Skessuhorn - 16.02.2022, Blaðsíða 23

MIÐVIKUDAGUR 16. FEBRÚAR 2022 23
Ferðafélag Borgarfjarðarhéraðs stóð í síðustu viku fyrir svo­
kallaðri Þorragönguviku. Boðið var upp á daglegar göngu­
ferðir, síðdegis virku dagana, og morgungöngu á laugardeg­
inum. Þátttaka í verkefninu var góð þrátt fyrir misjafnt veður
og færi. Samhliða göngunum sjálfum var miðlað ýmsum fróð­
leik um göngur og gönguferðir.
Fyrsta gangan var í Borgarnesi en þar leiðbeindi Margrét
Ástrós fólki um notkun göngustafa. Næst var gengið í Reyk­
holti. Þar leiddi Þórunn Reykdal fólk um Reykholtsskóg og
fræddi fólk um göngur og sögu staðarins. Þriðja gangan var á
Hvanneyri þar sem farinn var góður hringur niðrundir Anda­
kílsá. Rakel Dögg Sigurgeirsdóttir fræddi þátttakendur um
líkamsbeitingu á göngu. Þá var komið að vasaljósagöngu í
Einkunnum. Þar var genginn góður hringur í djúpum snjó og
myrkri. Gísli Einarsson fræddi göngufólk um helstu leiðir til
að forðast ágang drauga í gönguferðum. Á föstudag var farið
í Varmaland þar sem Brynjólfur Guðmundsson leiddi göngu­
fólk upp á hamrana ofan við staðinn og rifjaðar voru upp
sögur af fólki og fyrirbærum. Þessari vel heppnuðu göngu­
viku lauk síðan með sannkallaðri þorragöngu í Norðurárdal.
Gengið var frá Bifröst niður að Glanna og Paradísarlaut, á
köflum í hnédjúpum snjó og skafrenningi. Það var hins vegar
gott skjól í Paradísarlaut og þar var slegið upp „örþorrablóti“
með hákarli, harðfiski, magál og mysu.
„Göngunefnd FFB þakkar öllum sem þátt tóku í þessari
Þorragönguviku og minnir á að næsta skipulagða ganga á veg­
um félagsins verður laugardaginn 19. mars en þá verður geng­
ið út Þyrilsnes í Hvalfirði,“ segir í tilkynningu frá félaginu.
Meðfylgjandi myndir sendi Gísli Einarsson forseti félagsins.
mm/ge
Þorragönguvika í vetrarfæri hjá FFB