Skessuhorn - 16.02.2022, Blaðsíða 30

MIÐVIKUDAGUR 16. FEBRÚAR 202230
Hvað er það skemmtilegasta
sem þú gerir í vinnunni?
Spurning
vikunnar
(Spurt á Akranesi)
Sigurður Smári Kristinsson
„Það er allt skemmtilegt.“
Emma Rakel Björnsdóttir
„Það er svo margt eins og að
belta kort.“
Ólafur Elías Harðarson
„Vigta tuskur og Sindradagur.“
Aldís Helga Egilsdóttir
„Tæta skjöl.“
Heiðrún Hermannsdóttir
„Pakka kortum, sauma tuskur
og að vinna í Búkollu.“
Leiðinlegast hvað æfingarnar
eru seint á kvöldin
Íþróttamaður vikunnar
Íþróttamaður vikunnar er nýlegur
liður hjá Skessuhorni. Þar leggjum
við fyrir tíu spurningar til íþrótta­
manna úr alls konar íþróttum á öll­
um aldri á Vesturlandi. Íþróttamað­
ur vikunnar að þessu sinni er fim­
leikakonan Rakel Sunna úr Hval­
fjarðarsveit.
Nafn: Rakel Sunna Bjarnadóttir.
Fjölskylduhagir? Bý hjá foreldrum
mínum.
Hver eru þín helstu áhugamál?
Spila á hljóðfæri og að vera í fim­
leikum.
Hvernig er venjulegur dagur
hjá þér um þessar mundir? Fara
í skólann og síðan heim. Fara svo
annað hvort að vinna eða ekkert
sérstakt fyrr en bara um kvöldið, þá
er æfing.
Hverjir eru þínir helstu kostir og
gallar? Alltaf eru kostirnir og gall­
arnir að breytast.
Hversu oft æfir þú í viku? Fjór­
um sinnum.
Hver er þín fyrirmynd í íþrótt-
um? Andrea Sif Pétursdóttir.
Af hverju valdir þú fimleika? All­
ar stelpurnar í minni fjölskyldu hafa
byrjað eftir íþróttaskólann í fim­
leikum og flestar haldist lengi þar.
Hver er fyndnastur af þeim sem
þú þekkir? Allir í fjölskyldunni
minni eru alltaf að grínast.
Hvað er skemmtilegast og leiðin-
legast við þína íþrótt? Skemmti­
legast við íþróttina mína er að læra
eitthvað nýtt og leiðinlegast er hvað
æfingarnar eru seint á kvöldin.
Borgfirðingurinn Flosi Ólafsson
og Forkur frá Breiðabólsstað léku
á alls oddi í úrslitum í slaktauma­
tölti í meistaradeildinni í hesta­
íþróttum síðastliðinn fimmtudag.
Flosi og Forkur voru í fjórða sæti
eftir forkeppnina með einkunn­
ina 7,70 en þeir komu sterkir inn
í úrslitum og sigruðu örugglega
með einkunnina 8,21. Flosi sagði í
samtali við Huldu Geirsdóttur að
keppni lokinni að þetta hafi ver­
ið í fyrsta skipti sem Forkur fer í
slaktaumatölt og að ekki hafi verið
langt síðan sú hugmynd hafi kvikn­
að að fara með hann í þessa keppni.
„Hann hefur farið í eina gæðinga­
keppni og svo hér í kvöld,“ sagði
Flosi spurður um keppnisreynslu
Forks.
Forkur kemur úr ræktun fjöl­
skyldu Flosa á Breiðabólsstað í
Reykholtsdal og hefur áður fengið
góða dóma á Landsmóti. Hann var
efstur í flokki 5 vetra stóðhesta á
Landsmóti 2016 og fimmti í flokki
7 vetra stóðhesta árið 2018. Flosi
segir það vera enn sætara að hann
skuli koma úr eigin ræktun. „Þetta
er bara yfirburðahestur og ég vissi
það alltaf að hann gæti hentað í
hvað sem er,“ sagði Flosi í samtali
við Huldu. arg/ Ljósm.
Meistaradeildin í hestaíþróttum
Í vikunni sem leið var opnað úti­
gufubað í Jaðarsbakkalaug á Akra­
nesi. Framkvæmdir hófust snemma
á síðasta ári við að breyta karla­ og
kvennaklefunum í Jaðarsbakkalaug.
Gufuklefarnir voru fjarlægðir og
ákveðið að setja gufubaðsklefa upp
úti, á móts við vaðlaugina. Sú fram­
kvæmd hefur tekið tímana tvenna
og gárungarnir á Akranesi töldu
líklegast að í ferlinu hefði gufan
hreinlega gufað upp.
En nú geta allir, sérstaklega þeir
sem voru alveg orðnir gufuruglaðir
á þessu öllu saman, skellt sér í guf­
una, látið líða úr sér mestu þreyt­
una og notið þess virkilega að slaka
á eftir þessa löngu bið.
vaks
Sjálfboðaliðar og áhugamenn um
skíðasvæðið í Grundarfirði hafa undan­
farna daga verið að vinna við að koma
skíðalyftunni í gang. Nú er kominn
snjór á svæðið og því ekki seinna vænna
að koma lyftunni í gagnið. Sjálfboðalið­
ar voru á föstudaginn að hefja vinnu við
að setja sætin á lyftuna og svo stóð til
að troða brekkurnar. Áður var búið að
setja upp snjógildrur í brekkunum og
hafa þær staðið fyrir sínu í snjókom­
unni undanfarna daga og vikur. tfk
Aðalsteinn Jósepsson var klár í slaginn.
Skíðalyftan standsett í Grundarfirði
Flosi á verðlaunapalli eftir sigur í slaktaumatölti.
Flosi og Forkur sigruðu slaktaumatöltið
Flosi og Forkur glæsilegir í slaktaumatöltinu.
Inngangurinn að
nýju gufunni í Jaðars-
bakkalaug. Ljósm.
vaks.
Gufan í Jaðarsbakkalaug opnuð á ný
Rut Rúnarsdóttir og Aðalsteinn Valur Grétarsson eru hér að leggja línurnar fyrir
komandi verkefni.