Ægir - 2021, Blaðsíða 20
20
„Það hefur verið svolítið ströggl að ná
þorskinum að undanförnu, verið frek-
ar erfitt. Ég sé ekki nein teikn um að
það fari að lagast. Við sjáum mest af
kolmunna í þorskinum, ekki neina síld
og alls ekki makríl. Það er líklega of
kalt hér fyrir makrílinn,“ segir Rúnar
L. Gunnarsson, skipstjóri á togaranum
Gullveri NS
Höldum bara áfram að veiða!
„Ég veit eiginlega ekki hvernig nýtt fisk-
veiðiár leggst í mig. Það lítur allavega
ekkert vel út núna. Þetta hefur oft verið
slæmt en alltaf jafnað sig. Þetta fisk-
veiðiár byrjar bara eins og það síðasta.
Við höldum bara áfram að veiða.“
Þeir á Gullveri halda sig nær ein-
göngu á miðunum fyrir austan land. „Á
veturna og sumrin erum við mikið hérna
á Fætinum og suður af Berufjarðarál. Nú
í sumar vorum við meira á Papagrunn-
inu. Sjórinn hefur verið svo kaldur
hérna austur af. Á haustin förum við svo
norður á grunnin.“
Rýmri kvótastaða eftir
sameiningu við SVN
Rúnar segist ekki vita hvernig skerðing-
in þorskinum muni koma út fyrir Gullver.
Þeir séu inni í heildarkvóta Síldarvinnsl-
unnar með Bergey, Vestmannaey og
Blæng og það eigi eftir að koma í ljós
hvernig kvótinn muni skiptast milli skip-
anna. „Við erum að taka þorsk, ýsu, ufsa
og karfa og höfum töluvert meiri kvóta
eftir að Síldarvinnslan tók útgerðina yf-
ir. Við getum fiskað allt eins og við vilj-
um. Þeir stilla okkur hins vegar af með
sortirnar í hverjum túr,“ segir Rúnar.
Þorskurinn og ýsan fara í vinnu á
Seyðisfirði. Hitt fer út í gámum eða á
markað. Afurðirnar eru svo sendar bæði
ferskar og frystar úr landi með Norrænu
sem kemur vikulega til Seyðisfjarðar.
Fiskveiðiárið
Ströggl að ná
þorskinum
segir Rúnar L. Gunnarsson, skipstjóri á Gullveri NS
Gullver NS við bryggju á Seyðisfirði. Skipið er nú komið með einkennisliti
Síldarvinnslunnar.
Rúnar L. Gunnarsson, skipstjóri.