Skessuhorn - 09.02.2022, Blaðsíða 17

MIÐVIKUDAGUR 9. FEBRÚAR 2022 17
Í byrjun þessa árs var áætlað að
veitingastaðurinn Sbarro myndi
verða opnaður í húsnæðinu sem
Kvikk var áður til húsa síðustu ár
á Skagabraut 43 á Akranesi. Síð­
ustu vikur hafa iðnaðarmenn ver­
ið að störfum, nýjar innréttingar
settar upp en seinkun á opnun hef­
ur orðið vegna tækja sem vantaði en
nú er allt komið í hús. Um síðustu
helgi voru iðnaðarmenn að ljúka við
það helsta fyrir opnun en verið að
bíða eftir merkingum á húsið. Sam­
kvæmt síðustu fregnum var áætlað
að opna staðinn í þessari viku, lík­
lega seinnipart vikunnar og þá bætist
Sbarro við í fjölbreytta flóru skyndi­
bitastaða á Akranesi. Á föstudaginn
síðasta kíkti blaðamaður Skessuhorns
á staðinn þar sem allt var á fullu við
undirbúninginn og þar sat fyrir svör­
um nýráðinn rekstrarstjóri Sbarro á
Akranesi, Birgitta Þura Birgisdóttir.
Hún er með mikla reynslu í þessum
bransa, en Birgitta Þura hefur á sinni
starfsævi unnið í alls 15 ár í Olís,
Shell/Stöðinni, Krambúðinni og nú
síðast í Subway í Mosfellsbæ.
Alls hafa verið ráðnir 16 starfs­
menn og að sögn Birgittu Þuru
verður boðið upp á Sbarro pizzur,
stromboli, panini, brauðstangir, sal­
at, pylsur, hamborgara, sem svipar
til McDonalds, og franskar. Ham­
borgararnir og paninið er sett í tæki
sem er nefnt geimskipið þar sem sett
er á prógramm í tvær mínútur og þá
er allt tilbúið. Þá verður ís frá Ísbúð
Vesturbæjar á staðnum og einnig
bakarí með kaffi, kakó og alls kyns
kruðeríi.
Síðan að sjálfsögðu verður þetta
sjoppa og segir Birgitta að það verði
ótrúlega mikið af sælgæti í boði í
versluninni. Pantaður var svokallað­
ur startpakki frá öllum sælgætisinn­
flytjendum á landinu og því er sjón
sögu ríkari, segir hún.
Opnunartíminn í versluninni er
virka daga frá klukkan átta til 23.30
og frá níu til 23.30 um helgar. Sbarro
verður opnað klukkan tíu á virkum
dögum og lokar klukkan 22 og um
helgar verður Sbarro opnað klukkan
tólf og lokað klukkan 22.
vaks
Laust fyrir klukkan fimm að morgni
miðvikudags í liðinni viku bakk­
aði Venus NS, eitt af uppsjávar­
veiðiskipum Brims, inn í Akranes­
höfn með sinn þriðja loðnufarm
á þessari vertíð. Allar vinnslur við
landið voru þá fullar af loðnu og
bið eftir að komast að og því hef­
ur að undanförnu verið siglt með
loðnu til Noregs og Færeyja til
vinnslu. Venus fékk aflann norð­
austur af Langanesi og tók siglingin
á Akranes tæpa tvo sólarhringa.
Eftir þessa löndun var gerð bið
á loðnuveiðum hjá skipum Brims,
þar sem útlit er fyrir að loðnukvót­
inn verði minnkaður frá upphafleg­
um áætlunum. mm/ Ljósm. gsv
Í þessari viku skrifuðu eigendur
verslunarinnar @home á Akranesi
undir kaupsamning á hluta hús­
næðisins á Kirkjubraut 54 þar sem
áður var til húsa Harðarbakaríið til
fjölda ára. Alls er þetta um 160 fer­
metra húsnæði sem þau festa kaup
á. Um er að ræða tvö hólf austan
megin á neðstu hæð hússins en í
vestari endanum er verslunin Krósk
með starfsemi sína.
Elín Dröfn Valsdóttir, eigandi @
home, segir að þessa dagana sé ver­
ið að taka húsnæðið í gegn og á von
á því að þau fái afhent um miðj­
an mars en þá eigi eftir að mála og
setja gólfefni. Þau stefni á að opna
á nýjum stað í byrjun apríl en leigu­
samningurinn á Stillholti renn­
ur einmitt út þá. „Ég er ótrúlega
spennt fyrir þessu, aðgengið hjá
okkur fyrir eldra fólk og fatlaða er
alls ekki nógu gott á Stillholtinu og
þessi nýja staðsetning er mun betri.
Þetta er lífæðin inn í bæinn og á
frábærum stað þannig að við hlökk­
um mikið til að taka á móti okkar
viðskiptavinum á nýja staðnum,“
segir Elín Dröfn að lokum. vaks
Umferðaróhapp varð á þvottaplan­
inu við Söluskála ÓK í Ólafsvík síð­
astliðinn föstudag. Óhappið atvik­
aðist þannig að bílstjóri mjólkur­
bílsins beygði of skart inn á planið
með þeim afleiðingum að olíutank­
ur undir bílnum rakst í steinvegg
sem afmarkar þvottaplanið. Gat
kom á tankinn og olía lak út. Var
farið með bílinn á næsta bílaverk­
stæði þar sem gert var við skemmd­
ina. Starfsmaður frá Snæfellsbæ sá
svo um að hreinsa díselolíuna upp
þannig að ekki varð teljandi meng­
un af óhappinu.
þa
Sbarro opnað á
Akranesi í vikunni
Birgitta Þura er rekstrarstjóri Sbarro á Akranesi.
Óhapp við bílastæði í Ólafsvík
Venus kom með loðnufarm
á Akranes
Ný staðsetning @home verður á Kirkjubraut 54.
Verslunin @home flytur á nýjan stað
Elín Dröfn Valsdóttir er eigandi @home.