Bændablaðið - 26.08.2021, Side 39

Bændablaðið | Fimmtudagur 15. apríl 2021
39Bændablaðið | Fimmtudagur 26. ágúst 2021 Bændablaðið | Fimmtudagur 26. ágúst 2021
Þann 30. júní sl. kvað yfirskatta­
nefnd upp úrskurð nr. 125/2021
þess efnis að hollenskur pitsuostur
sem fluttur var hingað til lands
og ætlaður til sölu á stóreldhúsa­
markaði skyldi flokkast sem ostur
og af honum þyrfti að greiða toll.
Innflytjandinn hélt því fram að
pitsuosturinn ætti að flokkast sem
jurtaostur og þar af leiðandi væri
innflutningurinn tollfrjáls.
Um var að ræða mjólkurost
en 80% af honum voru gerð úr
hefð bundnum mozzarellaosti
en 20% úr ostlíki, að því er
fram kemur í úrskurðinum. Þar
segir að tollskrárnúmerið sem
innflytjandi vildi notast við væri
ætlað fyrir staðgönguvörur osts sem
innihéldu ekki mjólkurafurðir, til
dæmis vegan osta. Tollgæslustjóri
hafði áður komist að þeirri
niðurstöðu að varan teldist
vera unninn ostur (e. processed
cheese). Í úrskurðinum segir m.a.:
„Framleiðslu vörunnar væri ekki
ætlað að breyta megineinkennum
mozzarellaostsins heldur þvert á
móti viðhalda einkennum hans og
breyta hitunareiginleikum hans.“
Kröfu kæranda (innflytjandans)
um breytingar á bindandi áliti
tollgæslustjóra var hafnað. Þá var
kröfu kæranda um að málskostnaður
yrði greiddur úr ríkissjóði enn
fremur hafnað.
Misræmi í magntölum
um innflutning
Þetta mál er angi af því máli sem
hófst snemma árs 2020 þegar það
uppgötvaðist að mun meira var
flutt út af osti frá sumum löndum
ESB til Íslands. Síðar kom í ljós
að þetta misræmi á við margar
fleiri búvörur, þar á meðal kjöt og
kjötvörur, sem og grænmeti. Sem
dæmi þá voru 1.045 tonn flutt út
af unnum kjötvörum frá ESB-
löndum til Íslands árið 2019 en inn
til landsins voru skráð 399 tonn.
Yfirvöldum s.s. fjármála ráðu-
neyti og tollyfirvöldum, var bent
á þetta með ítarlegum gögnum og
rökstuðningi. Þetta varð til þess að
misræmið var tekið til sérstakrar
umræðu á Alþingi þann 22. október
að beiðni þingmanna Miðflokksins.
Þá óskuðu þingmenn Miðflokksins
eftir að Ríkisendurskoðun gerði
sérstaka úttekt á þessari fram-
kvæmd. Sú vinna stendur enn yfir
en verður vonandi lokið nú á haust-
dögum. Fjármálaráðherra skipaði
sérstakan starfshóp um málið í
janúar en ekkert hefur spurst til
niðurstöðu þeirrar vinnu. Var þessi
starfshópur skipaður til að vinna í
málinu eða sópa því undir teppi
stjórnarráðsins? Í ljós hefur einnig
komið að Skatturinn hefur lengi
vitað af því að skýrslur innflytjenda
eru gloppóttar og há villutíðni hjá
sumum innflutningsfyrirtækja. Um
það vitna skýrslur hjá Skattinum
sjálfum.
Lög skulu standa
Íslenska tollskráin er lögfest sem
viðauki við tollalög og öllum ber
að fara eftir henni. Mikilvægt er að
henni sé fylgt og rétt skráð bæði
tollflokkur vöru og upprunaland
þar sem þessir þættir ráða álagningu
tolla.
Stórefla þarf eftirlit með inn-
flutningi landbúnaðarvara og
framfylgni með tollskrá. Þetta
ætti að vera forgangsmál áður
en nýir samningar um viðskipti
með landbúnaðarvörur eru gerðir.
Þrátt fyrir þetta var enn bætt í
tollfrjálsa kvóta landbúnaðarvara
í viðskiptasamningi við Bretland
sem utanríkisráðherra kynnti í
júníbyrjun. Það er lágmarks krafa
að atvinnuvegaráðuneytið haldi
uppi vinnu til að fylgjast með
þessu samræmi innflutningstalna
til Íslands og útflutningstalna frá
t.d. stærstu viðskiptalöndum okkar
í ESB. Þetta er grundvallarforsenda
þess að milliríkjasamningar séu rétt
framkvæmdir.
Erna Bjarnadóttir
hagfræðingur og skipar 2.
sæti á lista Miðflokksins í
Suðurkjördæmi.
KLETTUR / SALA OG ÞJÓNUSTA / KLETTAGARÐAR 8-10
104 REYKJAVÍK / 590 5100 / klettur.is
ALLAR STÆRÐIR
AF CAT RAFSTÖÐVUM
Gerðu kröfur - hafðu samband við Karl
í síma 590 5125 og kynntu þér þína möguleika.
Stöðvar í gám
LESENDARÝNI
Ostur er og verður ostur
Erna Bjarnadóttir.
Reiðkennari við Háskólann á Hólum
Auglýst er til umsóknar staða reiðkennara við Hestafræðideild
Háskólans á Hólum. Hestafræðideild háskólans veitir fagmenntun á
sviði hestafræða, tamninga, reiðmennsku og reiðkennslu og vinnur
að þróun og nýsköpun fræðasviðsins í rannsóknastarfi. Hólar eru
fjölskylduvænn staður og á staðnum er leik- og grunnskóli.
Starfssvið
• Reiðkennsla og tengd verkefni.
• Þjálfun á hestakosti háskólans og sýningar.
Menntunar- og hæfnikröfur
• Reiðkennaramenntun og reynsla af reiðkennslu,
keppni og sýningum.
• Góð hæfni í mannlegum samskiptum og samvinnu.
Um er að ræða 100% stöðu. Launakjör eru skv. kjarasamningi
fjármála- og efnahagsráðherra og viðkomandi stéttarfélags. Um
starfskjör, réttindi og skyldur gilda að öðru leyti lög um réttindi og
skyldur starfsmanna ríkisins nr. 70/1996.
Umsóknarfrestur um starfið er til 9. september 2021 og er æskilegt
að viðkomandi geti hafið störf sem fyrst.
Vinsamlega sendið umsóknir ásamt ferilsskrá og staðfestingu á
menntun á netfangið umsoknir@holar.is merkt reiðkennari. Nánari
upplýsingar um starfið veita Elisabeth Jansen deildarstjóri (jansen@
holar.is) og í síma 8623788 og Mette Mannseth (mette@holar.is) og
í síma 8338876. Athygli er vakin á því að umsóknir munu gilda í sex
mánuði frá því að umsóknarfrestur rennur út.
Öllum umsóknum verður svarað þegar ákvörðun um ráðningu hefur
verið tekin.
Um 50 manns tóku þátt í fyrsta
almenna gróðursetningardegi
Loftslagsskóga Reykjavíkur
14. ágúst, þar sem ríflega 1.000
trjáplöntur voru gróðursettar í
hlíðum Úlfarsfells.
Loftslagsskógunum er ætlað að
kolefnisjafna starfsemi Reykja-
víkurborgar og verða um leið að
fallegum útivistarskógum.
Á vef Skógræktarfélags Reykja-
víkur (heidmork.is) kemur fram að
með verkefninu sé reynt að virkja
almenning til þátttöku í skógræktinni,
vekja áhuga og auka þekkingu. Á
gróðursetningardeginum var bæði
vant fólk og nýgræðingar sem tóku
sín fyrstu skref í skógræktinni.
„Gríðarleg tækifæri felast í að
auka skógrækt til að hamla gegn
loftslagsbreytingum og búa um
leið til fallegt, gróskumikið og
verðmætt umhverfi. Skógræktar-
félag Reykjavíkur, sem
ræktar upp skóginn fyrir hönd
Reykjavíkurborgar, stefnir að því
að halda fleiri gróðursetningardaga
í Loftslags skógunum – bæði fyrir
almenning og afmarkaða hópa,“
segir á vefnum um verkefnið.
Hver hektari bindur um sjö tonn
að meðaltali á ári
Á vef Skógræktarfélagsins er haft
eftir Gústafi Jarli Viðarssyni, skóg-
fræðingi og starfsmanni félagsins, að
á hverjum hektara skóglendis bindist
7 tonn á ári af CO2, að meðaltali
næstu 50 árin.
„Trjáplöntur binda nær ekkert
kolefni fyrstu árin meðan þær eru
að koma sér fyrir í jarðveginum. En
þegar vöxtur þeirra er kominn vel
af stað er bindingin mikil og nær
þessu meðaltali yfir 50 ár. Hve mikið
kolefni trén binda veltur meðal
annars á aðstæðum og trjátegundum.
Á Íslandi bindur birki oft um þrjú
og hálft tonn á hektara, sitkagreni
um sjö en ösp getur bundið um 20
tonn af kolefni, vaxi trén í frjósömu
landi.“ /smh
SKÓGRÆKT&LANDGRÆÐSLA
Gróðursetningardagur haldinn
í Loftslagsskógum Reykjavíkur
– Um 50 manns gróðursettu ríflega 1.000 trjáplöntur
Frá gróðursetningardeginum í Úlfars­
felli. Myndir / Skógræktarfélag Reykjavíkur