Ægir - 2021, Blaðsíða 38
38
Fiskistofa úthlutaði þann 1. september aflamarki fyrir fisk-
veiðiárið 2021/2022 sem nemur í heild 322 þúsund þorsk-
ígildistonnum. Það er lækkun milli fiskveiðiára sem nemur
37.000 þorskígildistonnum frá fyrra fiskveiðiári. Úthlutun í
þorski er um 202 þúsund tonn og dregst saman um 29 þús-
und tonn frá fyrra ári, úthlutun í ýsu er rúm 33 þúsund
tonn og lækkar um 3 þúsund tonn milli ára. Það skýrist öðru
fremur af 8 þúsund tonna aukaúthlutun sem var í byrjun
sumars.
Aflamarki var að þessu sinni úthlutað á 424 skip í eigu 308 að-
ila. Fimmtíu stærstu útgerðarfyrirtækin fá 90,60% af úthlutuðu
aflamarki og hækkar það hlutfall lítillega frá í fyrra. Mestu út-
hlutun fær Brim hf. til sinna skipa eða 9,33% af heildinni, næst
kemur Samherji Ísland ehf. með 7%, þá FISK Seafood ehf. með
6,22% og Þorbjörn hf. með 5,34%. Skipið sem mestar heimildir fær
er frystitogarinn Sólberg ÓF-1 í eigu Ramma með 10.000 ÞÍG
tonn.
Bátar með krókaaflamark eru á þessu fiskveiðiári 242 og
fækkar um 3 milli ára. Skipum í aflamarkskerfinu fjölgar um 5 á
milli ára og eru nú 181. Bátar undir 15 m og 30 brúttótonnum fá
úthlutað rúmlega 45 þúsund ÞÍG tonnum.
Alls er 1.852 ÞÍG tonnum úthlutað sem skel- og rækjubótum og
er það sama magn og í fyrra og fara þau til 46 báta en þeir voru
50 á fyrra ári.
Brim með mestar heimildir
Sem fyrr segir fengu fimmtíu stærstu útgerðarfyrirtæki landsins
úthlutað 90,6% aflaheimildanna á fiskveiðiárinu eða sem nemur
röskum 292 þúsund tonnum. Þetta er svipað hlutfall og var á síð-
asta fiskveiðiári. Litlar breytingar eru milli fiskveiðiára á lista
þeirra tíu fyrirtækja sem mestum heimildum fá úthlutað. Nes-
fiskur hf. var í fyrra í 10 sæti þessa lista en nú er Síldarvinnslan
komin aftur í það sæti. Að öðru leyti eru sömu fyrirtæki á þess-
um lista og sama röð í fjórum efstu sætunum.
Brim hf. er sem fyrr það fyrirtæki sem hefur yfir mestum
heimldum að ráða. Hlutfallið af heild er örlítið lægra en í fyrra,
þ.e. 9,33% á þessu fiskveiðiári en var 9,40% á síðasta fiskveiði-
ári. Næst koma Samherji Ísland ehf. með 7% í ár og FISK Seafood
ehf. með 6,22%. Hlutfall Samherja Ísland ehf. af heild er lítið eitt
hærra í ár en FISK Seafood ehf. ögn lægra.
Í heild fá þessi tíu fyrirtæki úthlutað 169.100 tonnum í þorsk
ígildum talið. Það er samdráttur upp á tæp 18.000 tonn milli fisk-
veiðiára. Í heild eru þau með 52,46% heildaraflans á fiskveiðiár-
inu en voru með 52,09% á síðasta fiskveiðiári.
Fyrirtæki Samtals ÞÍG Hlutfall
Brim hf., Reykjavík 30.070.573 9,33%
Samherji Ísland ehf., Akureyri 22.553.763 7,00%
FISK-Seafood ehf., Sauðárkrókur 20.051.899 6,22%
Þorbjörn hf., Grindavík 17.219.788 5,34%
Skinney-Þinganes hf., Höfn 14.342.384 4,45%
Rammi hf., Siglufjörður 14.028.946 4,35%
Vinnslustöðin hf., Vestmannaeyjar 13.506.852 4,19%
Vísir hf., Grindavík 13.033.854 4,04%
Útgerðarfé. Reykjavíkur hf., Rvík. 12.576.145 3,90%
Síldarvinnslan hf., Neskaupstaður 11.727.195 3,64%
Samtals 169.111.399 52,46%
Vestmannaeyjar á toppinn
Verstöðin Vestmannaeyjar þokast á þessu fiskveiðiári upp fyrir
höfuðborgina í toppsætið á lista yfir tíu þeirra heimahafna þar
sem mestar aflaheimildir eru skráðar. Vestmannaeyjar eru nú
með tæplega 40 þúsund tonn í þorskígildum eða 10,55% heim-
ildanna. Eins og sjá má er þó lítill munur á milli stærstu hafn-
anna þriggja; Vestmannaeyja, Reykjavíur og Grindavíkur. Sam-
anlagt eru fyrirtæki á þessum stöðum með um þriðjung úthlut-
aðra aflaheimilda.
Sömu hafnir eru á þessum lista og voru á síðasta fiskveiðiári
en fleiri breytingar á röðinni en hvað varðar efsta sætið. Þessi
listi, líkt og aðrir í ár, endurspeglar samdrátt í aflaheimildum
milli fiskveiðiára. Hins vegar hækkar hlutfall þessara tíu hafna
af heildinni lítillega milli ára, fer úr 61,82% á síðasta fiskveiðiári í
62,09% nú. Það er í takti við breytingu á hlutfalli milli ára hjá
stærstu útgerðarfyrirtækjunum.
Breki VE togar á miðunum. Mynd: Guðmundur Guðmundsson
Kvótinn 2021/2022
Aflaheimildir á nýju fiskveiðiári