Ægir - 2021, Blaðsíða 10

10
Örn Pálsson, framkvæmdastjóri
Landssambands smábátaeigenda, seg-
ir ljóst að samdráttur í þorskveiði-
heimildum komi illa við smábátaút-
gerðirnar en hann er afar ósáttur við
samdráttinn í heimildum til ýsuveiða.
Örn segir LS koma til með að berjast
fyrir endurskoðun á þeirri ákvörðun.
„Við erum mjög ósáttir við minnkun í
þorskinum en alveg sérstaklega í ýsunni.
Við teljum að þá ákvörðun þurfi einfald-
lega að leiðrétta. Þetta er í engu sam-
ræmi við upplifun okkar manna á mið-
unum, alls ekki. Ýsan hefur verið að
aukast síðustu ár og að okkar mati var
algjör óþarfi að draga nú frá það sem út-
hlutað var aukalega á síðasta fiskveiði-
ári. Sú þekking sem sjómenn búa yfir í
dag og sá fiskileitarbúnaður sem þeir
nota alla daga er eitthvað sem þarf að
fara að taka meira tillit til þegar fiski-
stofnar eru metnir. Það hvarflar ekki að
nokkrum sjómanni að fara fram á meiri
veiðiheimildir en stofnar þola. En að
sama skapi hafa menn góða yfirsýn á
það sem er að gerast í lífríkinu og menn
eru sammála um að þróunin sem þeir sjá
í ýsunni sé ekki í samræmi við það sem
sem svo birtist í veiðiráðgjöfinni. Þess
vegna verður það okkar verkefni nú í
byrjun hausts að fara mjög nákvæmlega
ofan í þetta mál og berjast fyrir því að fá
þessari ákvörðun um heildarafla breytt.
Fyrir því eru fordæmi að ákvörðun um
heildaraflaheimildir hafi verið endur-
skoðaðar eftir að fiskveiðiár er hafið og
það er þess vegna vel gerlegt,“ segir
Örn.
 Smábátafloti í Sandgerðishöfn.
Aflamark í ýsu
verði endurskoðað
 Samdráttur í aflaheimildum þorsks og ýsu mun koma verulega niður á smá-
bátaútgerðunum.
Nýtt fiskveiðiár