Morgunblaðið - 23.12.2021, Qupperneq 43

43
MORGUNBLAÐIÐ FIMMTUDAGUR 23. DESEMBER 2021
Selfoss Nýi miðbærinn á Selfossi hefur rækilega slegið í gegn síðan hann var opnaður fyrr á árinu. Þar er jólalegt um að litast og margir hafa gert þar innkaup fyrir jólin og notið lífsins.
Birkir Pétursson
Fjölgun eldri íbúa er eitt af
þeim verkefnum sem Reykja-
víkurborg þarf að takast á við.
Hugmyndir nútímans ganga út
á að eldra fólk geti búið sem
lengst í eigin húsæði og það er
hlutverk okkar í Reykjavík-
urborg að aðstoða og skipu-
leggja slíka byggð.
Töluverður hluti húsnæðis í
Reykjavíkurborg hefur ekki
verið hugsaður til slíkra nota.
Stoðþjónusta er einfaldlega
ekki til staðar. Þar þarf að huga að útivist,
áhugamálum, félagslegri þjónustu, heilsu-
gæslu o.s.frv. Með slíkum forsendum er
hægt að styðja myndarlega við löngun
eldri borgara til að eldast heima hjá sér.
Ýmis vandamál geta komið í veg fyrir það
að eldra fólki líði vel í núverandi húsakynn-
um sínum. Húsnæðið getur verið of stórt, of
dýrt er að flytja, fólkið vill komast í rólegra
umhverfi og stundum er langt í þjónustu við
eldri borgara. Þetta er atriði sem við í
Flokki fólksins viljum taka á og færa til
betri vegar.
Á fundi borgarstjórnar 21. desember
lagði Flokkur fólksins fram tillögu um að
svæði í borginni yrðu skipulögð þar sem
sérstök áhersla er lögð á þarfir eldra fólks.
Svæðin yrðu skilgreind sem plús 60 og jafn-
vel plús 75 og eingöngu hugsuð út frá
þeirra þörfum.
Engin þörf væri fyrir uppbyggingu leik-
og grunnskóla eða aðra þjónustu sem hugs-
uð er fyrir börn og barnafjölskyldur. Ein-
blínt yrði á t.d. útisvæði með minigolfi eða
jafnvel golfi, skemmtilegum garði eins og
Hellisgerði, innisvæði þar sem unnt yrði að
koma fyrir verkefnastofu, sam-
eiginlegu svæði, aðstöðu fyrir
heimahjúkrun svo fátt eitt sé
nefnt.
Svæði sem þetta verður að
höfða til eldri borgara og
hvetja til útivistar og tóm-
stunda. Aðkoma félaga eldri
borgara yrði hér afar mikilvæg.
Hugsa mætti sér minni sérbýli
sérhönnuð fyrir þarfir eldri
borgara með miðlægum þjón-
ustukjarna. Gönguleiðir og
strætisvagnaleiðir yrðu þaul-
hugsaðar með upphituðum skýl-
um. Gæta yrði öryggis í hvívetna.
Flokkur fólksins leggur til að efnt verði
til samkeppni meðal arkitektastofa þar
sem þeim er gefinn kostur á að skipu-
leggja svæði annars vegar fyrir fólk eldra
en 60 ára og hins vegar fyrir fólk eldra en
75 ára. Fyrra svæðið yrði þá með meiri
útivistarmöguleikum en hið síðara með
meiri nærþjónustu eins og heimahjúkrun
og sameiginlegu þjónusturými. Því ekki að
stíga þetta myndarlega skref til móts við
betra mannlíf til framtíðar fyrir mikil-
vægan hóp?
Eftir Kolbrúnu
Baldursdóttur
» Á fundi borgarstjórnar
lagði Flokkur fólksins fram
tillögu um að svæði í borginni
yrðu skipulögð þar sem sér-
stök áhersla er lögð á þarfir
eldra fólks.
Kolbrún
Baldursdóttir
Höfundur er oddviti Flokks fólksins
í borgarstjórn Reykjavíkur.
Eldumst heima – sérstök
uppbygging svæða
Ný tækifæri flestra þjóða
byggjast fyrst og fremst á því
hvernig þær koma ár sinni fyrir
borð í alþjóðasamskiptum.
Ísland er í sérstöðu að þessu
leyti. Í fyrsta lagi eigum við af-
komu okkar undir utanríkis-
viðskiptum í ríkari mæli en flestar
aðrar þjóðir. Í öðru lagi erum við
alfarið háð samningum við aðrar
þjóðir um varnir landsins.
Í þessu ljósi er mjög sérstakt
að í síðustu kosningum var Við-
reisn eini stjórnmálaflokkurinn sem ræddi
utanríkismál að einhverju marki.
Um þessar mundir er það kappsmál flestra
þjóða að finna nýjar leiðir í alþjóðasamskiptum til
þess að styrkja stöðu sína og skapa ný tækifæri.
Við erum með öflugt og sterkt utanríkisráðuneyti
en pólitísk forysta þess hefur ekki beint athygl-
inni að nýjum tækifærum í nokkurn tíma.
Alþjóðasamstarf og betri lífskjör
Flest stærstu skrefin fram á við fyrir hag-
sæld þjóðarinnar, búskap hennar og samkeppn-
ishæfni hafa verið stigin á grundvelli alþjóðlegs
samstarfs.
Aðildin að norræna myntbandalaginu var
grundvöllur atvinnubyltingarinnar í byrjun síð-
ustu aldar. Útfærsla landhelginnar byggðist á
staðfestu og þrautseigju, en þátttaka í alþjóð-
legu samstarfi um þróun hafréttarins réð á end-
anum úrslitum.
Aðildin að NATO jók viðskipti vestur um haf.
Þátttaka í alþjóðlega gjaldmiðlasamstarfinu,
sem kennt var við Bretton Woods, réð miklu um
upphaf erlendrar fjárfestingar í stóriðju.
EFTA-aðildin skapaði ný tækifæri fyrir at-
vinnulífið. EES-samningurinn réð síðan miklu
um gott efnahagslegt gengi í lok síðustu aldar.
Í gegnum EES-samninginn erum við aðilar
að innri markaði Evrópusambandsins, sem er
kjarninn í hugmyndafræði þess. Þrátt fyrir að
full aðild að sambandinu yrði
minna skref en við tókum með
EES-samningnum þá eigum við
enn mörg ónýtt tækifæri í Evrópu.
Samstarf í gjaldmiðilsmálum
gæti haft einna mest jákvæð áhrif
til að treysta stöðugleika og auka
hagvöxt. En við myndum líka
brjóta niður tollahindranir, meðal
annars fyrir sjávarútveginn.
Kjarni málsins er sá að við
myndum auka viðskiptafrelsi ein-
staklinga og fyrirtækja. Það er
jarðvegur nýrra hugmynda og
framfara, nýsköpunar og þekk-
ingar.
Ekkert að frétta
Það er okkar að vera á tánum og kortleggja
hvernig og hvar hagsmunum okkar er best
borgið. Þess vegna hefur Viðreisn lagt fram til-
lögu sem felur í sér úttekt á stöðu Íslands í
svæðisbundinni og fjölþjóðlegri samvinnu.
Hvernig styrkja megi stöðu Íslands á alþjóða-
vettvangi til framtíðar. Á sviði menningar,
stjórnmála, varna og efnahags.
En einhverra hluta vegna er utanríkisráðu-
neytið ekki á fullu við að kanna þau tækifæri
sem við eigum ónýtt í Evrópu og annars staðar.
Af hverju er ekkert að frétta?
Svarið er þröngsýni. Við þurfum víðtæka um-
ræðu til að ryðja henni úr vegi. Það er í þágu al-
mannahagsmuna. Viðreisn mun halda því
merki á lofti.
Eftir Þorgerði Katrínu
Gunnarsdóttur
» Flest stærstu skrefin fram
á við fyrir hagsæld þjóð-
arinnar, búskap hennar og
samkeppnishæfni hafa verið
stigin á grundvelli alþjóðlegs
samstarfs.
Þorgerður Katrín
Gunnarsdóttir
Höfundur er formaður Viðreisnar.
Ónýtt tækifæri