Skessuhorn - 16.02.2022, Blaðsíða 14

MIÐVIKUDAGUR 16. FEBRÚAR 202214
Þær Yrja Kristinsdóttir og Marit
Davíðsdóttir komu vestur í Reyk­
hólaskóla í vikunni og voru með
tveggja daga námskeið í skólanum,
fyrir foreldra og kennara annars
vegar og svo hins vegar fyrir krakk­
ana. Frá þessu segir á vef Reyk­
hólahrepps.
Yrja og Marit standa fyrir Gleði­
skruddunni, þær halda námskeið og
umfjöllunarefnið er, eins og segir á
heimasíðu þeirra: „Gleðiskruddu­
námskeiðið byggist á jákvæðri sál­
fræði og leggur áherslu á að efla
sjálfsþekkingu og auka vellíðan. Á
námskeiðinu er lögð áhersla á gleði
og að hafa gaman og blöndum við
saman fræðslu og leik. Ef að veð­
ur leyfir förum við jafnvel eitthvað
út í náttúruna. Helstu áherslur eru
að efla; sjálfsþekkingu, bjartsýni og
von, styrkleika, trú á eigin getu,
gróskuhugarfar og núvitund.“
Einnig eru þær með dagbók,
Gleðiskrudduna, fyrir börn á aldr­
inum 6 til 15 ára sem byggir á hug­
myndafræði jákvæðrar sálfræði.
Fyrri daginn, þriðjudaginn 8. febr­
úar voru þær með fyrirlestur fyrir
foreldra og kennara en vegna veð­
urs urðu þær að vera með hann á
samskiptaforritinu Teams. Síðari
daginn voru þær síðan með nám­
skeið fyrir krakkana, skipt eftir
aldri, 2. til 4. bekk, 5. til 7. bekk og
8. til 10. bekk. Þær komu með dag­
bækur sem þær voru með til sölu.
Að sögn voru allir þátttakendur
sammála um að þetta hefði verið
frábært námskeið.
Ungmennafélagið Afturelding
stóð fyrir námskeiðshaldinu og var
það styrkt af Lions, kvenfélaginu,
tómstundastarfinu, foreldrafé­
laginu og skólanum.
vaks
Á miðnætti síðastliðinn föstudag
tóku gildi nýjar reglur hér á landi
um slökun á sóttvarnareglum. Þá
tilkynnti Willum Þór Þórsson heil­
brigðisráðherra meðal annars að
reglugerð um sóttvarnir í skóla­
starfi yrði afnumin. Hann sagði að
verið væri að afnema skólareglu­
gerðina þannig að grunn­ og fram­
haldsskólar fá félagslífið sitt allt til
baka eftir nær tveggja ára hlé. Tíð­
indamaður Skessuhorns heyrði í
Steinunni Ingu Óttarsdóttur skóla­
meistara Fjölbrautaskóla Vestur­
lands á Akranesi. Spurt var með­
al annars út í þá áskorun sem
Covid­19 faraldurinn hefur haft á
starfsfólk og nemendur skólans.
Stóðum vörð
um smitvarnir
„Frá því að það var skellt í lás
hjá okkur í mars 2020 vegna far­
aldursins var strax brugðist við og
farið í fjarkennsluna sem stóð al­
veg út vorönnina það ár. Verk­
námsnemar voru í staðnámi eins og
hægt var,“ rifjar Steinunn Inga upp.
„En frá haustönn og vorönn 2021
var bæði stað­ og fjarkennsla eft­
ir því hvernig faraldurinn þróaðist
hverju sinni. Frá haustönn 2021 var
staðkennsla ef frá er talin ein vika
í fjarkennslu eftir að hópsmit varð
á Akranesi í október í fyrrahaust.
Við höfum staðið frekar einbeittan
vörð um smitvarnirnar og komið í
veg fyrir að smit kæmi upp í skólan­
um. Verið með sóttvarnahólf, t.d. í
mötuneytinu þar sem koma jú flest­
ir saman í einu. Allir eru með grím­
ur og handspritt er á ákveðnum
stöðum. Við höfum verið með svo­
kallaða grímuvakt og minnt nem­
endur á að bera grímurnar á göng­
um skólans.“
Heldur minna brottfall
Að stunda fjarnám hlýtur að hafa
verið krefjandi fyrir bæði nem­
endur og kennara og spurðum við
Steinunni hvort þetta hefði þýtt
meira brottfall frá námi hjá nem­
endum. „Við fundum ekkert fyr­
ir því sérstaklega. Það var eigin­
lega heldur minna brottfall en
venjulega, sem er í sjálfu sér alveg
frábært. Kennararnir leystu fjar­
kennsluna afskaplega vel af hendi
og gerðu það faglega. En auðvit­
að var fjarkennslan mjög krefj­
andi. Það er mjög freistandi fyr­
ir nemendur að mæta og skrá sig
inn í mætingu í fjarkennslu á skjá
og láta sig síðan hverfa. En þetta
gekk furðu vel hjá flestum. Aðstæð­
ur nemenda heima hjá sér eru mjög
mismunandi og reynt var að taka
tillit til þess. Ekki hafa allir sérher­
bergi eða tölvu sem þau geta verið
með útaf fyrir sig að hlusta til dæm­
is á fyrirlestra.“
Eldskírn hjá
skólameistaranum
Steinunn Inga var aðeins búin að
vera skólameistari í Fjölbrauta­
skóla Vesturlands í um átta vik­
ur þegar faraldurinn skall á. „Þetta
var hálfgerð eldskírn hjá mér, en
þetta gekk samt afskaplega vel við
þessar aðstæður og vóg þar stærst
samtakamáttur kennara og nem­
enda. Nemendur náðu samt þrátt
fyrir faraldurinn að halda árshátíð
í fyrra og svo aftur núna í síðustu
viku. Það var reyndar ekkert ball en
þau reyndu að gera eins gott úr því
og hægt var og aðstæður leyfðu.“
Steinunn segir að nemendur skól­
ans hafi sýnt bæði þolinmæði og
umburðalyndi við þessar aðstæður.
„Ég verð að viðurkenna að ég hafði
svolitlar áhyggur af því að ástandið
hefði þau áhrif á nemendurna að
þeir létu minna til sín taka í þessu
ástandi; að það myndi draga úr
vilja þeirra til frekari verka. En þau
hafa sýnt það að þau láta faraldur­
inn ekki stöðva sig. Þau fylgjast vel
með öllum sóttvarnareglum og ætla
að fara alveg á fullt um leið og hægt
er. Ég er mjög stolt af þeim.“
Hópurinn sem braust í
gegnum kófið
Við útskriftina í FVA skömmu fyrir
jól ávarpaði Steinunn útskriftarnem­
endur sína og talaði til þeirra af
virðingu. Í upphafi ræðunnar sagði
hún: „Það er mikill heiður fyrir mig
að ávarpa þennan fríða og glæsilega
hóp nemenda FVA. Þið hafið nú lok­
ið formlegu námi við skólann þrátt
fyrir heimsfaraldur sem hefur haft
áhrif á allt í samfélaginu. Þið hafið
mörg hver lengst af stundað nám­
ið við frekar óvenjulegar aðstæður.
Með andlitsgrímu, utan kennslu­
stofu jafnvel og sjaldnast var nokkuð
um félagslíf í skólanum síðastliðin
tvö ár vegna samkomutakmarkanna
vegna smithættu. En ykkur tókst
að halda þetta út. Við í FVA mun­
um alltaf hugsa til ykkar sem hópsins
sem braust í gegnum kófið – hópsins
sem upplifi skólalokun í mars 2020
og bjó upp frá því við mikla óvissu
en aðlagaðist breyttum aðstæðum
á ótrúlega skömmum tíma, hópsins
sem tókst að gera gott úr hlutunum
og ná markmiðum sínum. Vel gert!
Og í rauninni er það afar hollur lær­
dómur og gott veganesti ef horft er
á björtu hliðarnar eins og gott er að
temja sér. Það að læra að mæta and­
streymi, sigrast á erfiðleikum, láta
ekki bugast og aðlagast aðstæð­
um. Þó þið hefðuð lært fátt annað
en þetta hér í FVA þá væri það bara
nokkuð gott.“
Þessi orð hennar segja mikið
til um þær áskoranir og erfiðleika
sem mættu nemendum við þess­
ar óvenjulegu aðstæður og hvern­
ig þau tókust á við þær. Sömu sögu
er hægt að segja um kennara skól­
ans. „Þeir voru einhuga um að láta
hlutina ganga og var mikil samstaða
meðal þeirra. Mér hefur fundist al­
veg frá því að ég kom til starfa í skól­
anum stemningin vera notaleg og
öll þjónusta mjög persónuleg,“ segir
Steinunn.
15 rafvirkjar
á síðustu önn
Þegar skólameistarinn er spurður
hvaða nám það er sem nyti mestra
vinsælda við skólann núna, segir
hún að flestir nemendur séu á svo­
kallaðri opinni stúdentsbraut þar
sem þau hafa meira val. „Nýjasta
sviðið okkar er skapandi greinar.
Þá er erum við með gott og öfl­
ugt sjúkraliðanám sem er kennt í
lotum, mjög hagnýtt og eftirsótt.
Verknámið er líka mjög öflugt.
Til að mynda þá útskrifuðum við
15 rafvirkja nú á haustönn sem er
stór hópur. Þá er húsasmíðin einnig
mjög vinsæl. Við erum með helgar­
og dreifnám sem er mjög mikil að­
sókn í. Þannig að það er starfsemi í
skólanum nánast alla daga vikunnar
á skólaárinu, alltaf fjör í fjölbraut,“
segir Steinunn Inga Óttarsdóttir
skólameistari FVA að endingu.
se
Gleðiskruddurnar
Yrja Kristinsdóttir og
Marit Davíðsdóttir.
Ljósm. Herdís E.
Matthíasdóttir
Gleðiskruddurnar
heimsóttu Reykhólaskóla
Hafa verið krefjandi tímar fyrir
nemendur og kennara
segir Steinunn Inga Óttarsdóttir, skólameistari FVA, um kóvid tímabilið langa
Steinunn Inga Óttarsdóttir skólameistari, Aníta Ólafsdóttir dúx skólans við
síðustu útskrift og Dröfn Viðarsdóttur aðstoðarskólameistari. Ljósm. fva.
Hópurinn sem braust í gegnum kófið að útskrifast 18. desember sl. Ljósm. mm.