Ægir - 2021, Blaðsíða 12
12
Heildarafli íslenskra skipa árið 2020
var 1.021 þúsund tonn sem er 2,5%
minni afli en landað var árið 2019.
Samkvæmt upplýsingum Hagstofu
Ísland jókst aflaverðmæti fyrstu
sölu um 2,3% á milli ára og nam
rúmum 148 milljörðum króna árið
2020.
Alls veiddust tæplega 464 þúsund
tonn af botnfiski sem er 3,6% minna en
árið 2019. Á sama tíma jókst aflaverð-
mæti botnfiskaflans um 1%, úr 112 millj-
örðum króna í 113 milljarða króna. Af
botnfiski veiddist mest af þorski árið
2020 og var hann sem fyrr verðmætasta
tegundin með um helming af heildarafla-
verðmætinu. Þannig var þorskaflinn ár-
ið 2020 alls 277 þúsund tonn og aflaverð-
mæti hans við fyrstu sölu nam tæplega
76 milljörðum króna.
Afli uppsjávartegunda var rúm 529
þúsund tonn árið 2020 sem er um 1%
minni afli en árið 2019. Af uppsjávarafla
veiddist mest af kolmunna, tæp 244 þús-
und tonn. Loðna veiddist ekki á árinu
2020 annað árið í röð. Aflaverðmæti upp-
sjávaraflans samanstóð af makríl, að
verðmæti 10 milljarðar króna, kolmunna
(7 milljarðar) og síld (6,8 milljarðar).
Af flatfiski veiddust tæp 23 þúsund
tonn árið 2020 sem er 3,6% meira en afli
fyrra árs. Aflaverðmæti flatfiskafurða
nam tæpum 9,9 milljörðum króna sem er
6% meira en árið 2019. Löndun á skelfisk
og krabbadýrum var aðeins 4.900 tonn
samanborið við 10 þúsund tonn árið
2019. Verðmæti skel- og krabbadýra nam
rúmum 1,2 milljörðum sem er 33% minna
en árið 2019.
Fiskaflinn 2020
Milljón tonn að verðmæti 150 milljarða króna
Fréttir
Fiskaflinn 2020 var 2,5% meiri en árið á undan en verðmæti fyrstu sölu jókst um 2,3% milli ára. Þorskurinn stendur að baki
helmingi heildarverðmæta fiskaflans. Mynd: Þorgeir Baldursson