Skessuhorn - 16.02.2022, Blaðsíða 15

MIÐVIKUDAGUR 16. FEBRÚAR 2022 15
Atvinna
RARIK - febrúar 2022:
Skessuhorn - 151x208mm
RARIK - Febrúar 2019:
167x214mm
Rafvirki Borgarnesi
RARIK ohf auglýsir eftir rafvirkja til starfa á starfsstöð fyrirtækisins í Borgarnesi. Hér
er um fjölbreytt starf að ræða í öflugum vinnuflokki sem vinnur við dreifikerfi RARIK á
Vesturlandi. Við hvetjum bæði konur og karla til að sækja um.
Nánari upplýsingar veitir Hreiðar Gunnarsson, deildarstjóri framkvæmdasviðs á
Vesturlandi eða starfsmannastjóri RARIK í síma 528 9000.
Umsóknarfrestur er til 28. febrúar 2022 og skal skila umsóknum með ferilskrá á vef
RARIK, rarik.is/atvinna.
RARIK ohf. er rekið sem opinbert hlutafélag í eigu ríkisins. Hlutverk RARIK er að dreifa
raforku auk þess að afla, dreifa og annast sölu á heitu vatni. Starfsmenn RARIK eru um
200 á 20 starfsstöðvum sem eru dreifðar vítt og breitt um landið.
• Viðhald á dreifikerfi RARIK
• Eftirlit með tækjum og búnaði
• Viðgerðir
• Nýframkvæmdir
• Vinna samkvæmt öryggisreglum
Helstu verkefni Hæfniskröfur
• Sveinspróf í rafvirkjun
• Reynsla af rafveitustörfum
• Öryggisvitund
• Almenn tölvukunnátta
• Drifkraftur og geta til að vinna sjálfstætt
• Bílpróf
RARIK ohf. | www.rarik.is/atvinna
STARF Í BOÐI HJÁ RARIK
Atvinna

Klafi ehf óskar hér með eftir starfsmönnum til afleysinga í sumar.

Starfið felst einkum í þjónustu við Elkem Ísland, Norðurál, Grundartangahöfn
og fleiri fyrirtæki á Grundartanga.

Unnið er á vöktum skv. vaktakerfi Klafa ehf.

Umsækjendur þurfa að hafa náð a.m.k. 18 ára aldri og hafa til að bera
ríka öryggisvitund og þjónustulund.

Starfið krefst vinnuvélaréttinda á lyftara yfir 10 tonnum (Stóra vinnuvélaprófið).
Fyrirtækið getur verið viðkomandi innanhandar með slíkt nám ef þörf krefur.

Umsóknir skulu hafa borist skrifstofu Klafa, á netfang smari@klafi.is
í síðasta lagi þriðjudaginn 25. febrúar n.k.

Nánari upplýsingar um starfið veitir Smári Guðjónsson, framkv.stjóri í síma 8997380.

Umsækjendur þurfa að geta hafið störf í byrjun maí og áætla má að
afleysingatímabilinu ljúki ca ágúst/september.
Veitur hófu í vikunni uppsetningu
snjallmæla hjá viðskiptavinum sín­
um en áformað er að setja upp um
160 þúsund slíka mæla á næstu
árum og tengja við hugbúnaðar­
kerfi. Fyrsta hverfið til að fá snjall­
mæla á starfssvæði Veitna er í póst­
númerinu 103 í Reykjavík, Háaleit­
is­ og Bústaðahverfi. Gert er ráð
fyrir að það taki yfir þrjú ár að
setja upp snjallmæla hjá öllum við­
skiptavinum en Veitur reka hita­
veitur fyrir um 65% landsmanna og
dreifa rafmagni til um 60% þeirra.
Að mælaskiptunum loknum verð­
ur því meirihluti heimila og fyrir­
tækja á Íslandi komin með snjall­
mæla. Kostnaður við þetta verkefni
er ríflega fimm milljarðar króna.
Samkvæmt korti á vefnum snjall­
mælar.is má sjá að fyrirhugað er að
hefja uppsetningu snjallmæla í hús
í Stykkishólmi og Grundarfirði í
maí 2024 og á Akranesi og Borgar­
byggð í júlí 2024.
Mikill ávinningur
Snjallmælar eru eðlilegt og jákvætt
skref í þróun veitukerfa og hafa
stjórnvöld víða um heim gert kröfu
um uppsetningu slíkra mæla og
verið er að hætta framleiðslu eldri
gerða mæla. Ávinningur af snjall­
mælum fyrir viðskiptavini og sam­
félagið í heild er mikill. Allur álestur
af mælum verður með snjallmælum
rafrænn og viðskiptavinir Veitna
fá mánaðarlega uppgjörsreikn­
inga í stað áætlunarreikninga ellefu
mánuði ársins og árlegs uppgjörs­
reiknings. Mánaðar legir reikningar
verða þá eftir uppsetningu snjall­
mælis byggðir á raunnotkun. Því
fylgir að viðskiptavinir geta átt von
á árstíðarbundnum sveiflum í orku­
útgjöldum, sér í lagi vegna hita­
veitunotkunar. Á móti kemur að
viðskiptavinir greiða einungis fyr­
ir það sem notað er, ekki áætlaða
notkun.
Snjallmælar munu því leiða fyrr
í ljós en áður ef bilanir verða t.d.
í hitaveitugrindum í húsum, eins
og dæmi eru um. Slíkar bilan­
ir hafa stundum uppgötvast seint
með miklum fjárútlátum fyrir hús­
eigendur. Eftir snjallmælavæð­
inguna geta viðskiptavinir feng­
ið aðgang að ítarlegum notkunar­
upplýsingum á Mínum síðum á
vef Veitna og verður þannig kleift
að fylgjast betur með, breyta notk­
un sinni og fá þannig tækifæri til að
nýta raforkuna og varmann á hag­
kvæmari hátt. Í framtíðinni verður
hægt að tengja rafmagnsmælana við
snjöll húskerfi. mm
Snjallmælavæðing
hafin hjá Veitum
Lið Fjölbrautaskóla Vesturlands
á Akranesi og Fjölbrautaskólans í
Garðabæ mættust í annarri umferð
í átta liða úrslitum Gettu betur á
föstudaginn. Garðbæingar hófu leik
og fengu 11 stig eftir fyrsta hluta
keppninnar sem var hraðaspurn­
ingar. Skagamönnum gekk ekki vel
í þeim og náðu aðeins í þrjú stig þar.
Eftir staðreyndavilluspurningar var
komið að tólf bjölluspurningum
og þar náði FG að svara sex spurn­
ingum rétt en FVA aðeins tveim­
ur. Staðan var því 23­7 fyrir FG
áður en vísbendingaspurningarnar
hófust og þar náði FG tveimur stig­
um í viðbót en keppninni lauk síðan
með Þríþrautinni. Þar svöruðu bæði
lið rangt, lokastaðan 25­7 fyrir Fjöl­
brautaskólann í Garðabæ og FVA er
úr leik þetta árið í Gettu betur.
Skemmtiatriði FVA í Gettu bet­
ur var söngur þeirra Mörtu Jörg­
ensdóttur og Heklu Kristleifs­
dóttur sem sungu lagið Litli fing­
ur úr söngleiknum Fun Home sem
er byggt á teiknimyndamyndasögu
eftir Alison Bechdel. Leiklista­
klúbburinn Melló, sem er skipað­
ur nemendum úr FVA, stefnir á að
frumsýna söngleikinn sem nefn­
ist Útfjör á íslensku 25. mars næst­
komandi í Bíóhöllinni á Akranesi.
vaks
Lið FVA tapaði í Gettu betur