpum.
Making Sense
„Sam Harris er taugavísindamaður og
heimspekingur og hann er með áhuga-
verðar pælingar um lífið og tilveruna.
Ræðir oft mikil hitamál sem eru í gangi
í heiminum hverju sinni og fær áhuga-
verða sérfræðinga í heimsókn sem maður getur lært af.“
The Happiness lab
„Dr Laurie Santos kennir vinsælasta
áfanga í sögu Yale, vísindi vellíðunar. Í
hlaðvarpinu tengir hún vísindi, heim-
speki og sögur um hamingju á áhuga-
verðan máta.“
The Jordan B. Peterson Podcast
„Jordan er frægasti og áhrifamesti sál-
fræðingur nútímans. Hann stendur ekki
á skoðunum sínum og talar um mik-
ilvæg og krefjandi málefni frá mörgum
sjónarhornum. Skilaboðin frá honum til
að bæta líf fólks eru aðdáunarverð.“
Dare to Lead
„Brené Brown er drottningin sem
kenndi okkur berskjöldun og hugrekki.
Í hlaðvarpinu spjallar hún við leiðtoga,
og aðra sérfræðinga, um þeirra rann-
sóknir og sögur sem hafa hjálpað þeim
og fyrirtækjum í að ná árangri.“
The Tim Ferris Show
„Dett inn á milli í Tim Ferris sem hefur
lært inn á þá sem ná árangri frá ýmsum
hliðum. Hefur einstaka nálgun með
spurningum sínum í hlaðvarpinu.“
Vill læra af
áhuga-
verðu fólki
Beggi Ólafsson fyrirlesari heldur
úti hlaðvarpinu 24/7 en hann hefur
sjálfur fjölbreyttan smekk á hlað-
vörpum. Hann deilir sínum fimm
uppáhaldshlaðvörpum hér.
Áhugaverð hlaðvörp frá Begga Ólafs
MORGUNBLAÐIÐ FÖSTUDAGUR 26. NÓVEMBER 2021
www.gilbert.is
J S
W
AT
CH CO .REYK JAV
K
Rósa Margrét Tryggvadóttir
rosa@mbl.is
Helga Haraldsdóttir ákvað að taka
mikla áhættu þegar hún sagði upp
starfi sínu sem yfirkokkur á Mat og
drykk til að fylgja draumi sínum.
„Það var bara eitt markmið og það
var að stofna íslenska sælgæt-
isgerð,“ sagði Helga í samtali við
Síðdegisþáttinn á K100. Það hefur
hún svo sannarlega gert, ásamt sam-
starfskonu sinni Wiolu Tarasek, en
þær stofnuðu sælgætisgerðina
Kandís á dögunum. Wiola er með
gráðu í jurtavísindum, en þær stöll-
ur handgera nú alíslenskt sælgæti
með bragðefnum úr íslenskum jurt-
um.
Þær eru nú að gefa út þrjár teg-
undir af íslenskum brjóstsykri en
meðal annars er einn brjóstsykurinn
með birki- og eplabragði og annar
með hvannar- og sólberjabragði.
„Bara rétt að byrja“
„Við erum bara rétt að byrja
núna. Við erum tilbúnar með þessa
vöru, þrjár tegundir og erum með
aðstoð Samtaka smáframleiðenda
matvæla, sem eru félagasamtök. Við
erum núna komin í sex stærstu
Krónuverslanirnar,“ sagði Helga.
„Þetta var mikil áhætta og stress
sem fylgir því. En það líka knýr
mann áfram. Ef maður ætlar út í það
verður bara bara að fara „all in“,“
sagði Helga og bætir við að hana
hafi alltaf langað að gera eitthvað
sjálf.
„Svo fæddist þessi hugmynd með
samstarfskonunni minni,“ sagði
Helga.
Lína Langsokkur innblásturinn
Sagði Helga að hún hefði verið
innblásin af ákveðnu atriði í leiknu
Línu Langsokks-myndunum sem
hún sá sem barn, þar sem þremenn-
ingarnir í myndunum fara inn í sæl-
gætisverslun.
„Og bara litadýrðin og krakkarnir
stóðu þarna þrír slefandi yfir þessu.
Ég man bara hvernig tilfinningin
var að horfa á þetta,“ útskýrði
Helga.
„Mig langaði að skapa eitthvað
svoleiðis,“ bætti hún við en hún segir
það vera framtíðarmarkmið að opna
sælgætisbúð og -gerð.
„Akkúrat núna erum við að fram-
leiða og við erum með þessar þrjár
tegundir af brjóstsykri,“ sagði hún.
Helga sagði frá því að þær Wiola
hefðu farið til Danmerkur og heim-
sótt þar brjóstsykursgerð sem hefur
verið starfrækt frá 1890 og að þar
hafi þær lært „helling“.
„Þar vorum við að hitta systkini
sem voru af þriðju kynslóð að fram-
leiða brjóstsykur,“ sagði hún.
Sérútbúin brjóstsykursvél
Í framhaldi hafi þær fengið
franskt fyrirtæki til að handsmíða
ákveðna handknúna brjóstsykursvél
sem þær nota til að framleiða brjóst-
sykurinn.
„Þetta er sjúklega spennandi og
ég er ofboðslega stolt af þessu,
hvernig þetta kemur út. Það hefur
mikil vinna farið í þetta,“ sagði
Helga.
„Pínu óraunverulegt“
„Þetta er pínu óraunverulegt akk-
úrat núna. Að vera í þessari stöðu og
geta haldið á þessu. Eftir alla þessa
vinnu og alla þessa vöruþróun,“ lýsti
Helga sem segir brjóstsykurinn að-
eins vera það fyrsta sem komi frá
Kandís.
Á döfinni sé að framleiða sér-
stakar karamellur og hefðbundinn
kandís, steinsykur, sem margir Ís-
lendingar ættu að þekkja.
Þá sagði Helga að hún mælti með
því að para brjóstsykurinn saman
með víni.
„Ég myndi algjörlega mæla með
birki og epla með hvítvínsglasi. All-
an daginn. En hvönnin og sólberið er
meira rauðvínið,“ sagði hún kímin.
Láta litríka
drauminn rætast
Helga Haraldsdóttir og Wiola Tarasek ákváðu að
elta drauma sína og segja upp starfi sínu sem kokk-
ar til að stofna íslensku sælgætisgerðina Kandís en
þær eru að sögn Helgu bara rétt að byrja. Helga
ræddi um þetta í Síðdegisþættinum á dögunum.
Kandís Helga og Wiola hafa nú framleitt þrjár tegundir af íslenskum brjóst-
sykri en þær eru með íslensk bragðefni, meðal annars úr hvönn og birki.
Helga
Haraldsdóttir
Wiola
Tarasek