Skessuhorn - 16.02.2022, Blaðsíða 8

MIÐVIKUDAGUR 16. FEBRÚAR 20228
Heimsóknartak-
markanir
á legudeild
STYKKISH: Starfsfólk legu­
deildar HVE sendi tilkynningu
á mánudag þess efnis að heim­
sóknir á deildina takmarkist nú
við nánustu aðstandendur og
sjúklingar geti aðeins tekið á
móti einum gesti í einu. Áhersla
er lögð á að gestir beri grímu og
gæti vel að persónubundnum
sóttvörnum á meðan á heim­
sókn stendur, ekki er ráðlagt
að einstaklingar undir 16 ára
heimsæki deildina. Þá er ítrekað
að fólk komi ekki í heimsókn sé
það með einkenni, í einangrun
eða smitgát, nýkomið erlend­
is frá eða að bíða eftir niður­
stöðum úr sýnatöku. Þá hefur
Dvalarheimilið einnig sent frá
sér sambærilega yfirlýsingu þar
sem kemur fram að heimilis fólk
taki aðeins á móti einum gesti
í einu, fari beint inn á herbergi
en ekki í almannarými og 16
ára og yngri fá ekki að koma í
heimsókn. -vaks
Aflatölur fyrir
Vesturland
5.-11. febrúar
Tölur (í kílóum) frá Fiski-
stofu
Akranes: 2 bátar.
Heildarlöndun: 234.094 kg.
Mestur afli: Víkingur AK:
232.680 kg í einni löndun.
Arnarstapi: Engar landanir á
tímabilinu
Grundarfjörður: 7 bátar.
Heildarlöndun: 287.705 kg.
Mestur afli: Sigurborg SH:
74.975 kg í einni löndun.
Ólafsvík: 13 bátar.
Heildarlöndun: 262.926 kg.
Mestur afli: Egill SH: 38.206
kg í tveimur róðrum.
Rif: 11 bátar.
Heildarlöndun: 526.557 kg.
Mestur afli: Bárður SH:
133.712 kg í sjö róðrum.
Stykkishólmur: 4 bátar.
Heildarlöndun: 186.769 kg.
Mestur afli: Þórsnes SH:
169.153 kg í tveimur löndun­
um.
Topp fimm landanir á
tímabilinu:
1. Víkingur AK – AKR:
232.680 kg. 5. febrúar.
2. Tjaldur SH – RIF: 108.036
kg. 6. febrúar.
3. Þórsnes SH – STY: 91.936
kg. 10. febrúar.
4. Örvar SH – RIF: 79.519 kg.
7. febrúar.
5. Þórsnes SH – STY: 77.217
kg. 8. febrúar.
-arg
Fjármála­ og efnahagsráðherra hef­
ur fallist á tillögu Bankasýslu ríkis­
ins um sölu frekari eignarhluta í Ís­
landsbanka. Greinargerð og fylgi­
gögn um áformin hafa verið send
fjárlaganefnd og efnahags­ og við­
skiptanefnd Alþingis og þess óskað
að umsagnir nefndanna liggi fyr­
ir ekki síðar en þann 2. mars nk.
„Þá hefur jafnframt verið óskað eft­
ir formlegri umsögn frá Seðlabanka
Íslands um jafnræði bjóðenda, lík­
leg áhrif sölu á gjaldeyrismarkað,
gjaldeyrisforða og laust fé í um­
ferð,“ segir í tilkynningu frá fjár­
málaráðuneytinu.
Eftir að umsagnir nefndanna
og Seðlabanka Íslands liggja fyr­
ir verður tekin endanleg ákvörðun
um hvort sölumeðferð eignarhlut­
arins verði hafin í samræmi við efni
greinargerðarinnar. Ráðherra get­
ur í ákvörðun sinni gert breytingar
á einstökum þáttum í fyrirhugaðri
sölumeðferð, m.a. að teknu tilliti til
athugasemda fjárlaganefndar eða
efnahags­ og viðskiptanefndar Al­
þingis við greinargerðina.
Væntanleg sölumeðferð hluta í
bankanum er rökstudd þannig í til­
kynningu ráðuneytisins: „Áfram­
haldandi sala hluta í bankanum er í
samræmi við ákvæði laga, stjórnar­
sáttmála ríkisstjórnarinnar, niður­
stöður hvítbókar um framtíðarsýn
fyrir fjármálakerfið og eiganda­
stefnu ríkisins fyrir fjármála­
fyrirtæki. Í eigandastefnunni seg­
ir að stuðlað skuli að því að efla og
styrkja samkeppni á fjármálamark­
aði og að íslensk fjármálafyrirtæki
verði til framtíðar í fjölbreyttu,
heilbrigðu og dreifðu eignarhaldi.“
mm
Að morgni síðasta föstudags kom
Bjarni Ólafsson AK til Neskaup­
staðar með fyrsta loðnufarminn
sem þangað berst á vertíðinni sem
veiddur er í nót. Hingað til hafa
loðnuskipin veitt í flotvörpu en
nú eru þau að taka grunnnætur og
flotvörpuveiðunum að ljúka. Barði
NK var að landa á Seyðisfirði 1.900
tonnum og er það væntanlega síð­
asti loðnufarmurinn veiddur í flot­
vörpu sem berst til Síldarvinnsl­
unnar á vertíðinni. Þetta kom fram
á fésbókarsíðu Síldarvinnslunnar.
Skagamaðurinn Runólfur Run­
ólfsson, skipstjóra á Bjarna Ólafs­
syni, segir að loðnan hafi veiðst upp
í fjörunni við Hrollaugseyjar. „Það
var einungis unnt að kasta í fáeina
klukkutíma á fimmtudag því loðn­
an gekk út á hraunið fjær landi og
þar er ekki unnt að kasta. Það var
töluvert að sjá af loðnu og þarna var
hægt að fá ágætis köst. Við fengum
okkar afla í þremur köstum. Þar
sem við vorum voru einir tíu bátar
að veiðum og þar á meðal tveir fær­
eyskir. Loðnan sem þarna fæst er
stór og falleg. Það eru 33­35 í kíló­
inu. Mér líst afar vel á framhaldið.
Það verður að segjast að þetta lítur
bara ágætlega út,“ sagði Runólfur.
Hrognafyllingin í loðnunni
var 12,4% og brátt fer að hefja
frystingu fyrir Asíumarkað en þá
þarf hrognafyllingin að vera 14­
15%. Hrognavinnsla hefst hins
vegar ekki fyrr en hrognafyllingin
er um 25% og loðnan farin að losa
hrognapokann.
Loðnan er nú að ganga vest­
ur með suðurströndinni. Ekki er
því langt að bíða að hrognavinnsla
geti hafist á Akranesi, þegar loðnan
gengur vestur fyrir land til hrygn­
ingar.
vaks
Leiðindaveður var í Snæfellbæ á
mánudaginn og átti að bæta í vind
þegar leið á daginn. Vegna veðurs
var skólahaldi í Snæfellsbæ hætt
um hádegisbil. Færð á vegum inn­
anbæjar í Ólafsvík var þá tekin að
spillast. Á meðfylgjandi mynd má
sjá hvar börn í GSN í Ólafsvík voru
á leið úr skólanum en foreldrar
biðu þeirra í bílum sínum.
Mikið hefur verið að gera
hjá snjómokstursmönnum síð­
ustu daga. Vigfús Þráinsson snjó­
mokstursmaður segir í samtali við
Skessuhorn að hann hafi stundum
verið fram á nótt að ryðja götur
vegna mikillar snjókomu undanfar­
ið og er ekkert lát á. af
Fyrsti loðnufarmurinn sem veiddur var í nót
kom með Bjarna Ólafssyni
Bjarni Ólafsson AK 70 að landa í Neskaupstað á föstudaginn. Ljósm. Smári Geirsson
Skólahaldi hætt um hádegisbil
Fjármálaráðherra undirbýr sölumeðferð
hluta ríkissjóðs í Íslandsbanka