Fréttablaðið - 04.05.2022, Blaðsíða 8

magdalena@frettabladid.is
Fyrirtækið Snerpa Power er meðal
þeirra sjö fyrirtækja sem eru þátt-
takendur í viðskiptahraðlinum
Hringiðunni. Hraðallinn snýst um
fyrirtæki sem koma með lausnir
er snúa að hringrásarhagkerfinu.
Snerpa Power var stofnað í þeim
tilgangi að virkja raforkunotendur
á Íslandi til þátttöku á raforkumark-
aði og bæta þannig auðlindanýtingu
og skapa aukið svigrúm fyrir orku-
skiptin.
Fyrirtækið er stofnað af þeim
Eyrúnu Linnet og Írisi Baldurs-
dóttur en þær eru báðar rafmagns-
og tölvuverkfræðingar. Eyrún er
stofnandi og stjórnarformaður
fyrirtækisins en Íris stofnandi og
framkvæmdastjóri. Eyrún hefur
unnið í raforkugeiranum í 15 ár,
bæði hjá Landsneti og sem rafveitu-
stjóri hjá ISAL. Íris hefur unnið í
störfum tengdum raforku bæði á
Íslandi og á erlendri grundu. Hún
vann hjá Landsneti í 15 ár, þar áður
hjá alþjóðlegum raf búnaðarfram-
leiðanda, ABB, og nú starfar hún hjá
Samtökum raforkuflutningsfyrir-
tækja Evrópu í Brussel.
Íris segir að hugmyndin að
fyrirtækinu hafi verið í nokkur ár
í mótun.
„Við einfaldlega komum auga á
tækifæri á raforkumarkaði til að
auka nýtingu auðlinda en svo þarf
að útfæra það. Það er straumbreyt-
ing að eiga sér stað á markaði sem
tengist áherslum í loftslagsmálum
og það skiptir miklu máli að fá inn
notendur sem geta stýrt sínu álagi
og þannig selt hluta af sinni notkun
aftur upp á net í formi reglunar til
að jafna skammtímafrávik í fram-
leiðslu og notkun. Það vantar hins
vegar þetta millistykki milli stór-
notandans og markaðarins til að
raungera þessa breytingu og þar
komum við inn,“ segir Íris og bætir
við að mikilvægt sé að virkja raf-
orkunotendur hér á landi til þátt-
töku á raforkumarkaði og auka
þannig samkeppnishæfni.
„Við gerum raforkunotendum
kleift að selja brot af sínu álagi til
baka aftur inn á net. Lausnin sem
við bjóðum upp á leiðir þannig til
bættrar auðlindanýtingar. Við erum
að þróa hugbúnaðarplatform sem
nýtist stórnotendum rafmagns og
gerir þeim kleift að besta reglunar-
tilboð inn á markað með sjálfvirkum
hætti. Við munum einnig sjálf-
virknivæða ákveðna ferla hjá stór-
notendum varðandi áætlanagerð og
bæta áhættustjórnun með sjálfvirku
eftirliti með álagsstýringu.“ ■
Snerpa leysir vandamál á raforkumarkaði
Íris Baldursdóttir, stofnandi og framkvæmdastjóri, og Eyrún Linnet,
stofnandi og stjórnarformaður. MYND/AÐSEND
Raf bílar njóta sívaxandi
vinsælda en eftirspurn eftir
þeim hefur aukist töluvert
á undanförnum misserum.
Viðmælendur Markaðarins
segja að líklegt sé að hún
muni aukast enn frekar á
komandi mánuðum og árum.
magdalena@frettabladid.is
Tómas Kristjánsson, formaður
Raf bílasambands Íslands, segir
að eftirspurn eftir rafmagnsbílum
hafi aukist töluvert á undanförnum
misserum og að líkur séu á því að
hún haldi áfram að aukast þegar
fram líða stundir.
„Það er nóg að rýna í innf lutn-
ingstölur á raf bílum til að sjá
hversu mikil sprenging hefur orðið.
Samkvæmt tölum frá Samgöngu-
stofu eru 13.106 raf bílar á skrá hér
á landi í dag. Á árinu 2018 voru 800
raf bílar f luttir inn, ári seinna voru
þeir 1.100, árið 2020 voru þeir 2.600
og á síðasta ári voru það 4.300 raf-
bílar,“ segir Tómas og bætir við
að eftirspurn eftir raf bílum muni
koma til með að aukast enn frekar.
„Við höfum áætlað eftirspurn
eftir raf bílum til ársins 2030 og
er sú spá algjörlega í anda þessa
veldis vaxtar sem hefur verið und-
anfarin þrjú ár. Miðað við okkar
áætlanir munu á árinu 2026 verða
f luttir inn 13.000 raf bílar sem er
stjarnfræðileg tala miðað við hver
staðan var á markaðnum fyrir
þremur árum síðan.“
Úlfar Steindórsson, forstjóri
Toyota, segir að líklegt sé að áhugi á
fjölbreyttum kostum í orkugjöfum
eigi enn eftir að aukast og að bíla-
framleiðendur keppist við að svara
þessum áhuga.
„Við eigum enn eftir að sjá fjöl-
breytnina aukast og enn eru áhuga-
verðir kostir sem bíða frekari þró-
unar. Má þar sérstaklega nefna
nýtingu vetnis sem ætti að henta
okkur Íslendingum vel,“ segir Úlfar
og bætir við að eftirspurn eftir raf-
bílum hafi verið fyrir hendi um
nokkurra ára skeið. „Úrval hefur
aukist mikið og kröfur til raf bíla
hafa aukist. Raf bílar henta vel
vegna lágs raforkuverðs en það sem
helst vinnur á móti þeim er kalt
loftslag og skortur á innviðum.“
Tómas segir að biðtíminn eftir
raf bílum geti verið nokkrir mán-
uðir og að hún sé lengri en eftir
hefðbundnum eldsneytisbílum.
„Í kjölfar Covid urðu framleiðslu-
hnökrar og það hefur haft áhrif á
framleiðslu á bílum um allan heim.
Það kom alveg jafnmikið niður á
raf bílum og eldsneytisbílum en
það eru lengri biðlistar eftir raf-
bílum en eldsneytisbílum. Það
hefur með það að gera að nú orðið
er eftirspurnin eftir raf bílum orðin
svo miklu meiri.“
Úlfar segir að vegna skorts á
innviðum finni fyrirtækið fyrir
auknum áhuga á plug-in bílum.
„Við erum að fá til okkar rafmagns-
bíla í hverjum mánuði, Lexus UX
og Toyota Proace sendibílinn.
Við munum síðan kynna fyrsta
rafmagnsjepplinginn, BZ4X, frá
Toyota í sumar og hefur hann
selst vel í forsölu. Fyrstu bílarnir
verða afhentir um leið og við kynn-
um bílinn en búast má við að það
taki fram á haust að afgreiða bílana
sem þegar hafa verið pantaðir af
viðskiptavinum.“
Tómas segir að bílaframleið-
endur séu bundnir af Evrópureglu-
gerð sem kveður á um að heild-
arútblástur frá bílum sem þeir
framleiða megi ekki fara yfir 95
grömm á hvern kílómetra. „Þannig
að ef þeir framleiða bíl sem mengar
meira en 95 grömm þá verða þeir
að framleiða raf bíla í hlutfalli við
það. Það gerir það líka að verkum
að bílaframleiðendur framleiða
meira af raf bílum en þeir hafa gert
hingað til. En það er náttúrulega
ekki eina ástæðan fyrir aukningu
í framleiðslu raf bíla, önnur er að
eftirspurnin eftir raf bílum í Evrópu
er sífellt að aukast.“ ■
Eftirspurn eftir rafbílum hefur aukist
Tómas Kristjáns-
son, formaður
Rafbílasam-
bands Íslands,
segir eftirspurn
eftir rafbílum
munu koma til
með að aukast á
komandi miss-
erum.
FRÉTTABLAÐIÐ/
VALLI
Úlfar Steindórs-
son, forstjóri
Toyota
Í bankasölumálinu hafa nær
allir sem standa í hringiðunni
miðri hvatt til þess að við
öndum ofan í kviðinn og bíðum
átekta eftir niðurstöðum rann-
sókna.
Það er alveg rétt. Það er alltaf
gott að draga andann djúpt og fá
f leiri staðreyndir á borðið.
Enn sem komið er liggur þó
ekki alveg fyrir hvað á að skoða.
Afmörkun úttektar Ríkisendur-
skoðunar getur enn tekið breyt-
ingum samkvæmt þeirra eigin
svörum.
Það er engin ástæða til að
ætla starfsfólki eftirlitsstofnana
annað en að það muni vanda til
verka.
En að starfandi ríkisendur-
skoðandi skuli vera einn af þeim
sem hafa sóst eftir að vera ráðnir
í stöðuna til frambúðar getur
varla talist ákjósanleg staða.
Starfandi ríkisendurskoðandi
er þannig beinlínis að rannsaka
störf fólksins sem hann er að
sækja um vinnu hjá. Einhverjir
myndu nú segja sig frá slíku
verkefni. Svona til að eyða efa-
semdum um beina hagsmuni.
Hinn angi rannsóknar snýr
að Fjármálaeftirlitinu. Og aftur,
þar starfar strangheiðarlegt og
vandað fólk.
En eins og í tilviki Ríkisend-
urskoðunar verður að teljast
óheppilegt hvernig eftirlitið
tengist ráðuneyti fjármála og
efnahagsmála beint.
Málið mun væntanlega koma
inn á borð f jármálaeftirlits-
nefndar, samkvæmt verklýsingu
nefndarinnar.
Í því ljósi getur varla talist
traustvekjandi að þrír af fimm
fulltrúum nefndarinnar séu
skipaðir af f jármálaráðherr-
anum sjálfum. Þar af er einn
núverandi nefndarmaður skrif-
stofustjóri í fjármálaráðuneyt-
inu. Og náinn samstarfsmaður
ráðherra.
Og þá komum við aftur að
þessu með traustið. Og arms-
lengdina. Ef eitthvert mál hefur
sýnt okkur fram á mikilvægi
þess að vinnubrögð séu hafin
yfir vafa þá er það þetta blessaða
bankasölumál.
En öndum djúpt. Enn um sinn.
Þótt allir séu sammála um að
klára þessar rannsóknir hratt
og vel.
Eða hvað? Er kannski lang-
best fyrir þá sem staðið hafa í
eldlínunni að úttektirnar taki
sem lengstan tíma? Í þeirri von
að málið sofni. Láta það súrna
aðeins í sumarhitanum.
Nei, það getur ekki verið. Til
þess er málið of stórt. ■
Mál sem súrna
FÆRÐU ÁSTVINUM
ÞÍNUM ÓSKASKRÍN
– UPPLIFUN Í ÖSKJU
577 5600 | info@oskaskrin.is | oskaskrin.is
■ Skoðun
Guðmundur
Gunnarsson
MARKAÐURINN 4. maí 2022 MIÐVIKUDAGUR