Ægir - 2021, Blaðsíða 30

30
„Maður sér að makrílveiðin hefur
breyst mikið. Það kemur mun minna
inn í lögsöguna og og mun dreifðara
og því ekki í eins veiðanlegu formi og
áður. Það er erfiðara að eiga við hann
núna. Þetta kemur og fer eins og við
þekkjum sem erum búnir að vera
lengi í þessu. Þetta er til dæmis lak-
asta árið í veiði innan lögsögunnar.
Það er ekkert víst hér verði alltaf
makríll,“ segir Guðmundur Þ. Jónsson,
skipstjóri á Vilhelm Þorsteinssyni EA í
samtali við Ægi. Guðmundur hefur
verið á makrílveiðum allt frá því slík-
ar veiðar hófust um 2008.
Það er hitastigið í sjónum sem ræður
miklu um það hve langt makríllinn geng-
ur á sumrin. Undanfarin ár hafa verið
hagstæð hvað það varðar en nú hefur
sjórinn verið kaldari en áður. Reyndar
var það bara efst í bláyfirborðinu sem
hitinn var góður. Nú virðist lag hlýsjáv-
arins vera þynnra en áður.
Mikill ránfiskur
„Við höfum heyrt um makríl fyrir Norð-
urlandi en við höfum ekki farið þangað
að leita, enda er þar lokað hólf fyrir
trollveiðum. Kannski kemur sá makríll
suður með Austfjörðunum þegar hann
byrjar að ganga til baka á vetrarstöðv-
arnar. Þetta er allt breytilegt og til dæm-
is er ekkert langt síðan við þurftum að
sækja norsk-íslensku síldina okkar langt
norður í höf. Nú er hún í miklum mæli
innan lögsögunnar. Makríllinn er mikill
ránfiskur og komi hann ekki á miðin get-
ur það komið sér vel fyrir aðra fiski-
stofna. Það er eins og þessi makrílstofn
sem kom hingað í upphafi, hafi verið að
koma aftur og aftur, því við erum alltaf
að fá stærri og stærri fisk og það bendir
til að nýliðun vanti í þann hluta stofns-
ins sem við höfum verið að veiða úr,“
segir Guðmundur.
Hann segir að nú séu Norðmenn
komnir í bobba, fái ekki að fara inn í lög-
sögu Breta til að veiða eins þeir hafa
getað fyrir Brexit. „Það eru engir samn-
ingar í gildi þar. Þeir veiddu aðeins 20%
af sínum kvóta innan eigin lögsögu í
fyrra. Það verður væntanlega eitthvað
öðruvísi núna. Þessar þjóðir verða bara
að ná samkomulagi, svo hægt sé að stýra
veiðunum og taka makrílinn á þeim tíma
sem hann er verðmætastur.“
Samkomulag verður að nást
um veiðarnar
Ekkert samkomulag hefur verið um
makrílveiðarnar og hefur það leitt til
þess að veiðin fer verulega umfram ráð-
leggingar fiskifræðinga. Lönd eins Nor-
egur og Færeyjar hafa verið að skammta
sér heimildir sem eru langt umfram eðli-
lega hlutdeild og haldið Íslandi fyrir
samningaviðræður um stjórnun veið-
anna.
„Ég er þeirrar skoðunar það verði að
nást samkomulag milli veiðiþjóðanna um
hlutdeild hvers og eins í aflanum. Þetta
mun aldrei ganga til langframa án sam-
komulags. Ég held að það geti gengið illa
eftir nokkur ár vegna óstjórnar og of-
veiði. Við verðum að geta samið um
þessa stofna. Það er ekki hægt að taka
sér einhliða mikinn kvóta eins og Færey-
ingar og Norðmenn hafa gert. Við erum
barnanna bestir því við stillum okkar
hlut í hóf í samræmi við það sem við höf-
um verið að gera. Hinir fara langt fram
úr öllu. Náist samkomulag um veiðar þá
ættum við líka að geta veitt makrílinn
víðar og á þeim tíma þegar hann er sem
best hráefni. Þannig gætum við fengið
verðmætari afurðir, þó hlutdeildin yrði
hugsanlega minni,“ segir Guðmundur.
Spáir loðnuvertíð
Íslenska sumargotssíld er að braggast og
mikið sást af ungviði kolmunna í rann-
sóknaleiðöngrum í sumar. Þegar eitt
minnkar kemur annað í staðinn. Eftir
makrílveiðar að sumri fara skipin á
Uppsjávarveiðar
Ekki víst að hér verði
alltaf makríll
segir Guðmundur Þ. Jónsson skipstjóri á Vilhelm Þorsteinssyni EA
 Guðmundur Þ. Jónsson segir makrílveiðina hafa verið erfiða í ár. Það sé ekki á
vísan að róa.