Ægir - 2021, Blaðsíða 25

25
keilu og fleiri stofna. Eitthvað er að
stýra þessu sem við skiljum ekki enn. Ég
efast um að við munum nokkurn tímann
skilja þetta til fulls en við verðum í það
minnsta að gera tilraunir til þess. Þetta
eru spurningar sem allir vísindamenn
sem tengjast hafrannsóknum hafa verið
að spyrja sig. Eru einhvers staðar gögn
eða eitthvað sem hægt er að safna og
varpa að einhverju leyti ljósi á þetta.
Það virðist líka sem svona gerist á mörg-
um hafsvæðunum á sama tíma. Ég er
ekki með svörin en ég veit að mitt fólk er
með allskonar hugmyndir um hvernig
hægt væri að nálgast viðfangsefnið og
við munum vinna úr þeim hugmyndum
með haustinu.“
Vilja skoða strandsvæðin betur
Þorsteinn segir áhuga á að skoða skoða
strandsvæðin betur, til dæmis tengsl
umhverfisins og fiskeldisins.
„Á strandvæðunum eru risavaxin
verkefni við verðum að sinna. Við verð-
um að styðja við það sem stjórnvöld eru
hugsa í þeim efnum og koma með ráð-
leggingar um hvort þær hugmyndir eru
réttar eða rangar. Okkar sýn á þessi mál
er auðvitað alltaf sú að það sem við ger-
um verði ekki á kostnað lífríkisins. Við
þurfum að gæta þess. Og til þess að geta
sagt það er margt sem þarf að gera áður.
Þar má nefna kortlagningu lífvera á mis-
munandi svæðum. Hún er forsenda þess
að hægt sé að meta breytingar síðar.
Þannig er mikilvægt að hafa „núllpunkt-
inn“ þegar byrjað er á einhverju, til
dæmis einhverju smáu fyrst og skoða af-
leiðingar þess, áður en ákveðið er að
bæta í. Þetta á sérstaklega við um fisk-
eldið, svo ekki sé talað um áhættumat
vegna erfðablöndunar.“

Áhrif loftslagsbreytinga greinileg
Við beinum sjónum okkar að áhrifum
loftlagsbreytinga á lífríki hafsins. Þor-
steinn segir að nú þegar hafi komið fram
umtalsverð áhrif á útbreiðslu fiskteg-
unda við landið. Hann bendir á loðnuna,
sem hafi verið að hörfa til norðurs. Ýsan
hafi flutt sig norðar og makrílinn gengið
upp að landinu. Allt séu þetta áhrif af
loftlagsbreytingum, ekki endilega á
heimsvísu því þetta geti að stórum hluta
til verið vegna náttúrulegra áratuga-
sveiflna. Sveiflurnar séu miklar en engu
að síður sjáist þessi þróun á landi líka.
Bleikjan eigi til dæmis erfitt uppdráttar
vegna þess að sumrin eru hlýrri og
vötnin sömuleiðis. Hún kjósi að vera í
köldu vatni. Þessi dæmi séu öllum ljós.
„Okkur hér á norðurslóðum hefur
hætt til þess að halda að allt verði betra
með hækkandi hitastigi, en það er ekki
Ægisviðtalið
Vantar skýringar
á dapri nýliðun
margra nytja-
stofna
rætt við Þorstein Sigurðsson forstjóra Hafrannsóknastofnunar
Hjá Hafró
frá 1994-2019
Þorsteinn er fæddur og
uppalinn í Neskaupstað.
Hann er með BS-gráðu í líf-
fræði frá Háskóla Íslands og
Cand. Scient gráðu frá Há-
skólanum í Bergen. Hann hóf
störf sem sérfræðingur hjá
Hafrannsóknastofnun árið
1994 og var forstöðumaður
hjá stofnuninni frá árinu 2005
til 2019. Árin 2005 til 2016
starfaði hann sem
forstöðumaður
nytjastofnasviðs og frá árinu
2016 til 2019 var hann
forstöðumaður sviðs
uppsjávarlífríkis. Í fyrra
starfaði Þorsteinn sem sér-
fræðingur á skrifstofu sjáv-
arútvegs og fiskeldis í at-
vinnuvega- og nýsköpunar-
ráðuneytinu, sem nú er orðin
skrifstofa sjávarútvegsmála.