Skessuhorn - 09.02.2022, Blaðsíða 15

MIÐVIKUDAGUR 9. FEBRÚAR 2022 15
Svo skemmtilega vildi til síðast­
liðinn föstudag að tveir menn á
Akranesi sem bera sama nafn fengu
afhenta eins bíla á bílasölunni Bílás.
Guðmundur Valdimarsson fékk
nýjan Kia EV6 Luxury rafbíl, svart­
an að lit, en nafni hans fékk hvít­
an. Þótt báðir séu þeir nafnarn­
ir komnir á lífeyrisaldur er ann­
ar tæpum tveimur áratugum eldri.
Það fór vel á með þeim nöfnun­
um þegar skrifað var undir pappíra
og gengið frá kaupunum síðdegis á
föstudaginn. Bílar af þessari tegund
eru 77 kWh og er uppgefin drægni
þeirra 506­528 kílómetrar. mm
Stjórnvöld og Íslandsstofa hafa
undirritað samning um fram­
hald verkefnisins „Ísland saman í
sókn“ sem er markaðsverkefni fyr­
ir íslenska ferðaþjónustu. Verk­
efnið er hluti af viðspyrnu stjórn­
valda vegna COVID­19 heimsfar­
aldursins. Með samningnum eru
verkefninu tryggðar 550 milljón­
ir króna í viðbótarfjármagn frá rík­
inu en peningurinn verður nýttur
til að framlengja markaðsverkefnið
í ár. „Ísland saman í sókn fór vel
af stað, vakti mikla og verðskulda
athygli og skilaði góðum árangri. Í
ljósi þess að faraldurinn hefur dreg­
ist töluvert á langinn er nauðsyn­
legt að halda verkefninu áfram og
byggja þannig undir nauðsynlega
viðspyrnu ferðaþjónustunnar á ár­
inu 2022,“ segir Lilja Dögg Al­
freðsdóttir ferðamálaráðherra sem
skrifaði undir samninginn við Pétur
Þ. Óskarsson framkvæmdastjóra Ís­
landsstofu.
Tilgangur verkefnisins er að
styrkja ímynd Íslands sem áfanga­
staðar, auka eftirspurn og viðhalda
samkeppnisstöðu íslenskrar ferða­
þjónustu og annarra útflutnings­
greina. Verkefnið er unnið í sam­
ræmi við framtíðarsýn og leiðar­
ljós íslenskrar ferðaþjónustu til
2030 sem ber yfirskriftina „Leið­
andi í sjálfbærri þróun“ og lang­
tímastefnu stjórnvalda og atvinnu­
lífs fyrir íslenskan útflutning.
„Í gegnum faraldurinn hefur
tekist að viðhalda miklum áhuga á
ferðalögum til Íslands með mark­
vissum aðgerðum. Markaðssetning
áfangastaðar er langhlaup, og nú
þegar gera má ráð fyrir að ferða­
þjónusta sé að taka við sér á ný
þurfum við að vera tilbúin til þess
að mæta þeirri miklu samkeppni
sem gera má ráð fyrir frá öðrum
áfangastöðum og breyta þessum
uppsafnaða áhuga í heimsóknir til
landsins. Við erum spennt fyrir því
verkefni sem framundan er í sam­
starfi við íslenska ferðaþjónustu,“
segir Pétur Þ. Óskarsson, fram­
kvæmdastjóri Íslandsstofu.
„Það er mjög mikilvægt og í
raun nauðsynlegt fyrir greinina og
áfangastaðinn Ísland að fá þennan
stuðning núna þegar allir áfanga­
staðir heims fara að keppast um
að ná til sín takmörkuðum fjölda
ferðamanna. Ég vil hrósa ríkis­
stjórninni fyrir að taka þetta skref
núna. Þessi fjárfesting mun skila sér
í hraðari viðspyrnu fyrir ferðaþjón­
ustuna í landinu og efnahagslífið
í heild,“ segir Bjarnheiður Halls­
dóttir, formaður Samtaka ferða­
þjónustunnar.
mm
Nú í maí verður kosið til sveitar­
stjórna á Íslandi. Það gefur tækifæri
til breytinga í bæjarstjórnum og
yfir stjórnum sveitarfélaganna.
Í Borgarbyggð hefur hvert vanda­
málið á fætur öðru komið upp. Má
þar nefna skipulagsmál, skólamál,
málefni húsa í Brákarey og leigj­
enda þar og þá má ekki gleyma
framkvæmdum við Grunnskólann í
Borgarnesi. Skýrsla KPMG um það
mál er ein samfelld lýsing á afleitri
stjórnun, í raun algjöru stjórnleysi
við framkvæmdina.
Það sem blasir við er að þörf er
á fólki í sveitarstjórn og yfirstjórn
Borgarbyggðar með menntun og
reynslu af stjórnun rekstrar og
framkvæmdum.
Stjórnmálaflokkar sem bjóða
fram til sveitarstjórnar í vor þurfa
að skoða sín mál vel og spyrja sig
hvort ekki sé nauðsyn á breyting­
um og hvort ekki sé hægt að fá öfl­
ugt fólk til framboðs, fólk sem get­
ur tekið á fjölþættum vandamálum
sveitarfélagsins.
Það er gott að búa í Borgarnesi.
Bætt stjórnsýsla mundi án efa gera
Borgarbyggð eftirsóknaverðari til
uppbyggingar og búsetu.
Borgarnesi, 10. febrúar
Guðsteinn Einarsson.
Frétt í Skessuhorni 26. janúar bar
yfirskriftina: Staðfestir ákvörðun
um lokun mannvirkja í Brákar­
ey. Fréttin byggir á yfirlýsingu
frá sveitarstjórn Borgarbyggðar
(byggðarráði), en þar segir: ,,Í úr­
skurði samgöngu­ og sveitarstjórn­
arráðuneytisins er staðfest að að­
gerðir slökkviliðsstjóra vegna Brák­
arbrautar 25­27, um bæði lokun
húsnæðisins og…. hafi verið í sam­
ræmi við valdheimildir slökkviliðs­
stjóra og stjórnsýslureglur.“
Hér hlýtur fyrsta spurningin að
vera: Er það slökkviliðsstjóri, ekki
sveitarstjórn, sem tekur ákvörðun­
ina? Dæmi: Sóttvarnalæknir sendir
heilbrigðisráðherra tillögur. Heil­
brigðisráðherra gefur út reglu­
gerðina. Hún þarf ekki að vera í
samræmi við tillögur sóttvarna­
læknis! Fyrir nokkru birtist í sjón­
varpinu viðtal við slökkviliðsstjór­
ann í Reykjavík þar sem hann sagði
frá því að eldvarnareftirlit Reykja­
víkur hefði þá stefnu að „...lagfæra
það sem lagfæra þyrfti í samráði við
eigendur/íbúa, enda væri það tak­
markið að bæta eldvarnir!“
Í greininni í Skessuhorni kemur
einnig fram að leigjendur húsnæð­
isins/íbúar hafi verið óánægðir með
aðgerðirnar, eins og rétt er. Það
kemur hins vegar ekki fram að:
1. Hluti bygginganna hafði
verið lagfærður og mátti auðveld­
lega gera að sér eldvarnarhólfi.
2. Hluti bygginganna
voru ekki tengdar rafmagni.
Athugasemdir eldvarnafulltrúa
voru fyrst og fremst um eldhættu
vegna rafmagns.
Athugasemdir íbúa, leigenda,
hafa fyrst og fremst snúið að því að
aðgerðir sveitarfélagsins (eldvarna­
fulltrúa) hafi verið bæði snöggar og
valdið óeðlilegri röskun á starfsemi
félagasamtaka og klúbba sem höfðu
aðstöðu í ,,Sláturhúsinu“ Brákar­
braut 25. Fjárhagstjón einstaklinga,
félagasamtaka og sveitarsjóðs Borg­
arbyggðar er verulegt.
Annað atriði sem gagnrýnt hef­
ur verið er að sveitarstjórn hefði
átt að setja upp áætlun um úrbæt­
ur á húsnæðinu, eins og eldvarnar­
eftirlit Reykvíkinga virðast hafa á
sinni stefnuskrá. Fram hefur kom­
ið að einstaklingar/félagasamtök
sem þarna störfuðu hefðu verið
fús til að taka þátt í að lagfæra það
sem laga þurfti. Það vilja allir hafa
eldvarnir í lagi.
Sveitarstjórn hefur valdið óþarfa
röskun á starfsemi klúbba, fé­
lagasamtaka og atvinnustarfsemi
í Brákarey. Það versta er þó, að
sveitarstjórn virðist ekki hafa tek­
ið ákvörðun um hvaða starfsemi
eigi eða megi vera í Brákarey! Það
veldur stöðnun og óvissu.
Sveinn Hallgrímsson
Höf. er eldri borgari.
Pennagrein
Breytinga þörf!
Pennagrein
Brákareyjar - málið
Pétur Þ. Óskarsson, framkvæmdastjóri
Íslandsstofu, Lilja Dögg Alfreðsdóttir,
ferðamálaráðherra og Bjarnheiður
Hallsdóttir, formaður Samtaka ferða-
þjónustunnar undirrituðu samninginn
í Grósku.
Aukið fjármagn til markaðssetningar ferðaþjónustunnar
Alexander Þórsson bílasali, Guðmundur Valdimarsson, Guðmundur Valdimarsson
og Jón Haukur Pálmason bílasali.
Alnafnar fengu afhenta
tvo nýja Kia rafbíla
Guðmundur eldri verður níræður á þessu ári. Hann var hvergi banginn að fjár-
festa í nýjum rafbíl, sagði þetta vera draumabíla.