Ægir - 2021, Blaðsíða 6
6
Nýliðin kvótaáramót marka ákveðið bakslag í sjávarútvegi
þar sem aflaheimildir í þorski minnka um 13% frá fyrra fisk-
veiðiári. Líkt og forstjóri Hafrannsóknastofnunar fer yfir í
viðtali í blaðinu er að hluta um að ræða ákveðna leiðréttingu
og uppfærslu á gögnum síðustu ára en hver svo sem skýring-
in er þá er það sannarlega högg fyrir greinina þegar svo
mikill niðurskurður er í mikilvægustu tegundinni milli ára.
Líkt og útgerðarmenn benda á í viðtölum þá má búast við að
áhrifin muni koma skýrt fram næsta sumar þegar líður að
lokum fiskveiðiársins. Í heild sinni kallar þetta hjá mörgum
fyrirtækjum á hagræðingu og breytingar í útgerðarmynstri
og sókn.
Á hinn bóginn kemur það engan veginn öllum sem í grein-
inni starfa og með henni fylgjast á óvart að þorskveiðiheim-
ildir dragist saman. Það hefur augljóslega verið erfiðara fyrir
skipin að ná í þorskinn en var fyrir nokkrum árum og það
sem verra er að merki sjást um að hann sé að éta undan sér.
Slíkt er vísbending um um skort á æti. Jafnvel þó að um kerf-
islega leiðréttingu hafi verið að ræða nú í úthlutun aflaheim-
ildanna í þorski þá kann vel að vera að við séum í byrjun
niðursveiflu í þorskveiðum, líkt og við höfum áður séð.
Við höfum lengi vitað að skýrt samspil er á milli loðnu-
gengdar og viðgangs þorskstofnsins. Fiskifræðingar hafa í
áratugi bent á það og sumir þeirra beinlínis sagt að þegar
fram komi stórir þorskárgangar þá þurfi strax að bregðast
við með samdrætti í loðnuveiðum. Að sama skapi hafi lítil
loðnugengd mikil áhrif á vöxt og viðgang þorskstofnsins.
Vera kann að við stöndum nákvæmlega á þessum tímapunkti
núna, þ.e. að loðnuleysið síðustu ár sé nú að byrja að koma
fram af fullum þunga í þorskstofninum. Það er af þessum
ástæðum sem svo mikilvægt er að auka til muna rannsóknir
á loðnustofninum og þessu samspili nytjastofnanna tveggja.
Báðir skipta þeir mjög miklu máli sem undirstöður sjávarút-
vegsgreinarinnar. Loðnuleiðangur nú í september mun vænt-
anlega gefa ákveðna innsýn hvað þetta varðar og gefa vís-
bendingar um veiðanlegt magn í vetur. Verði ekki samhljóm-
ur í niðurstöðum haustleiðangursins nú og mælingum ung-
loðnu í fyrra vakna enn fleiri spurningar sem þarf að leita
svara við.
Haf- og fiskirannsóknir kalla fram umræðu og mismunandi
skoðanir en hafa hins vegar almennt mikið traust. Væri ekki
svo þá hefðu viðbrögð við úthlutun aflaheimildanna nú orðið
mun meiri og hvassari. Við vitum að sjávarútvegurinn bygg-
ir á sveiflukenndu lífríki sem ekki er hægt að stjórna. Með
rannsóknum er hins vegar hægt að auka þekkinguna, fá
meiri stöðugleika og sjá hlutina betur fyrir. Þess vegna skipta
þær svo miklu máli.
Jóhann Ólafur Halldórsson skrifar
Bakslag við kvótaáramót
Út gef andi:
Ritform ehf. ISSN 0001-9038
Rit stjórn:
Ritform ehf. Brekkutröð 4, 605 Ak ur eyri.
Rit stjór i:
Jóhann Ólafur Hall dórs son (ábm.)
GSM 899-9865.
Net fang: johann@ritform.is
Aug lýs ing ar:
Inga Ágústsdóttir.
Net fang: inga@ritform.is
Hönnun & umbrot:
Ritform ehf.
Vatnagörðum 14, 104 Reykjavík.
Á skrift:
Hálfsársáskrift að Ægi kostar 7500 kr.
Áskrift: 694 2693, ingunn@ritform.is
Af Ægi koma út 10 tölublöð á ári.
Eft ir prent un og ívitn un er heim il,
sé heim ild ar get ið.
Leiðari
Frystigámar / Sala og leiga 10 / 20 og 40 ft.
Seljum einnig og leigjum gámahús, geymslugáma og salernishús í
ýmsum stærðum og gerðum. Fjöldi sérlausna í boði, sniðnar að
þörfum hvers og eins viðskiptavinar.
www.stolpigamar.is
Hafðu
samband
568 0100 Óseyrarbraut 12 | 220 Hafnarfirði | Klettagörðum 5 | 104 Reykjavík