Bændablaðið - 26.08.2021, Blaðsíða 22

Bændablaðið | Fimmtudagur 15. apríl 2021
22 Bændablaðið | Fimmtudagur 26. ágúst 2021 Bændablaðið | Fimmtudagur 26. ágúst 2021
UTAN ÚR HEIMI
Bandarísk yfirvöld reyna allt til að koma í veg
fyrir að svínapestarsmit berist til landsins
– Strangt eftirlit með innflutningi ferðamanna á svínakjöti og líka með innflutningi á hundum
Ekkert lát er á útbreiðslu afrísku
svínapestarinnar (AFS) í Afríku.
Dauðatíðni meðal dýra sem
sýkjast er 100% og engin lyf eða
bóluefni eru til gegn veirunni.
Erfiðlega hefur gengið að vinna
bug á veirunni sem hefur líka
verið að slá niður í Evrópuríkjum
á undanförnum misserum. Þá eru
bandarískir bændur nú komnir í
viðbragðsstöðu vegna veikinnar.
Í Cameroon í Afríku hefur svína-
pestin verið viðvarandi síðan 1982
en náð mismikilli útbreiðslu. Það
ár olli svínapestin dauða 40% af
svínastofni landsins. Aftur gaus
upp faraldur í landinu árið 2014
og undir lok júní síðastliðins voru
staðfest ný tilfelli svínapestarinnar.
Fjallað var um málið á Cameroon
Radio Television (CRTV) þann 1.
ágúst. Að sögn landbúnaðarráðherra
Cameroon eru sjö af tíu héruðum
landsins nú sýkt af veirunni.
Svínapestin nálgast
landamæri Bandaríkjanna
Þann 17. ágúst síðastliðinn gat að
líta frétt á vefriti Farm Progress
um að afríska svínapestin væri
stöðugt að færast nær landamærum
Bandaríkjanna. Í kjölfar frétta af
útbreiðslu veikinnar í Kína síðsumars
2018 hafi bandarískir svínabændur
farið að gera varnarráðstafanir til að
sporna gegn því að veikin bærist til
þeirra sem og aðrir dýrasjúkdómar.
Öll viðleitni virðist virka og tolla-
yfirvöld reyndu að þefa uppi allar
ólöglegar svínakjötsafurðir í höfnum
og á flugvöllum. Svínapestin hefur
því enn ekki náð að smita svína-
hjarðir í Bandaríkjunum, en menn
óttast að það fari að gerast.
Svínapestin komin
í fimm heimsálfur
Í lok júlí var tilkynnt um smit í
Dóminíska lýðveldinu. Er það í
fyrsta skipti í um 40 ár sem sjúk-
dómurinn hefur greinst í Ameríku.
Samkvæmt skýrslu frá heilbrigð-
isupplýsingamiðstöð svína (Swine
Health Information Center – SHIC),
er svínapestina nú að finna í fimm
heimsálfum.
SHIC og háskólinn í Minnesota
kynntu skýrslu SHIC-UMN þar sem
fram kemur að ráðuneyti Dóminíska
lýðveldisins hafi þann 28. júlí staðfest
tilvist ASF. Var það í kjölfar niður-
staðna prófana á 389 sýnum sem
safnað var frá svínum sem ræktuð
voru á sveitabæjum og í bakgörð-
um hjá fólki. Fimm dögum síðar
tilkynntu stjórnvöld í Dóminíska
lýðveldinu um greiningu ASF í 11
héruðum landsins. Fyrstu jákvæðu
sýnin voru úr hjörð í bakgarði í
Sanchez Ramirez héraði, þar sem
hjörðin hafði verið fóðruð. Þrátt fyrir
að framleiðsla á dóminískum svínum
fölni í samanburði við Bandaríkin,
þá þarf aðeins eitt sýkt svín eða eina
sýkta svínakjötsafurð til að sá snjó-
bolti verði að snjóflóði. Samkvæmt
USDA er bannað að flytja svínakjöt
og svínakjötsafurðir frá Dóminíska
lýðveldinu til Bandaríkjanna vegna
núverandi takmarkana. Það er líka
bent á að bannað er að fara yfir leyfi-
legan hámarkshraða, en venjulegt
fólk brýtur samt þau lög.
USDA skuldbindur sig til að
aðstoða Dóminíska lýðveldið við að
takast á við ASF, býður áframhaldandi
prófunarstuðning og mun hafa
samráð við þjóðina um frekari
skref eða aðgerðir til að styðja við
viðbrögðum og mótvægisaðgerðum.
Landbúnaðarráðuneyti Bandarík j-
anna segir að það muni einnig
bjóða upp á sambærilega aðstoð
við Haítí, sem liggur að Dóminíska
lýðveldinu og er í mikilli hættu
vegna svínapestarinnar.
Samkvæmt grein í Bloomberg
verður hugsanlega að slátra meira
en 500.000 svínum, eða um
helmingi svínastofnsins í Dóminíska
lýðveldinu, til að stemma stigu við
faraldrinum. Þar segir:
„Ríkisstjórnin þarf að drepa
100% svína í 11 af 33 héruðum
Dóminíska lýðveldisins þar sem
sjúkdómurinn hefur greinst. Það
eru bæði heilbrigð og sýkt dýr. Ef
það tekst ekki, mun mjög smitandi
sjúkdómurinn líklega valda
endurtekningu á því sem gerðist árið
1978, þegar nauðsynlegt reyndist
að slátra öllum svínum í landinu. Í
þessum 11 héruðum – þar á meðal
höfuðborginni Santo Domingo – eru
um 50% til 60% af 1,35 milljónum
svína í landinu, að sögn Dóminíska
svínabúasambandsins.“
Líka strangar ráðstafanir
gagnvart innflutningi á hundum
Bandarísk tollayfirvöld, landa-
mæraverðir og bandaríski svína-
iðnaðurinn gera nú allt til að koma
í veg fyrir að svínapestin komist
inn í Bandaríkin. Til viðbótar við
ráðstafanir til að koma í veg fyrir
að ólöglegar svínakjötsafurðir berist
inn í landið með ferðamönnum, gaf
dýra- og plöntuheilbrigðiseftirlit
Bandaríkjanna út skipun í byrjun
ágúst. Þar voru settar fram frekari
kröfur sem taka strax gildi fyrir hunda
sem fluttir eru til Bandaríkjanna
til endursölu frá löndum þar sem
svínapestin hefur geisað.
Svínaframleiðsluráðið fagnaði
þessum aðgerðum og fyrr á þessu
ári hefur einnig verið vakin athygli
á hugsanlegri hættu af innfluttum
björgunarhundum sem geta borið
smit úr rúmfötum, grindum eða
yfirhöfnum.
Smitefni sem berst með einum
hundi gæti valdið stórskaða
Á hverju ári eru fluttir inn til
Bandaríkjanna nokkur þúsund
hundar til endursölu eða ættleiðingar.
Ef aðeins einn af þessum hundum
ber með sér svínapestarsmit gæti
það sett bandaríska svínastofninn og
önnur búfjárkyn í hættu. Það gæti
haft skelfilegar afleiðingar fyrir
landbúnaðinn í Bandaríkjunum, að
mati Liz Wagstrom yfirdýralæknis
NPPC. /HKr.
FJÓSAINNRÉTTINGAR
DSD fjósainnréttingar sem
framleiddar eru í Hollandi eru
sérsmíðaðar fyrir íslenskar
kýr og hafa þegar sannað gildi
sitt í íslenskum fjósum.
Innréttingarnar eru hannaðar
og prófaðar eftir ströngustu
gæðakröfum og miða að velferð
bæði dýra og manna. Áralöng
reynsla hefur leitt af sér
innréttingakerfi sem auðvelt er
að aðlaga nánast öllum þörfum
nútímafjósa.
Hafðu samband:
bondi@byko.is
Til á lager
Bandarísk tollayfirvöld, landa mæraverðir og bandaríski svína iðnaðurinn gera nú allt til að koma í veg fyrir að
svínapestin komist inn í Bandaríkin. Mynd / Farm Progress
Dauð svín í Voronezh Oblast í Rússlandi 2011. Mynd / Sputnik Science photo library
Aukin eftirspurn eftir
bresku svínakjöti
Aukin eftirspurn frá Kína og
Bandaríkjunum hefur hjálpað
til við að efla útflutning á
svínakjöti í Bretlandi þrátt
fyrir að heildarsendingum
hafi fækkað miðað við tölur
síðasta árs vegna Covid-19 og
útgöngunnar úr Brexit.
Þessi aukna eftirspurn hefur
hjálpað til við að auka útflutning
á bresku svínakjöti til ríkja utan
ESB-og voru 122.850 tonn flutt
á fyrstu sex mánuðum þessa árs
samkvæmt frétt Farming UK.
Um 304 milljóna punda í
auknar útflutningstekjur
Að sögn HMRC hafa alls 177.638
tonn af svínakjöti verið flutt út
um allan heim það sem af er ári,
sem skilar 304 milljóna punda
aukningu til greinarinnar. Þó að
heildarsendingum hafi lítillega
fækkað miðað við tölur síðasta
árs, jukust sendingar til landa utan
ESB um 30% miðað við sama
tímabil í fyrra. Var verðmæti
þeirra um 220 milljónir punda.
Um 83.000 tonn voru flutt út
til Kína á milli janúar og júní, að
verðmæti tæplega 150 milljónir
punda. Aukning var einnig á
aðra markaði í Asíu eins og
Filippseyjar með útflutningi úr
2.800 tonnum í meira en 14.300
tonn að verðmæti 22 milljónir
punda. Útflutningur á svínakjöti
hefur einnig aukist til Suður –
Kóreu og nemur hann 1.924
tonnum á þessu ári.
Aukin eftirspurn frá löndum
eins og Bandaríkjunum og Ástralíu
hefur einnig hjálpað til við að auka
útflutning á svínakjöti frá Bretlandi.
Sendingar til Ameríku jukust um
27% í 3.348 tonn, að verðmæti
tæplega 10 milljónir punda og til
Ástralíu voru seld 1.613 tonn af
bresku svínakjöti. /HKr.
Markaðsstarf Breta við sölu á svínakjöti um allan heim eftir útgöngu úr ESB
virðist ganga mjög vel. Mynd / Farming UK