Skessuhorn - 16.03.2022, Page 4

MIÐVIKUDAGUR 16. MARS 20224
Í síðustu viku tjáði Arnheiður Jóhannsdóttir, framkvæmastjóri Markaðs-
stofu Norðurlands, sig hraustlega um ástand vega og nauðsyn vegabóta á
landsbyggðinni. „Til að hægt sé að halda úti ferðamennsku um allt land,
allan ársins hring, þarf að taka vegakerfið til gagngerrar endurskoðunar,“
sagði hún. Benti einnig á að millilandaflug um aðra flugvelli en Keflavíkur-
flugvöll hafi aukist og ferðamenn því í auknum mæli farnir að skipuleggja
ferðir sínar til landsins án þess að þurfa að hafa viðkomu á suðvesturhorn-
inu. Hins vegar væru það vegamálin sem gerðu ferðaþjónustufyrirtækj-
um erfitt fyrir að skipuleggja slíka milliliðalausa ferðamennsku. „Við erum
alltaf að vinna að því að kynna ákveðna segla, stóra segla eða mesta aðdrátt-
araflið okkar sem eru m.a. Dettifoss og Demantshringurinn og Hvítserk-
ur og það er bara ófært stóran hluta ársins að þessum stöðum og það er
óásættanlegt, algjörlega,“ sagði Arnheiður.
Mér finnst gott að einstaka sinnum heyrast skynsemisraddir af lands-
byggðinni sem benda á hið augljósa. Fleiri þyrftu að auka þrýsting á fjár-
veitingavaldið hvað þetta snertir, ekki síst við Vestlendingar. Til að þjóðin
eigi að geta vænst aukinna tekna af nýjum atvinnugreinum, þarf að ráðast í
fjárfestingu. Að stofni til höfum við ennþá sama vegakerfið og fyrir þremur
eða fjórum áratugum. Búið er að lappa upp á einhverja vegi, taka af erfið-
ustu beygjurnar og fækka einbreiðum brúm, svo dæmi sé tekið. Hins vegar
er uppbygging þjóðvegakerfisins í engu samræmi við þær væntingar sem
við gerum til aukinna tekna af nýjum og vaxandi atvinnugreinum. Ekki ein-
vörðungu hefur ferðaþjónustan vaxið á ógnarhraða, ef undan er skilinn tími
heimsfaraldurs, heldur hefur t.d. fiskeldi í sjó stóraukist. Fiskeldinu inn á
fjörðum Vestfjarða fylgja til dæmis gríðarlegir flutningar á landi. Mér er
mjög minnisstæð bílferð sem ég átti fyrir fáum árum þar sem ég þurfti að
sækja fund sem haldinn var á Reykhólum. Eftir að komið var yfir Bröttu-
brekku byrjaði ég að mæta hverjum risavöxnum flutningabílnum á fætur
öðrum. Þeir sem til þekkja í Miðdölum vita að þjóðvegurinn er jafn breiður
og þegar hann upphaflega var lagður. Jafnvel mjórri þar sem kantarnir hafa
gefið sig í áranna rás. Það er því hreinlega ábyrgðarhluti að um þessa vegi
fara á sama tíma flutningabílar, sem þurfa í raun allt plássið á veginum, en
einnig ferðamenn sem margir hverjir eru allsendir óvanir umferð á þjóð-
vegi þar sem einungis er búið að leggja helming vegarins!
Það má því segja að ekki fari saman hljóð og mynd þegar hinir og þess-
ir ráðamenn þjóðarinnar belgja sig út og stæra af auknum vexti hagkerfis-
ins vegna þessara nýju atvinnugreina; ferðaþjónustu og fiskeldis. Á sama
tíma og skatttekjur streyma í ríkiskassann frá þessum greinum hefur láðst
að ráðast í eðlilega uppbyggingu vega og annarra innviða, en báðar þessar
atvinnugreinar eiga allt undir að samgöngur séu í lagi.
Ari Teitsson, annar Norðlendingur, benti á það í blaðagrein fyrir
nokkrum árum að halda mætti því fram að ríkið hafi fengið neyðarlán hjá
þjóðvegunum á árabilinu 2009 til 2014, lán sem nam tugum ef ekki hund-
ruðum milljóna króna. Við bankahrunið 2008 breyttist geta samfélagsins
mjög til hins verra til að standa undir eðlilegum vegaframkvæmdum. Við
þegnar landsins, eigendur veganna, þurftum að taka á okkur þessar byrð-
ar sem ráðdeildarleysi banka- og fjárglæframanna lagði á okkur við hrunið.
Kostnaður upp á þúsund milljarða. Óhjákvæmilegt reyndist ríkinu því ann-
að en skera niður framlög til uppbyggingar og viðhalds þjóðveganna þótt
gjaldtaka af bifreiðaeigendum hafi ekkert breyst, nema síður væri. Enn í
dag, tæpum fjórtán árum eftir hrunið, eru þjóðvegunum vansinnt, en þurfa
engu að síður að bera margfalt meiri umferð en þeir voru hannaðir til. Ekki
bætir svo úr skák að í kjölfar umhleypingasams vetrar eru blessaðir vegirn-
ir eins og gatasigti. Sama hvað starfmenn Vegagerðarinnar sletta mörgum
tonnum að viðgerðarefni í holurnar, það bætast bara nýjar við jafn harðan.
Ég tek undir með Norðlendingum. Nú er komið að því að stjórnvöld bretti
upp ermar og ráðstafi margfalt stærri hluta tekna ríkissjóðs í uppbyggingu
vegakerfisins. Neyðarlánið frá 2008 er komið á eindaga.
Magnús Magnússon
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Neyðarlán á eindaga
Sundlauginni á Húsafelli hefur ver-
ið lokað tímabundið vegna fram-
kvæmda. Búið er að grafa upp
svæðið í kringum laugina og verið
er að bæta aðstöðuna. Samkvæmt
upplýsingum á husafell.is er áætl-
að að laugin verði opnuð að nýju í
byrjun sumars.
arg
Mannamót Markaðs-
stofa landshlutanna í
ferðaþjónustu verð-
ur haldið í Kórnum
í Kópavogi fimmtu-
daginn 24. mars frá kl.
12-17. Mannamót er
kynningarvettvang-
ur fyrir ferðaþjónustu-
fyrirtæki á landsbyggð-
inni þar sem ferða-
þjónustuaðilar koma
saman og kynna sína
þjónustu og vörufram-
boð og mynda tengsl
innan ferðaþjón-
ustunnar.
arg
Íbúafundir voru haldnir í sveitarfé-
lögunum tveimur á mánudaginn og
var mæting góð á báða fundi. Vegna
veðurs tafðist um hálftíma að hefja
fund Stykkishólmi en þrátt fyrir það
komu fjölmargir gestir til fundarins
í Stykkishólmskirkju auk þess sem
hægt var að fylgjast með honum
í beinni útsendingu frá kirkjunni.
Að loknum stuttum ávörpum frá
Hrafnhildi Hallvarðsdóttur forseta
bæjarstjórnar Stykkishólmsbæj-
ar og Jakobi Björgvini Jakobssyni
bæjarstjóra fór Róbert Ragnarsson
ráðgjafi nefndarinnar yfir helstu
atriði sameiningartillögu samein-
ingarnefndar sveitarfélaganna og í
kjölfarið var opnað fyrir spurningar
úr sal og frá áhorfendum í streym-
inu. Umræður voru góðar og veittu
svör við spurningum sem fram
komu. Fundur hófst á Skildi klukk-
an 20 og var mæting góð. Guðrún
Reynisdóttir oddviti sveitarstjórn-
ar Helgafellssveitar bauð fundar-
gesti velkomna og Jakob Björg-
vin tók svo við stjórn fundarins og
ávarpaði gesti. Róbert kynnti aftur
helstu atriði líkt og í Stykkishólms-
kirkju og eftir það var opnað fyrir
umræður. Góðar umræður urðu á
fundinum og lauk fundi um hálf tíu.
Fundarmenn á báðum fundum voru
sáttir við vinnu sameiningarnefnd-
ar og lögðu áherslu á að allir íbúar
nýttu sér kosningaréttinn á kjördag
laugardaginn 26. mars.
Þess má geta að upptökur frá báð-
um fundum er að finna á Facebook
síðu verkefnisins Breiðfirðingar auk
þess sem íbúar eru hvattir til að
leggja fram spurningar á vefnum
helgafellssveit.is. Meðfylgjandi eru
myndir frá fundunum.
am
Síðastliðinn
laugardag var
verið að fjarlægja
jarðveg á sund-
laugarsvæðinu.
Ljósm. mm.
Framkvæmdir við
sundlaugina á Húsafelli
Íbúafundir í Stykkishólmi og
Helgafellssveit voru vel sóttir
Frá Mannamóti fyrir tveimur árum. Ljósm. úr safni/kgk
Mannamót í næstu viku