Ægir - 2021, Blaðsíða 34

34
„Stærsta verkefni Fjarða-
byggðarhafna núna er
stækkun hafnarinnar á
Eskifirði. Þar eru búnar að
vera framkvæmdir í gangi
að undanförnu og verða
áfram á næsta ári. Rafvæð-
ingin er svo það sem koma
skal og þar erum við alltaf
að fylgjast með þróuninni
og bregðast við þörfinni.
Það er verkefni inn í fram-
tíðina,“ segir Þórður Vilberg
Guðmundsson, upplýsinga-
fulltrúi Fjarðabyggðar. Síld-
arvinnslan í Neskaupstað
hefur þegar komið upp eigin
rafstengingu við stærstu
skipin.
Átta hafnir
Hafnir Fjarðabyggðar eru
átta. Það er Norðfjörður, Eski-
fjörður, Reyðarfjörður, Fá-
skrúðsfjörður, Stöðvarfjörður,
Breiðdalsvík, Mjóifjörður og
Mjóeyrarhöfn við álverið á
Reyðarfirði.
„Við erum önnur stærsta
höfn landsins á eftir Faxaflóa-
höfnum. Um Mjóeyrarhöfn er
mikill útflutningur, bæði á áli
og ýmsum útflutningi en
Norðfjarðarhöfn er ein
stærsta fiskihöfn landsins. Þar
landar Síldarvinnslan nánast
öllum sínum afla. Hafnirnar á
hinum stöðunum eru minni,
en samt sem áður mikil umsvif
á Eskifirði í kringum Eskju og
á Fáskrúðsfirði í kringum
Loðnuvinnsluna. Hafnir eins
og á Breiðdalsvík og í Mjóa-
firði eru mjög litlar en mikil-
vægar fyrir smábáta sem eru
gerðir út þaðan.“
Sem dæmi um umsvif hafn-
anna má sjá að um Mjóeyrar-
höfn á Reyðarfirði fóru alls
árið 2020 1.315.414 tonn. Af því
var innflutningur 907.770
tonn og útflutningur 407.304
tonn. Skipakomur voru alls 90.
Leitum ávallt leiða til að
bæta hafnaþjónustuna
segir Þórður Vilberg Guðmundsson, upplýsingafulltrúi Fjarðabyggðar
 Höfnin í Neskaupstað er ein stærsta fiskihöfn landsins.
 Þórður Vilberg Guðmundsson segir starfsemi hafna
Fjarðarbyggðar bæði mikla og fjölbreytta.