Ægir - 2021, Blaðsíða 14

„Við höfum síðustu árin þurft að hafa
æ meira fyrir því að veiða þorskinn
en var áður. Þess vegna kom það okk-
ur skipstjórnendum ekki á óvart að
ráðlagðar hafi verið minni þorskveið-
ar á því fiskveiðiári sem nú er nýhaf-
ið,“ segir Sigtryggur Gíslason, skip-
stjóri á togaranum Kaldbaki EA 1.
Sigtryggur segir að mjög greinilega
hafi farið að halla undan fæti í þorsk-
veiðinni fyrir um þremur árum. „Þorsk-
veiðar hafa auðvitað verið sveiflu-
kenndar í gegnum tíðina en þróunin síð-
ustu þrjú árin hefur verið mjög greini-
leg. Við gátum auðveldlega farið fyrir
nokkrum árum og sótt 100 tonn á tveim-
ur til þremur dögum en það er mjög erf-
itt í dag. Þá var líka mikið að hafa af 4-5
kílóa fiski en það er mun minna af hon-
um í dag. Þess vegna þurfum við að
leggja umtalsvert meira á okkur til að ná
stærri fiski fyrir vinnsluna því við forð-
um okkur ef fiskurinn er smár.“
Hann segir breytingar í þorskgengd-
inni ekki merkjanlegri á einhverjum til-
teknum svæðum við landið fremur en
öðrum. „Við þurfum að vera mun meira á
hreyfingu en áður. Fiskurinn er styggur
og minna af honum og þá þarf að færa
sig oftar á milli svæða til að ná aflanum.“
Ráðgjöf um minni
þorskveiði kom
ekki á óvart
segir Sigtryggur Gíslason, skipstjóri á Kaldbaki EA-1
14
 Sigtryggur Gíslason, skipstjóri á Kaldbaki.