Skessuhorn - 09.02.2022, Blaðsíða 14

MIÐVIKUDAGUR 9. FEBRÚAR 202214
Félagsstarf eldri borgara og öryrkja
fyrir 60 ára og eldri á Akranesi er
starfrækt á Dalbraut 4. Starfinu er
ætlað að fyrirbyggja félagslega ein­
angrun og koma til móts við áhuga­
svið, færni og þekkingu þátttak­
enda á hverjum tíma í ýmis konar
listsköpun og verkefnum sem oft
eru árstíðabundin. Félagsstarf aldr­
aðra hefur það markmið að stuðla
að samskiptum og veita félagsskap.
Tilgangur félagsins er að gæta
hagsmuna og réttinda eldra fólks á
Akranesi og nágrenni og vinna að
málefnum aldraðra í landinu. Fé­
lagið var stofnað 5. febrúar 1989 á
Hótel Akranesi og fagnaði því 33
ára afmæli á dögunum. Til stofn­
fundarins var boðað af undirbún­
ingsnefnd sem félagsmálaráð Akra­
neskaupstaðar skipaði. Húsfyllir
var á stofnfundinum og 200 manns
skráðu sig í félagið. Fyrsti formaður
félagsins var kjörinn Magnús Krist­
jánsson.
Starfsemi félagsins hefur undið
upp á sig á þessum 33 árum sem
það hefur starfað og núna eru 730
skráðir félagar og þar af hafa yfir
50 manns skráð sig í félagið síð­
an í haust. Í stjórn og varastjórn
eru tíu manns. Með stjórninni
starfa sex nefndir innan félagsins
sem sjá um ákveðna þætti í starf­
seminni og sinna hver um sig sér­
stökum verkefnum eins og nöfn
þeirra bera með sér. Nefndirn­
ar eru húsnefnd, menningar­ og
fræðslunefnd, skemmtinefnd,
kórnefnd, íþróttanefnd og uppstill­
ingarnefnd. Alls eru um 50 manns
sem sitja í stjórnum og nefndum fé­
lagsins.
Komin með sterkar
taugar til félagsins
Ragnheiður Hjálmarsdóttir tók við
sem formaður Félags eldri borg­
ara 25. júní síðastliðinn af Við­
ari Einarssyni og hefur því gegnt
starfinu í rúma sjö mánuði. Blaða­
maður Skessuhorns kíkti við hjá
henni á Dalbrautinni í síðustu
viku til að forvitnast um félag­
ið og fyrsta spurningin var ein­
faldlega hvað hefði komið til að
hún tók þetta starf að sér? „Ég var
búin að vera í stjórninni sem ritari í
tvö ár og í skemmtinefnd í þrjú ár.
Ég hafði unnið talsvert með Við­
ari, var komin með allgóða yfir­
sýn yfir starfsemi félagsins og kom­
in með sterkar taugar til þess. Ég
vildi gjarnan leggja mitt af mörkum
til þess að fleyta því áfram í þessum
aðstæðum sem voru fram undan
með flutningi á nýjan stað og öll­
um þeim breytingum sem því fylgdi
fyrir félagið. Við höfðum leitað til
margra mér hæfari einstaklinga um
að gefa kost á sér í formannsstarf­
ið en enginn þeirra var tilbúinn
að taka slaginn. Það hafði líka sitt
að segja varðandi mína ákvörðun
að Rögnvaldur, eiginmaður minn,
var tilbúinn að vera áfram í stjórn­
inni og vera með mér í þessu verk­
efni. Stjórnin er góð blanda af
reyndu fólki og nýju. Auk þess sem
nefndarfólkið, sem sér um verkefni
hverrar nefndar, leggur fram frá­
bæra og óeigingjarna vinnu í þágu
félagsins. Það er heiður að að vinna
fyrir og með öllu þessu góða fólki,“
segir Ragnheiður.
Í september á síðasta ári flutti
Félag eldri borgara í nýtt og glæsi­
legt húsnæði á Dalbraut 4. Ragn­
heiður segir að það hafi breytt mjög
miklu og ekki hægt að líkja því
saman við gamla húsnæðið en þau
voru áður með starfsemi á 3. hæð
við Kirkjubraut 40. Á Dalbrautinni
getur fólk droppað inn til að spjalla,
kíkja í blöðin, tekið í tafl eða feng­
ið sér kaffibolla. Svo er fjölbreytt
dagskrá í gangi alla daga. Þeir sem
hafa komið í húsið hafa haft orð á
því hversu gott er að koma þar inn.
Húsið taki vel á móti því.
Hvernig hefur gengið hjá þér
eftir að þú tókst við í miðjum kór­
ónuveirufaraldri? „Það hefur bara
gengið nokkuð vel. Starfið fór vel af
stað. Við tókum þá ákvörðun strax
að breyta ekki miklu í starfseminni
þannig að það væri nóg fyrir fólk að
koma inn í nýjar aðstæður þó við
værum ekki líka að breyta of miklu
í því sem það þekkti áður. En eins
og allir aðrir höfum við þurft að
laga okkur að þeim sóttvarnarregl­
um sem hafa gilt á hverjum tíma
og hefur það vissulega haft áhrif á
starfið.“
Sambýli með
bæjarskrifstofunum
Félag eldri borgara fékk allt hús­
næðið á neðstu hæðinni á Dalbraut
til umráða fyrir utan ganginn sem
tilheyrir félagsþjónustunni og rým­
ið í innri enda hæðarinnar sem til­
heyrir félagsstarfi Akraneskaup­
staðar. „En á síðasta ári kom bæjar­
stjóri að máli við okkur til að falast
eftir því að fá afnot af hluta rýmis­
ins fyrir skrifstofur bæjarins eftir að
mygla kom upp í húsnæðinu á Still­
holti. Það fór í samningaferli okk­
ar á milli sem endaði í því eins og
það er núna. Við tókum strax þá
ákvörðun að þetta mætti ekki raska
á neinn hátt þeirri starfsemi sem
væri til staðar í félaginu og myndi
ekki hefta það að við gætum auk­
ið þá starfsemi.“ Akraneskaupstað­
ur er með til afnota innsta rýmið í
stóra salnum sem er þrískiptur og
svo í skála fyrir framan og þar sem
fatahengið er.
En hvernig hefur samstarfið
gengið við Akraneskaupstað? „Al­
veg ljómandi vel. Það var strax lögð
áhersla á góð og jákvæð samskipti á
báða bóga og hefur það gengið eft­
ir. Öllum beiðnum okkar um að­
stoð til dæmis varðandi tölvu­ og
tæknimál er svarað fljótt og vel. Á
hinn bóginn fær bærinn afnot af
salarrýminu ef það er laust en okk­
ar afnot hafa alltaf forgang. Einnig
vil ég geta þess að starf FEBAN og
félagsstarf bæjarins tengist að hluta,
þar sem margir félagsmenn okkar
nýta sér það sem þar er í boði og
höfum við hug á að vera í samstarfi
með ýmislegt sem þjónar báðum
aðilum. Við komum líka til með að
samnýta hluta húsnæðisins eins og
til dæmis kaffiaðstöðuna.“
Fjölbreytt félagsstarf
Hvað er það aðallega sem þið eruð
að gera í ykkar starfi? „Í íþrótta­
starfinu erum við með í boði leik­
fimi, boccia, línudans, pútt og
keilu. Við höfum afnot af íþrótta­
mannvirkjum bæjarins þegar þau
eru laus en nánast allt fer fram hér
á Dalbrautinni nema sundleikfim­
in, púttið og keilan. Síðan erum
við með bókmenntaklúbb þar sem
bók er valin til samlesturs og lesin
sem framhaldssaga. Einnig er ýmis­
legt annað efni á boðstólum eins
og smásögur, ljóð og fróðleikur af
ýmsu tagi. Síðan er farið í ferða­
lög sem tengjast oftast sögusviði
framhaldssögunnar. Þá er einnig
farið í leikhúsferðir. Svo erum við
með félagsvist, bridds og frjáls spil.
Skemmtinefndin sér um opin hús
einu sinni í mánuði eins og til dæm­
is bingó, þorrablót, sviðaveislu og
alls kyns uppákomur. Svo má alls
ekki gleyma Hljómi, samkór eldri
borgara, sem er stór og öflugur kór
sem æfir einu sinni í viku.“
Allir geti fundið ein-
hvern til að spjalla við
Í aðalstjórn eldri borgara á Akra­
nesi eru auk Ragnheiðar þau
Guðmundur Kristjánsson vara­
formaður, Rögnvaldur Einarsson
gjaldkeri, Sigurbjörg Ragnars­
dóttir ritari og Jóna Adolfsdótt­
ir meðstjórnandi. Ragnheiður
segir að það sem hafi til dæmis
breyst er að áður var skrifstofan
opin einu sinni í viku milli tvö og
fjögur en er núna opin alla virka
daga kl. 14 ­ 16 nema föstudaga.
„Mín áhersla í starfinu hefur ver­
ið fólkið sjálft, að vera til staðar
og taka á móti því. Að þeir sem
eru að koma inn nýir geti alltaf
fundið einhvern til að spjalla við.
Ég hef gefið mikið af mínum tíma
í það að vera til staðar. Það hef­
ur líka verið í mörg horn að líta á
þessu starfsári og stundum er eins
og maður sé í fullu starfi á köfl­
um en maður verður að gefa sig
í þetta með fullum huga því það
gerist ekkert af sjálfu sér. Það
er engin spurning að það skipt­
ir miklu máli að fólk haldi sér
gangandi og virku bæði andlega
og líkamlega lengur og viðhaldi
þannig og auki lífsgæði sín. Skyn­
samir bæjar fulltrúar átta sig von­
andi á því að með því að hlúa vel
að starfsemi eldri borgara þá mun
það spara samfélaginu á ýmsan
hátt. Fólk verður að hafa eitt­
hvað fyrir stafni og hlakka til ein­
hvers á morgnana, það er það sem
skiptir máli,“ segir Ragnheiður að
lokum.
vaks
Keppnislið FEBAN í boccia sem varð Vesturlandsmeistari 2019.
Ljósm. úr safni Skessuhorns.
„Fólk verður að hafa eitthvað fyrir stafni“
Tekið hús á formanni FEBAN og rætt um nýja félagsaðstöðu og fjölbreytta starfsemi
Ragnheiður Hjálmarsdóttir er formaður eldri borgara á Akranesi.
Morgunganga hjá nokkrum félögum betri borgaranna.
Guðlaug Bergþórsdóttir og Hulda Sigurðardóttir að undirbúa kaffið.
Það var dansað í síðasta leikfimitímanum fyrir jól.
Félagsvistin er alltaf vinsæl.