Ægir - 2021, Blaðsíða 15

15
Óvenju slæmt á Austfjarðamiðum
í sumar
Kaldbakur EA fór í slipp í ágúst og er ný-
farinn til veiða á ný. Skipið var talsvert
að veiðum fyrir austan land í sumar og
þar segir Sigtryggur að lítið sem ekkert
hafi verið að hafa af þorski.
„Á því svæði hefur þorskveiðin oft
glæðst seinni hluta sumars þegar síld er
á svæðinu en við urðum ekki varir við
hana nú í byrjun ágúst eins og oft áður.
Hvaða skýringar eru á því að þorskveið-
in er svona dræm á Austfjarðamiðum
ekki gott að setja til um. Mögulega má
skýra það með því að kaldi sjórinn var
óvenju vestarlega í sumar miðað við síð-
ustu ár. Hitaskilin voru við Papagrunnið
og þar var mikið af ýsu og ufsa en að
sama skapi lítið um þorsk,“ segir Sig-
tryggur.
Þorskurinn að éta undan
sjálfum sér
Nærtækt er að skýra almennt minni
þorskgengd með þróun í æti og segist
Sigtryggur hræddur um að það vanti æti
fyrir þorskinn, sér í lagi loðnuna. Hann
segir að skipstjórnarmenn hafi lítið orðið
varir við hana í sumar.
„Það sýnir sig að þorskurinn er far-
inn að éta undan sjálfum sér því við
sjáum þorskseiði í maga þorsksins sem
segir ákveðna sögu um stöðuna í æti
fyrir stofninn,“ segir Sigtryggur. Að
hans mati mætti gera fleira til að bregð-
ast við en draga saman seglin í úthlutun
aflaheimilda.
„Mín skoðun er sú að það ætti að
lengja það tímabil sem bannað er að
veiða á hrygningarslóðinni fyrir sunnan
land á vorin. Hrygningarstoppið er hálf-
ur mánuður í dag en þyrfti að mínu mati
að vera fjórar vikur að lágmarki. Það er
svo mikilvægt að vernda hrygningar-
fiskinn á þessum tíma.“
Ýsuheimildir komu á óvart
Hvað varðar samdrátt í ráðlögðum afla-
heimildum í ýsu segir Sigtryggur að sú
ákvörðun hafi komið verulega á óvart.
„Ekki síst í ljósi þess að það var bætt
við ýsukvótann á miðju síðasta fisk-
veiðiári og við sjáum ótrúlega mikið af
henni á miðunum, t.d. fyrir austan land í
sumar. Þetta er umtalsverð breyting í
ýsustofninum frá því sem var fyrir
nokkrum árum þannig að stofninn hefur
náð að rétta verulega úr kútnum. Þess
vegna komu minni heimildir í ýsu á
óvart á sama tíma og skipin hafa víða
þurft að forðast svæði þar sem svo mikið
hefur verið af henni,“ segir Sigtryggur
Gíslason, skipstjóri á Kaldbaki EA-1.
Fiskveiðar
 Kaldbakur EA-1 er einn af aflahæstu togurum flotans í þorski.