Skessuhorn - 09.02.2022, Page 11

MIÐVIKUDAGUR 9. FEBRÚAR 2022 11
H veitingar er alhliða veisluþjónusta staðsett í
Borgarfirði og Reykjavík og tók til starfa í ágúst 2021.
Okkar ástríða er að halda veislur og dekra við okkar
gesti og höfum við áratuga reynslu í þeim efnum.
Þá bjóðum við upp á veislusali á Hvanneyri, í Borgarnesi, á
Bifröst og á fleiri stöðum í Borgarfirði. Einnig bjóðum við upp á
skemmtanir af ýmsum toga, t.d. söng, grín og fræðslu en kynning
á Landbúnaðarsafninu á Hvanneyri, heimsókn í Ullarselið og
kvöldverður í Hlöðunni er t.d. mjög vinsæl samsetning fyrir hópa.
Við vinnum mikið með hráefni úr Borgarfirði og erum í frábæru
samstarfi við Landbúnaðarháskólann á Hvanneyri þar sem við
fáum okkar lamba- og nautakjöt. Okkar viðskiptavinir fá alltaf
okkar bestu verð og gæði og við leggjum mikla áherslu
á fagmennsku og framsetningu.
H
VEIT INGAR
Byggðarráð Borgarbyggðar tók síð­
astliðinn fimmtudag til umfjöllun­
ar skýrslu vegna úttektar á fram­
kvæmdum við stækkun og endur­
bætur á Grunnskólanum í Borgar­
nesi, sem fram fór á árunum 2014­
2020. Í skýrslunni kemur fram að
verulegir ágallar hafi verið á vinnu­
lagi og eftirliti með framkvæmd­
inni. Nýir verkferlar verða tekn­
ir upp fyrir framkvæmdir á vegum
sveitarfélagsins í framtíðinni, en
framundan er meðal annars að ráð­
ast í skólabyggingu á Kleppjárns­
reykjum og íþróttahús í Borgarnesi.
Byggðarráð bókaði eftirfarandi:
„Á síðasta ári lagði byggðarráð til
að farið yrði í hlutlausa úttekt á ferli
og eftirliti með framkvæmdum við
húsnæði Grunnskólans í Borgar­
nesi, og var KPMG ráðið í verkið.
Úttektarskýrslan liggur nú fyrir og
ljóst er að annmarkar voru á vinnu­
lagi og eftirliti stjórnsýslunnar allt
frá upphafi framkvæmda árið 2014.
Má þar helst nefna að ekki lá fyrir
í upphafi með ítarlegum hætti hlut­
verk og ábyrgð byggingarnefnd­
ar, stjórnenda og eftirlits og þar af
leiðandi skorti yfirsýn og ábyrgð á
stöðu verkefnis í heild sinni. Ekki
var gætt með fullnægjandi hætti að
gildandi innkaupareglum sveitar­
félagsins hvað varðar útboðs­
skyldu, varðandi einstaka þætti
framkvæmdarinnar og útboðsgögn
voru ekki unnin með fullnægjandi
hætti.“
Þá segir í bókuninni að með skýr­
slunni hafi komið skýrt fram hvaða
atriði það voru sem fóru úrskeiðis
við framkvæmdina og telur sveitar­
félagið nauðsynlegt að gera úrbætur
á því ferli sem hefur verið við fram­
kvæmdir. „Á síðasta ári hófst vinna
við að skoða annmarka við ferli og
eftirlit framkvæmda sveitarfélagsins
og í framhaldinu hefur verið unn­
inn verkferill sem útskýrir hlut­
verk, ábyrgð og eftirlit allra aðila en
ákveðnar úrbætur hafa þegar verið
gerðar. Byggðarráð hefur á þessum
fundi samþykkt að farið verði eftir
framlögðum verkferli þar sem tek­
ið hefur tillit til þeirra athugasemda
sem KPMG gerði í framangreindri
úttekt.“
mm
Áfanga­ og markaðssvið (Á&M)
Samtaka sveitarfélaga á Vesturlandi
ásamt Akraneskaupstað og Faxaflóa­
höfnum taka nú þátt í samstarfsverk­
efni um gæði í móttöku á skemmti­
ferðaskipum á Akranesi. Þetta er
NORA verkefni sem kemur í gegn­
um Ferðamálastofu og er samstarfs­
verkefni við The Association of
Arctic Expedition Cruise Operators
(AECO), þar sem unnið er með
nokkrum höfnum á Íslandi, Noregi,
Færeyjum og Grænlandi. Verkefnið
gengur út á að heimamenn í hverri
höfn leggi línurnar um hvernig þeir
vilja taka á móti farþegum skemmti­
ferðaskipa sem heimsækja svæð­
ið, þannig að gestirnir njóti heim­
sóknarinnar og samfélagið njóti
ávinnings af gestamóttökunni.
„Það er aukin eftirspurn hjá
skemmtiferðaskipum að koma á
Akranes, en það er mikil áskorun
að taka á móti svona stórum hópum
í stuttan tíma og því best að hugsa
fyrir öllu strax í upphafi. Við vilj­
um með þessu verkefni stuðla að því
að komur skemmtiferðaskipa raski
ekki ró íbúa en bæði þeir og þjón­
ustuaðilar geti notið góðs af þess­
um gestakomum. Því viljum við
setja saman móttökupakka og leið­
beiningar með heimamönnum og
hagaðilum, til að beina gestunum
þangað sem þeir geta upplifað, not­
ið og fengið þjónustu heimafólks í
heimsókn sinni í höfn á Akranesi.
Við erum svo nálægt Reykjavík og
því auðvelt að fá þjónustuaðila það­
an upp á Akranes til að taka á móti
gestum og keyra svo í burt með alla
farþegana og heimamenn fá bara
pústreykinn í sinn hlut. Við viljum
því hvetja heimamenn til að koma
með okkur í þetta verkefni og taka
höndum saman til að útbúa vænlega
upplifunar­, þjónustu­ og ferða­
pakka sem eru í höndum heima­
manna til að bjóða skipagestum sem
koma á Akranes. Okkur er mikið í
mun að samfélagið á Akranesi og
nágrenni njóti góðs af heimsókn
þessara gesta,“ segir Margrét Björk
(Maggý) frá Markaðsstofu Vestur­
lands í samtali við Skessuhorn.
Vilja fá alla með
Á&M bauðst óvænt að taka þátt í
þessu NORA ­ verkefni og vinna
að gestamóttöku skipa í Akranes­
höfn. Því var ákveðið að nota tæki­
færið til að hvetja og virkja þjón­
ustuaðila sem eru samstarfsaðilar
Markaðsstofu Vesturlands, hvort
sem þeir eru á Akranesi, Hvalfirði,
Kjós, Borgarfirði eða Borgarnesi til
að fara í vöruþróunarverkefni og út­
búa ferðapakka sem henta skipafar­
þegum sem koma á Akranes.
„Þetta NORA verkefni snýst fyrst
og fremst um að heimafólk búi til
reglur og leiðbeiningar fyrir skipa­
gesti samkvæmt vilja samfélags þar
sem skemmtiferðaskip koma í höfn.
Í gegnum verkefnið höfum við að­
gang að aðstoð frá verkefnastjóra
sem hefur unnið með mörgum
höfnum á norðurslóðum við að gera
leiðbeiningar til að tryggja ábyrga
hegðun farþega skemmtiferðaskipa.
Okkur fannst þetta því kjörið tæki­
færi til að taka þetta verk efni lengra
og hvetja þjónustuaðila til samstarfs
við að gera ferðapakka til að bjóða
skipafarþegum. Við ákváðum því að
bjóða upp á sprettverkefni í vöru­
þróun með okkar samstarfsaðilum
til að setja saman nokkra upplifun­
ar­, þjónustu­ og ferðapakka sem
henta skipafarþegum sem koma í
land á Akranesi. Við hjá Markaðs­
stofu Vesturlands munum svo stuðla
að og styðja við markaðssetningu
og kynningu á þessum ferðapökk­
um. Við ætlum því að halda mál­
stofur og kynningarfundi á netinu
til að kynna verkefnið og hvetja fólk
til að taka þátt og vera með,“ seg­
ir Maggý.
Næsta föstudag, 11. febrúar,
verður haldin netkynning þar sem
verkefnið í heild verður kynnt. Í
framhaldi af því verða svo haldn­
ar tvær málstofur á netinu þar sem
fjallað er um tækifæri sem geta falist
í móttöku á skipafarþegum. Í byrj­
un mars verður svo vinnustofa með
skráðum hagaðilum þar sem verk­
efnisstjórinn frá AECO mun koma
og leiða vinnuna við gerð leiðbein­
andi reglna og móttökuskjals fyr­
ir skipagesti. Eftir þá vinnustofu
verður byrjað á sprettverkefni við
að setja saman upplifunar­ , þjón­
ustu­ og ferðapakka með þeim sam­
starfsaðilum Markaðsstofu Vestur­
lands sem hafa áhuga á að taka þátt
í þessari vinnu. „Reiknað er með
að þessu verkefni verði lokið í júní
og þá verða vonandi komnir flott­
ir ferðapakkar fyrir skipafarþega og
fleiri í kynningu og markaðssetn­
ingu á www.vesturland.is,“ segir
Maggý að lokum. arg
Grunnskólinn í Borgarnesi. Ljósm. mm.
Verulegir annmarkar voru á vinnulagi og
eftirliti með stækkun skóla
Saminn hefur verið verkferill til að slíkt endurtaki sig ekki í stórframkvæmdum
Le Boreal, fyrsta skemmtiferðaskipið sem kom til Akraness, lagðist að bryggju að
morgni 31. júlí 2017. Ljósm. úr safni Skessuhorns/bþb
Vilja taka vel á móti gestum
skemmtiferðaskipa á Akranesi
Garða- og
Saurbæjarprestakall
Sunnudagur 13. febrúar
AKRANESKIRKJA
Sunnudagaskóli kl. 10
Guðsþjónusta kl. 11

INNRA-HÓLMSKIRKJA
Guðsþjónusta kl. 20

Miðvikudagur 16. febrúar
Bænastund kl. 12.15
Karlakaffi kl. 13:30 – gestur
Sævar Freyr Þráinsson,
bæjarstjóri