Morgunblaðið - 23.12.2021, Side 62

62 ÍÞRÓTTIR
MORGUNBLAÐIÐ FIMMTUDAGUR 23. DESEMBER 2021
Ítalía
Venezia – Lazio........................................ 1:3
- Arnór Sigurðsson kom inn á hjá Venezia
á 75. mínútu en Bjarki Steinn Bjarkason
var ekki með.
C-deild:
Vis Pesaro – Siena................................... 2:1
- Óttar Magnús Karlson var ekki með hjá
Siena.
Grikkland
Bikarinn 16-liða, seinni leikir:
PAOK – Larissa ....................................... 3:1
- Sverrir Ingi Ingason lék allan leikinn
með PAOK.
_ PAOK áfram, 4:2 samanlagt.
Olympiacos – Levadiakos....................... 2:0
- Ögmundur Kristinsson varði mark
Olympiacos.
_ Olympiacos áfram, 4:3 samanlagt.
England
Deildabikarinn, 8-liða úrslit:
Brentford – Chelsea .............................. (0:0)
Liverpool – Leicester ............................ (1:3)
Tottenham – West Ham........................ (2:1)
_ Leikjunum var ekki lokið þegar blaðið
fór í prentun. Sjá mbl.is/sport/enski.
0-'**5746-'
Þýskaland
Erlangen – RN Löwen ........................ 36:26
- Ýmir Örn Gíslason lék í vörninni hjá Lö-
wen.
Flensburg – Melsungen ...................... 27:24
- Teitur Örn Einarsson skoraði 5 mörk
fyrir Flensburg.
- Elvar Örn Jónsson skoraði 5 mörk fyrir
Melsungen, Arnar Freyr Arnarsson 2 en
Alexander Petersson skoraði ekki.
Hannover-Burgdorf – Göppingen..... 32:34
- Heiðmar Felixson er aðstoðarþjálfari
Hannover-Burgdorf.
- Janus Daði Smárason skoraði 1 mark
fyrir Göppingen.
Kiel – Stuttgart.................................... 35:31
- Viggó Kristjánsson skoraði 8 mörk fyrir
Stuttgart en Andri Már Rúnarsson skoraði
ekki.
_ Efstu lið: Magdeburg 30, Kiel 28, Flens-
burg 25, Füchse Berlín 24.
B-deild:
Gummersbach – Ferndorf.................. 42:25
- Óðinn Þór Ríkharðsson skoraði 7 mörk
fyrir Gummersbach og Elliði Snær Viðars-
son 5 en Hákon Daði Styrmisson er úr leik
vegna meiðsla. Guðjón Valur Sigurðsson
þjálfar liðið sem er efst í deildinni.
Austurríki
Barnbach – Alpla Hard....................... 24:31
- Hannes Jón Jónsson þjálfar Alpla Hard.
$'-39,/*"
Belgía/Holland
Phoenix Brussels – Antwerp Giants65:103
- Elvar Már Friðriksson skoraði 15 stig
fyrir Antwerp, gaf 8 stoðsendingar og stal
boltanum tvisvar.
Hague Royals – Den Bosch ................ 54:97
- Snorri Vignisson skoraði 5 stig fyrir
Hague og tók 4 fráköst, gaf eina stoðsend-
ingu og stal boltanum einu sinni.
NBA-deildin
Miami – Indiana.................................. 125:96
New York – Detroit............................ 105:91
New Orleans – Portland .................... 111:97
Dallas – Minnesota........................... 114:102
LA Lakers – Phoenix ......................... 90:108
086&(9,/*"
Hallur Hansson,
landsliðsfyrirliði
Færeyinga í
knattspyrnu, er
genginn til liðs
við KR-inga og
hefur samið við
þá til tveggja ára.
Hallur hefur
lengst af leikið í
Danmörku, síðast
með Vejle, en
einnig með Horsens, Vendsyssel og
AaB, ennfremur með Víkingi og
HB í Færeyjum, og þá var hann í
röðum Aberdeen í Skotlandi í þrjú
ár fyrir tvítugt. Hallur, sem er 29
ára miðjumaður, hefur leikið 66
landsleiki fyrir Færeyjar og skorað
í þeim fimm mörk.
Sigurður Bjartur Hallsson, Stef-
án Ljubicic, Aron Kristófer Lárus-
son og Aron Snær Friðriksson hafa
einnig gengið í raðir KR-inga og þá
hefur liðið endurheimt Alex Frey
Hilmarsson og Odd Inga Bjarnason
úr láni.
Fyrirliði Fær-
eyinga í KR
Hallur
Hansson
HANDBOLTI
Bjarni Helgason
bjarnih@mbl.is
Handknattleikskonan Thea Imani
Sturludóttir hefur farið fyrir liði Vals
sem hefur verið nánast óstöðvandi í
úrvalsdeild kvenna, Olísdeildinni, á
tímabilinu.
Valskonur hafa tapað einum leik í
vetur, gegn KA/Þór á Hlíðarenda
hinn 13. nóvember, en liðið er með 16
stig í öðru sæti deildarinnar og á leik
til góða á topplið Fram sem er með 17
stig.
Thea, sem er 24 ára gömul, gekk til
liðs við Val í janúar á þessu ári eftir
þrjú ár í atvinnumennsku í Noregi og
Svíþjóð en hún er uppalin hjá Fylki í
Árbænum.
„Þetta er búið að vera mjög
skemmtilegt tímabil hingað til en það
er auðvitað mikið eftir af þessu,“
sagði Thea í samtali við Morgunblaðið
þegar hún var spurð út í stöðu Vals-
kvenna í deildinni.
„Það eru margir mikilvægir leikir
eftir á tímabilinu en við erum sáttar
með uppskeruna hingað til. Við höfum
aðeins verið óheppnar með meiðsli,
sérstaklega undanfarnar vikur, en
heilt yfir þá er ekki hægt að kvarta yf-
ir úrslitunum í það minnsta. Við erum
á réttri leið og núna er markmiðið
fyrst og fremst að byggja ofan á þetta
góða gengi á seinni hluta tímabilsins.
Við höfum hins vegar líka lagt
ákveðna áherslu á það að taka einn
leik fyrir í einu og við höfum reynt að
fara ekki fram úr okkur hvað það
varðar. Liðið er enn þá að slípa sig
saman ef svo má segja og við erum
líka að reyna byggja upp ákveðna
liðsheild og lið. Það voru ákveðin von-
brigði að komast ekki áfram í Evr-
ópubikarnum en á sama tíma þjapp-
aði það hópnum vel saman og eftir á
að hyggja var það kannski bara smá
lán í óláni að fara ekki lengra í Evr-
ópukeppninni,“ sagði Thea.
Áfall að missa Lovísu
Valskonur hafa unnið átta leiki á
tímabilinu til þessa.
„Hver sigur er gríðarlega mik-
ilvægur og það er líka mikilvægt
draga ákveðinn lærdóm af hverjum
einasta leik sem við spilum. Við feng-
um nokkra nýja leikmenn inn fyrir
tímabilið, þótt þeir hafi ekki verið
margir, og það tekur alltaf tíma að
koma sér inn í hlutina hjá nýju félagi.
Morgan Marie Þorkelsdóttir hefur
komið mjög vel inn í þetta en á sama
tíma misstum við líka Lovísu Thomp-
son frekar óvænt út.
Mér finnst liðið hafa tæklað brott-
hvarf Lovísu mjög vel og þeir leik-
menn sem hafa kannski verið í auka-
hlutverkum undanfarin ár hafa
algjörlega stigið upp og sýnt sig og
sannað það sem af er tímabilinu.
Morgan hefur líka staðið sig frábær-
lega þrátt fyrir að vera að koma inn
aftur eftir hlé þannig að okkur hefur
tekist að leysa vel úr þeim skakkaföll-
um sem við höfum orðið fyrir.“
Deildin sterkari en áður
Deildin í ár er jafnari en oft áður
þó Valur og Fram séu vissulega í
efstu sætunum.
„Eins og ég sagði áðan þá erum við
fyrst og fremst að einbeita okkur að
næsta leik enda er deildin þannig í ár
að það er hægt að misstíga sig gegn
hvaða liði sem er. Það má ekki van-
meta neinn andstæðing og öll liðin í
deildinni geta í raun tekið stig hvort
af öðru, þegar að þau eru á deginum
sínum. Ég kom heim fyrir ári síðan
eftir þrjú ár í atvinnumennsku en
deildin er allavega mun sterkari núna
en þegar ég spilaði í henni síðast.
Ég hef ekki náð að mynda mér al-
mennilega skoðun á því hvort það sé
sniðugt að breyta fyrirkomulaginu á
deildarkeppninni en ef við myndum
fjölga liðum í efstu deild þá myndi
það allavega gefa fleiri íslenskum
leikmönnum tækifæri á því að spila í
hæsta gæðaflokki, svo mikið er víst.“
Fékk nauðsynlegan tíma
Thea sneri heim úr atvinnu-
mennsku eftir langvarandi meiðsli en
hún hefur leikið með Volda og Oppsal
í Noregi, ásamt Aarhus í Danmörku á
atvinnuferli sínum.
„Ég var búin að vera meidd frekar
lengi þegar ég ákvað að koma heim
aftur. Ég náði ekki að jafna mig á
þeim meiðslum sem voru að hrjá mig
og það var hárrétt ákvörðun að koma
heim á þessum tímapunkti. Ég vissi
um leið og ég kom að ég myndi ekki
bara detta strax í mitt besta form
heldur var ég mjög meðvituð um það
að þetta myndi taka tíma.
Ég veit hvað ég get í handbolta og
vissi það þegar ég kom en líkaminn
var kannski ekki alveg í takt við haus-
inn ef svo má segja. Ágúst Jóhanns-
son [þjálfari Vals] og félagið hafa
hjálpað mér mikið og það var engin
pressa á mér að bera liðið á herðum
mér í fyrstu leikjunum eftir að ég
kom. Þetta hefur smollið betur saman
á yfirstandandi tímabili enda fékk ég
góðan tíma til þess að komast aftur í
mitt besta form.“
Vill ná upp stöðugleika
Thea er reynslunni ríkari eftir þrjú
ár í atvinnumennsku en hún útilokar
þó ekki að spila aftur erlendis á ferl-
inum.
„Þetta er klárlega stærra og meira
um sig í til dæmis Noregi og Dan-
mörku þar sem ég spilaði, heldur en
hérna heima. Á sama tíma er líka erf-
itt að ætla bera Ísland saman við
þessi tvö lönd þar sem leikstíllinn er
einfaldlega allt annar. Deildirnar í
Noregi og Danmörku eru mjög sterk-
ar og ég er auðvitað mjög þakklát fyr-
ir tækifærið að hafa fengið að spila í
þessum deildum.
Sjálf tek ég einn dag fyrir í einu og
ég er fyrst og fremst að einbeita mér
að því að klára mitt nám í Háskól-
anum í Reykjavík og svo standa mig
vel með Valsliðinu. Ég hef ekki úti-
lokað það að fara aftur í atvinnu-
mennsku einn daginn en við verðum
bara að bíða og sjá. Eftir langvarandi
meiðsli er mikilvægt að ná upp stöð-
ugleika og ég er fyrst og fremst að
einblína á það í mínum leik.“
Hungur í landsliðshópnum
Íslenska kvennalandsliðið vann af-
ar mikilvægan sigur gegn Serbíu í
undankeppni EM 2022 á Ásvöllum í
október en liðið er með 2 stig í 6. riðli
undankeppninnar þar sem tvö efstu
lið riðilsins komast í lokakeppnina
sem fram fer í Slóveníu, Norður-
Makedóníu og Svartfjallalandi.
„Það er alltaf gaman þegar lands-
liðið kemur saman enda er andinn í
hópnum frábær. Það eru margir nýjir
leikmenn að koma inn í þetta og við
erum því ekki eingöngu að einblína á
úrslitin þegar við spilum heldur erum
við líka að byggja upp og þróa nýtt lið
sem skiptir miklu máli. Við töpuðum
vissulega stórt gegn Svíþjóð en unn-
um svo Serbíu sem var mjög góður
sigur.
Það er klárt mál að það er mikið
hungur í hópnum að fara á stórmót og
sjálf þá væri ég mjög til í það, ég ætla
ekki að ljúga neinu um það. Það er
klárlega stefnan á einhverjum tíma-
punkti enda orðið of langt síðan að Ís-
lands komst síðast á stórmót í hand-
bolta,“ bætti Thea við í samtali við
Morgunblaðið.
Hárrétt ákvörðun að
koma heim til Íslands
- Thea Imani Sturludóttir er að finna sitt besta form eftir langvarandi meiðsli
Morgunblaðið/Kristinn Magnússon.
Landsliðskona Thea Imani Sturludóttir hefur fundið sig vel með Val í vetur.
Markahæstar
Eva Björk Davíðsdóttir, Stjörnunni 68
Ragnheiður Júlíusdóttir, Fram 65
JóhannaMargrét Sigurðardóttir,HK 65
Sara Odden, Haukum 64
Martha Hermannsdóttir, KA/Þór 54
Thea Imani Sturludóttir, Val 52
Þórey Rósa Stefánsdóttir, Fram 48
Ásta Björg Júlíusdóttir, Haukum 43
Katrín Helga Davíðsdóttir,
Aftureldingu 43
Karen Knútsdóttir, Fram 41
Aldís Ásta Heimisdóttir, KA/Þór 41
Mariam Eradze, Val 41
Ólöf Marín Hlynsdóttir,Aftureldingu 40
Rakel Sara Elvarsdóttir, KA/Þór 40
Emma Olsson, Fram 39
Flest mörk að meðaltali í leik
Eva Björk Davíðsdóttir, Stjörnunni 6,8
Ragnheiður Júlíusdóttir, Fram 6,5
JóhannaMargrét Sigurðardóttir,HK 6,5
Thea Imani Sturludóttir, Val 6,5
Sara Odden, Haukum 6,4
Flestar stoðsendingar
Hildur Þorgeirsdóttir, Fram 42
Karen Knútsdóttir, Fram 40
Lena Margrét Valdimarsdóttir,
Stjörnunni 38
Aldís Ásta Heimisdóttir, KA/Þór 35
Elín Klara Þorkelsdóttir, Haukum 32
Sara Odden, Haukum 31
Eva Björk Davíðsdóttir, Stjörnunni 30
Thea Imani Sturludóttir, Val 30
JóhannaMargrét Sigurðardóttir,HK 29
Karolina Olszowa, ÍBV 28
Ragnheiður Júlíusdóttir, Fram 24
Flest varin skot
Annika Friðheim Petersen, Haukum 114
Darija Zecevic, Stjörnunni 106
Hafdís Renötudóttir, Fram 90
MartaWawrzykowska, ÍBV 80
Margrét Ýr Björnsdóttir, HK 79
Matea Lonac, KA/Þór 73
Sara Sif Helgadóttir, Val 69
Eva Dís Sigurðardóttir,Aftureldingu 69
Besta hlutfallsmarkvarsla
Tinna Húnbjörg Einarsdóttir,
Stjörnunni 41,1%
Saga Sif Gísladóttir, Val 40,1%
Sara Sif Helgadóttir, Val 39,2%
MartaWawrzykowska, ÍBV 37,6%
Darija Zecevic, Stjörnunni 36,1%
Margrét Einarsdóttir, Haukum 35,5%
Annika FriðheimPetersen,Haukum 34,8%
Írena Björk Ómarsdóttir, Fram 34,5%
Flest varin vítaköst
Írena Björk Ómarsdóttir, Fram 7
Margrét Ýr Björnsdóttir, HK 7
MartaWawrzykowska, ÍBV 6
Bestu leikmenn samkvæmt
einkunnagjöf HBstatz
Thea Imani Sturludóttir, Val 8,39
Sara Odden, Haukum 7,65
Martha Hermannsdóttir, KA/Þór 7,65
Eva Björk Davíðsdóttir, Stjörnunni 7,62
Jóhanna Margrét
Sigurðardóttir, HK 7,58
Elín Klara Þorkelsdóttir, Haukum 7,38
MartaWawrzykowska, ÍBV 7,38
Karen Knútsdóttir, Fram 7,28
Hildur Þorgeirsdóttir, Fram 7,09
Rut Jónsdóttir, KA/Þór 7,09
Aldís Ásta Heimisdóttir, KA/Þór 7,06
Sunna Jónsdóttir, ÍBV 6,97
Annika Friðheim Petersen,
Haukum 6,90
Darija Zecevic, Stjörnunni 6,90
Hildigunnur Einarsdóttir, Val 6,89
Tölfræðin í Olísdeild kvenna 2021-22