Fréttablaðið - 04.05.2022, Blaðsíða 22

Grunnverð: 1.090.000 kr.
Hestöfl: 9
Tog: 11 Nm
Sætishæð: 776 mm
Þurrvikt: 107 kg
Bensíntankur: 5,6 lítrar
Eyðsla: 1,6 l/100 km
Honda Monkey 125
KOSTIR
n Lipur
n Lítil eyðsla
GALLAR
n Lítið afl
n Mælaborð
Reynsluakstur
Njáll
Gunnlaugsson
njall
@frettabladid.is
Hver kannast ekki við
stytturnar þrjár, þar sem
aparnir halda fyrir munn
eyru og augu? Það gæti
verið nákvæmlega það sem
maður hugsar þegar sest
er á þetta litla og krúttlega
mótorhjól. Þetta mun ekki
geta gert neitt af sér, er það
nokkuð?
Honda Monkey hjólið kom fyrst
fram á sjónarsviðið sem mótorhjól
fyrir notkun í skemmtigörðum
árið 1961, en með smá breytingum
kom það á almennan markað árið
1967 með 50 rúmsentimetra vél.
Það kom svo á markað í núverandi
gerð árið 2018 með 125 rúmsenti-
metra vél. Í 2022 árgerðinni voru
gerðar veigamiklar breytingar
eins og að kominn er nýr, fimm
gíra kassi og vélin stenst nú Euro5
mengunarreglugerðina. Bílapróf-
ara Fréttablaðsins bauðst að prófa
slíkan grip á dögunum og lét hann
ekki segja sér það tvisvar.
Monkey-nafnið er tilkomið
vegna þess hvernig ökumaður lítur
út þegar hann er á hjólinu, sem er
hjólbeinóttur, með olnboga út í
loftið og oftar en ekki með bros á
vörunum. Svo auðvelt er þetta hjól
í meðförum að nánast hver sem
er getur keyrt það. Það er kannski
ekki að fara að reykspóla af stað á
ljósum en það er samt fljótara af
stað en margir fólksbílar. Kúpl-
ingin er létt og auðveld og passað
er upp á að gjöfin sé ekki snögg
upp á lagið svo að óvanir eigi
auðveldara með að höndla hjólið.
Þegar komið er af stað þarf varla
að hugsa um beygjuna og þá er
hjólið búið að taka hana. Minnsta
hreyfing í stýri kemur því í hallann
og samt er það svo öruggt að það
kemur manni á óvart í hvert skipti.
Gripið er líka eitthvað til að tala
um því þótt dekkin séu ekki nema
12 tommur eru þau breið og gefa
góða festu. Annar kostur við belg-
mikil dekkin er að þau skemma
ekki gróður, kjósi einhver að nota
hjólin á einkalandi.
Monkey-hjólið er svo sem ekki
ætlað til neinna ferðalaga þótt
hægt sé að kaupa á það böggla-
bera sem aukahlut. Krafturinn
er ekki mikill, eða 9 hestöfl, og
togið aðeins 11 Newtonmetrar,
svo hætt er við að það missi aðeins
dampinn í brekkum. Í venju-
legum borgarakstri er það hins
vegar einstaklega þægilegt og þar
sem sætishæðin er ekki mikið
lægri en á f lestum venjulegum
mótorhjólum sér ökumaður vel
yfir bílþökin. Hjólið er búið sam-
tengdum bremsum sem þýðir að
það bremsar einnig að hluta til að
framan þegar stigið er á aftur-
bremsuna. Frambremsan er búin
ABS-hemlalæsivörn svo að ekki
sé hætta á að það læsi framdekki.
Þótt fjöðrunin sé í styttra lagi
ræður hún þó við f lest það sem
henni er boðið upp á.
Ef setja á út á eitthvað í þessu
annars skemmtilega hjóli er mæla-
borðið of einfalt, en um leið frekar
ólæsilegt. Auk þess er það nálægt
ökumanni svo taka þarf augun
af veginum og horfa dálítið niður
fyrir sig, svo að maður reynir að
gera sem minnst af því og sem styst
í einu. Einnig er ekki beint hægt að
segja að maður flytji mikið með
sér á þessu hjóli þó að bögglaberi
myndi kannski ráða við eina litla
og létta tösku. Hjól eins og þetta
á sér fáa keppinauta, nema ef
vera skyldi Suzuki VanVan til að
mynda. Askja hefur þegar selt sex
eintök á aðeins nokkrum vikum
sem gerir þetta hjól að vinsælasta
mótorhjólinu á Íslandi í dag. Geri
aðrir betur. ■
Sannkallað apaspil
Það er enginn að fara að prjóna yfir sig á Monkey þó að framdekkið hafi óvart losað sig við götuna á hraðahindrun.
MYNDIR/TRYGGVI ÞORMÓÐSSON
Beygjur eru einstaklega auðveldar og belgmikil dekkin gefa gott grip.Mælaborðið er einfalt og mætti sýna meira og erfitt að sjá á það.
ABS-hemlalæsivörn er á framdekki
og sportleg framfjöðrun.
Hjólið upp-
fyllir kröfur um
Euro5-meng-
unarstaðalinn
enda púst-
kerfið stór hluti
hjólins.
8 BÍ L A BL A ÐI Ð 4. maí 2022 MIÐVIKUDAGUR