Skessuhorn - 09.02.2022, Blaðsíða 2

MIÐVIKUDAGUR 9. FEBRÚAR 20222
Öryggismynda-
vélar við skóla
AKRANES: Á síðasta fundi
Skipulags­ og umhverfisráðs
Akraneskaupstaðar var kerfis­
stjóra Akraneskaupstaðar falið
að skoða lóðir við Brekkubæj­
arskóla, Grundaskóla og leik­
skólann Teigasel með tilliti
til þess að hægt verði að vakta
mannvirki innan lóðanna með
öryggis myndavélum. -vaks
Stoppaði ekki
við gangbraut
BORGARNES: Síðasta mið­
vikudag varð lögregla vitni að
því þegar ökumaður virti ekki
gangbrautarrétt þegar gangandi
vegfarandi ásamt barni ætl­
uðu yfir gangbraut við leikskól­
ann Klettaborg. Ökumaður­
inn stöðvaði ekki bifreiðina við
gangbrautina heldur ók áfram
sína leið. Ökumaðurinn var
stöðvaður og greiddi sekt upp
á 20 þúsund krónur á staðnum.
-vaks
Strumpur á ferð
AKRANES: Að morgni þriðju­
dags í liðinni viku var ökumaður
stöðvaður með blá ljós að fram­
an á bifreið sinni. Honum var
gert að skipta um þann ljósa­
búnað enda er engum heimilt
að vera með blá ljós á bifreiðum
nema lögreglu. -vaks
Féll úr lyftu
AKRANES: Að morgni
fimmtudags var hringt í
Neyðarlínuna og tilkynnt um
að maður væri fastur í lyftu í
blokk á Stillholti og kom í ljós
að hann hafði verið fastur þar
í um klukkustund. Þegar síð­
an starfsmaður lyftufyrirtækis­
ins var að aðstoða manninn við
að komast úr lyftunni féll mað­
urinn fram fyrir sig um 40 cm
niður á gólf úr lyftunni sem var
ekki alveg komin á leiðarenda.
Viðkomandi var fluttur á slysa­
deild en hann missti meðvitund
við fallið. -vaks
Ók út af
BORGARBYGGÐ: Rétt fyr­
ir miðnætti á föstudagskvöldið
missti ökumaður stjórn á bifreið
sinni út á Borgarfjarðarbraut
vestan við Hvanneyri og hafn­
aði í skurði. Bíllinn var óöku­
hæfur eftir óhappið. Engin slys
urðu á fólki og allir farþegarnir
voru í bílbeltum. Voru foreldr­
ar farþega látnir vita um slys­
ið þar sem farþegarnir voru all­
ir undir 18 ára aldri. Hringt var
á dráttarbílaþjónustu í Borgar­
nesi til að láta fjarlægja bílinn.
-vaks
Ók á snjóblásara
DALABYGGÐ: Um hádegis­
bilið á föstudaginn varð um­
ferðaróhapp í Bröttubrekku
þegar bíl var ekið á snjóblásara
sem var aftan í dráttarvél. Öku­
maður sá ekki snjóblásarann
fyrr en of seint vegna mik­
ils kófs sem þeystist upp í loft­
ið fyrir framan hann. Engin slys
urðu á fólki en bíllinn var óöku­
fær og snjóblásarinn virkaði
ekki eftir áreksturinn. -vaks
Símanotkun almennings hef-
ur aukist til muna síðustu ár og
þá sérstaklega eftir komu snjall-
símanna. Ef það er einhvers stað-
ar dauð stund þá er fólk fljótt
að grípa í símann sinn eins og
til að mynda á biðstofum, sal-
ernum, biðskýlum, í vinnunni og
nánast hvar sem er. Áður fyrr var
meira spjallað þegar fólk hittist
en nú er meira um það að fólk
láti sig hverfa ofan í símana sína.
Því miður er þetta orðið of al-
gengt og því hvetjum við fólk
að leggja frá sér símann af og til
í meira mæli og njóta sín meira
með fjölskyldu og vinum þegar
færi gefst.
Á fimmtudag verður vestlæg
átt, 8-13 m/s og dálítil él um
landið vestanvert, en bjart fyr-
ir austan. Frost 1 til 12 stig, kald-
ast inn til landsins, en dregur
heldur úr frosti síðdegis. Á föstu-
dag má búast við fremur hægari
suðlægri átt og stöku éljum, en
bjartviðri á Norður- og Austur-
landi. Frost 1 til 10 stig. Geng-
ur í austanstrekking með slyddu
eða snjókomu á sunnanverðu
landinu um kvöldið og hlýn-
ar. Á laugardag er gert ráð fyr-
ir austan- og norðaustan átt og
slyddu með köflum sunnan- og
austan til, stöku él verða fyrir
norðan, en yfirleitt þurrt á Vest-
urlandi. Hiti í kringum frostmark.
Á sunnudag og mánudag er út-
lit fyrir breytilega átt og dálítil él
á víð og dreif. Heldur kólnandi
veður.
Í síðustu viku var spurt á vef
Skessuhorns: „Hvaða fisk finnst
þér best að borða?“ 36% sögðu
„Þorskur,“ 22% sögðu „Ýsa,“
20% sögðu „Lax/Silungur,“ 12%
sögðu „Lúða,“ 4% sögðu „Stein-
bítur,“ 3% sögðu „Annað“ og 3%
sögðu „Keila/Langa.“
Í næstu viku er spurt:
Hver er uppáhalds árstíðin þín?
Jóhanna María Sigmundsdóttir,
verkefnastjóri í Dalabyggð, hefur
vakið rækilega athygli á slæmri
stöðu fjarskiptamála í Dala-
byggð. Jóhanna María er Vest-
lendingur vikunnar að þessu
sinni.
Spurning
vikunnar
Til minnis
Vestlendingur
vikunnar
Veðurhorfur
Viðskiptavinum Arion banka í
Búðardal hefur borist tölvupóst­
ur frá bankanum þess efnis að til­
kynnt er um lokun bankaútibús­
ins í Búðardal. „Nú er komið að
útibúinu okkar í Búðardal en það
mun sameinast útibúinu okkar í
Borgarnesi. Afgreiðslan í Búðardal
mun í framhaldinu loka. Breytingin
mun taka gildi 31. mars nk. Starfs­
fólk útibúsins verður áfram hluti af
teymi okkar á Vesturlandi,“ skrif­
ar Sigurgeir Sindri Sigurgeirsson,
svæðisstjóri Arion banka á Vestur­
landi í bréfinu.
Þessi lokun hefur haft talsverðan
aðdraganda, bæði í formi fækkun­
ar og uppsagnar starfsmanna á síð­
ustu árum og í mikilli skerðingu á
opnunartíma útibúsins, sem fram
að lokun verður opinn átta tíma á
viku, sem skiptist á tvo daga. Lok­
unin kemur íbúum því ekki á óvart,
enda hefur útibúum viðskiptabank­
anna á landsbyggðinni verið fækk­
að kerfisbundið undanfarin ár og
sífellt fleiri íslensk þorp orðin án
bankaþjónustu. Eftir lokun úti­
búsins verður, samkvæmt bréfinu,
hægt að nota hraðbankann í Búðar­
dal til að millifæra, greiða reikn­
inga, leggja inn eða taka út. Loks
bendir Sindri einnig á að fram að
lokun verði hægt að fá aðstoð við
að læra á stafrænar þjónustuleiðir
bankans.
Með þessari lokun verður jafn
greiðfær, eða ógreiðfær leið, íbúa
í Dölum að fjármálastofnunum,
hverju nafni sem þær nefnast. Nú­
tíma bankaviðskipti byggjast nefni­
lega á að fjarskipti séu í lagi, en það
eru þau ekki eins og ítarlega hef­
ur komið fram í Skessuhorni að
undanförnu. bj
Eftir að hin svokallaða ARR arf­
gerð, sem er verndandi gegn riðu­
veiki, fannst í kindum frá Þernunesi
við Reyðarfjörð vaknaði von um að
hana væri einnig að finna á Kambi í
Reykhólasveit því féð sem greindist
á Reyðarfirði átti meðal annars ætt­
ir sínar að rekja til Kambs. Kamb­
ur er sölubú fyrir fé, selur gripi á
fæti og varnarhólfið sem bærinn er
í telst Mekka í ræktun á kollóttu
fé. Tekin voru sýni úr fé á Kambi
seinni hluta janúar mánaðar og þau
send til greiningar í Þýskalandi.
Komin er niðurstaða úr sýnun­
um sem tekin voru úr alls 45 kind­
um. Engin þeirra reyndist vera með
ARR arfgerðina. Frá þessu greindi
Karl Kristjánsson bónda á Kambi á
facebook síðu sinni í síðustu viku.
Hann bætti því við að þetta hafi
verið honum vonbrigði en fyrst
búið er að finna genið á Þernunesi
í Reyðarfirði segir hann líkur á að
það leynist víðar.
vaks
Um miðjan desember síðastliðinn
gerði Félag íslenskra trygginga­
stærðfræðinga tillögu til fjár­
mála­ og efnahagsráðuneytisins
um breytingar á forsendum reikni­
grunns um lífslíkur fólks, til sam­
ræmis við reiknilíkan sem félag­
ið hafði áður samþykkt. „Þar sem
tillaga félagsins felur í sér veiga­
mikla breytingu hjá lífeyrissjóðum
á mati skuldbindinga milli mismun­
andi aldurshópa þykir rétt að heim­
ila lífeyrissjóðum að innleiða hin­
ar breyttu forsendur við trygginga­
fræðilega athugun á næstu tveim­
ur árum frá komandi áramótum
að telja,“ sagði í frétt fjármála­
ráðuneytisins um málið undir lok
síðasta árs, en ráðuneytið féllst
Forsendur reiknigrunns um lífslíkur
hækka lífeyrisskuldbindingar
á breytinguna sem þýðir að fjöl­
margar stofnanir þurfa nú að taka
mun meira til hliðar í fjárhagsáætl­
unum sínum til að mæta væntan­
legum lífeyrisskuldbindingum, en
áður hafði verið áætlað.
Í breytingunni felst að lífeyris­
sjóðum er heimilt, við gerð
tryggingafræðilegrar athugunar við
lok síðasta árs, að velja hvort skuld­
binding verði metin með reikni­
grunni frá árinu 2019 eða með
hinum nýja grunni sem samþykkt­
ur var í desember. Margir sjóð­
anna völdu að nýta sér það en um
leið breytast afturvirkt forsend­
ur reiknigrunns um lífslíkur fólks
og greiðslur sem m.a. sveitarfélög
höfðu áætlað til að mæta lífeyris­
skuldbindingum. Breytingin verð­
ur þá afturvirk og hefur samkvæmt
heimildum Skessuhorns afar slæm
áhrif á rekstrarniðurstöðu fjöl­
margra sveitarfélaga.
Tvö hundruð milljóna
króna skellur
Borgarbyggð er í hópi þeirra
sveitarfélaga sem borist hefur krafa
um afturvirkar greiðslur vegna líf­
eyrisskuldbindinga síðasta árs. Í
bókun byggðarráðs í síðustu viku
segir: „Fyrir liggur að verulegar
breytingar hafa orðið á lífeyris­
skuldbindingum sveitarfélagsins
vegna ársins 2021 sem valda því að
endurreikna þarf stöðumat KPMG
miðað við þær upplýsingar sem ný­
verið hafa borist. Breytingin á líf­
eyrisskuldbindingunum mun jafn­
framt hafa verulegar breytingar á
rekstrarniðurstöðu sveitarfélagsins
vegna ársins 2021,“ segir í bókun
byggðarráðs.
Skessuhorn leitaði til Þórdísar
Sifjar Sigurðardóttur sveitarstjóra
og spurði hvað þessi ákvörðun
ráðuneytisins þýddi. Hún upplýsir
að lífeyrisskuldbindingar Borgar­
byggðar aukast frá því sem áætl­
að hafði verið vegna síðasta árs um
u.þ.b. 200 milljónir króna vegna
þessara nýju reglugerðar, sem er
um 5% af heildartekjum sveitar­
félagsins. „Það mun snúa þeim já­
kvæða árangri sem var í sjónmáli
af rekstri sveitarsjóðs 2021 yfir í
tap,“ segir Þórdís Sif í samtali við
Skessuhorn. „Í reglugerðinni er að
finna ákvæði um sveigjanleika líf­
eyrissjóða til að taka í gildi breytt­
ar reikniforsendur, nánar tiltekið
hafa þeir fram til ársins 2023 til að
efna skuldbindingarnar. „Við erum
því að láta skoða hvort lífeyrissjóð­
irnir ætli sér að taka hækkunina al­
farið inn á árinu 2021, eins og út­
reikningur tryggingastærðfræðings
sveitarfélagsins gerir ráð fyrir, eða
hvort hækkunin verði tekin inn síð­
ar. Ljóst er að þessar hækkanir eru
verulega íþyngjandi fyrir okkur og
því væri það einlægur vilji okkar
að milda áhrifin með því að dreifa
fjárhæðinni milli ára. Lífeyris­
skuldbindingar eru óvissuþáttur í
fjárhagsáætlunum sveitarfélaga ár
hvert og því óforsvaranlegt að regl­
ur sé samþykktar sem hafi aftur­
virk áhrif á rekstur sveitarfélaga.
Sveitarfélögum er skylt að leggja
fyrir og samþykkja fjárhagsáætlanir
í desember ár hvert fyrir komandi
ár og því tel ég að það hefði verið
mun eðlilegra að innleiða hækkun­
ina eftir á og þá í skrefum,“ segir
Þórdís Sif Sigurðardóttir.
mm
Arion banki lokar útibúi sínu í Búðardal
Bankaútibúið er nú til húsa í pósthúsinu. Ljósm. úr safni/sm.
Í fjárhúsunum á Kambi. Ljósm. Kalli á Kambi
ARR genið fannst ekki í þessari umferð