Skessuhorn - 16.03.2022, Side 21

MIÐVIKUDAGUR 16. MARS 2022 21
Síðastliðinn fimmtudag var opnuð
sölusýningin Hafið eftir listakon-
una Brynju Brynjars á Bókasafni
Akraness. Sýningin stendur yfir
til 31. mars og er hluti af Vetrar-
dögum. Verk Brynju eru abstrakt
(emotional) expressionism mál-
verk.
Brynja Brynjars er fædd á Akur-
eyri, ólst upp á Ólafsfirði til tólf ára
aldurs og hefur búið á Akranesi síð-
an þá. Að sögn Brynju hefur mynd-
listin fylgt henni nánast alla tíð en
hún fór í Menntaskólann á Ólafs-
firði og útskrifaðist þaðan af list-
námsbraut árið 2012. Eftir það
tók hún sér smá hvíld frá listinni
en byrjaði að mála aftur fyrir um
þremur árum síðan.Verkin á sýn-
ingunni eru frekar nýleg, öll mál-
uð á þessu ári og eru yfir tíu tals-
ins. Brynja segir að það séu miklar
tilfinningar í þeim og hún tjái sig
beint frá hjartanu. Sýningin er opin
virka daga frá klukkan 10 til 18 og á
laugardögum frá klukkan 11 til 14.
vaks
Þegar ljósmyndari Skessuhorns var
í sumarbústaðarferð í Borgarfirði
í hálfgerðri ófærð í síðustu viku sá
hann þá tvo olíubrúsa í vegkantin-
um. Þarna hafði eitthvert öku-
tæki orðið eldsneytislaust og höfðu
brúsarnir tveir í úkraínsku fána-
litunum greinilega gleymst. þg
Snyrtistofan Mey ehf. er stað-
sett á Smiðjuvöllum 17 á Akra-
nesi og hóf rekstur í maí árið 2020.
Sex konur starfa á Mey og eru all-
flestar í fullu starfi. Steinunn Inga
Guðmundsdóttir og Kolbrún
Ösp Valdimarsdóttir eru eigend-
ur Mey. Steinunn útskrifaðist sem
naglafræðingur árið 2011, lauk
sveinsprófi í snyrtifræði 2014 og
fékk þá viðurkenningu fyrir fram-
úrskarandi sveinspróf. 2018 útskrif-
aðist hún með kennararéttindi í
augnaháralengingum og 2021 fór
hún á framhaldsnámskeið í augn-
háralengingum og lash lift. Kol-
brún Ösp sér um vefsíðugerð, bók-
hald, lagerinn og allt sem kemur að
starfsmannahaldi.
Aðalbjörg Guðbrandsdóttir
útskrifaðist sem förðunarfræðingur
árið 2002, naglafræðingur 2006 og
þá var hún Íslandsmeistari nema.
Hún er með kennararéttindi frá
ProNails frá 2014. Sif Agnarsdóttir
útskrifaðist sem förðunarfræðingur
árið 2001, snyrtifræðingur 2006 og
fótaaðgerðafræðingur 2021. Sig-
ríður Ólöf Valdimarsdóttir er á síð-
asta ári í heilsunuddnámi og hef-
ur starfað á stofunni frá því í mars
2021. Lára Bogey Finnbogadóttir
hefur verið á stofunni síðan í maí
2021 og útskrifaðist um síðustu jól
sem heilsunuddari.
Blaðamaður Skessuhorns kíkti í
síðustu viku í kaffi á Mey og hitti
á þær Steinunni Ingu, Aðalbjörgu
og Láru. Þær segja að rekstur-
inn hafi gengið vel frá byrjun en
þær Steinunn og Kolbrún opnuðu
stofuna skömmu eftir að faraldur-
inn hófst. Það hafi komið sér ágæt-
lega þannig séð þegar þær þurftu
að loka í smá tíma því þá náðu þær
að standsetja allt, innréttuðu fimm
herbergi og aðra hæð með kennslu-
rými fyrir Glamakademíuna gervi-
nagla-og augnhára skóla. „Nagla-
skóli ProNails er alla miðvikudaga
frá klukkan 17.30 til 21. Í mesta lagi
eru fimm nemendur á hverju nám-
skeiði í einu og stendur það yfir í
tólf vikur. Síðan rúllar það þannig
ef ein útskrifast getur önnur byrj-
að því það hentar vel að þær séu á
mismunandi stigi í náminu. Þá er
viðkomandi útskrifuð sem nagla-
fræðingur og getur unnið á vegum
Pro Nails út um allan heim. Við
erum með umboð fyrir ProNails og
erum einnig að flytja það inn. Það
er elsta naglamerkið á Íslandi og
hefur verið hér síðan 1999. Oh My
Lash eru augnháralengingarvör-
ur og við erum með eitt námskeið
í því í hverjum mánuði á föstudög-
um. Um er að ræða tvo daga með
tveggja vikna millibili frá klukkan
10 til 16 og 12 til 16. Öll aðstaðan
á efri hæðinni er fyrir skólann og er
allt til alls fyrir kennsluna.“
Oft of mikið að gera
Þær segja að viðtökurnar hafi ver-
ið mjög góðar frá byrjun og oft
of mikið að gera. Alltaf þéttbók-
að fram í tímann og því hafi þær
ekki verið að auglýsa sig mikið. En
hvernig er að vera á þessum stað
og í þessu húsnæði? „Það er mjög
fínt, nóg pláss og við erum smám
saman að aðlagast. Þetta er ótrú-
lega þægilegt, hátt til lofts og vina-
legt því þetta er svo stórt en samt
svo þétt. Við erum allar fimm með
sér herbergi og aðstöðu enda erum
við með fjölbreytta starfsemi. Þá er
þetta afar góð staðsetning og nóg af
bílastæðum.“
Tilbúnar til að takast á
við stærra verkefni
Hvernig hefur samvinnan geng-
ið á milli ykkar? „Þetta er ótrúlega
góð liðsheild, þetta er mjög fyndið
því við komum allar úr sitthvorri
áttinni en smullum allar saman um
leið. Við erum allar svo ólíkar en
kemur rosalega vel saman og það
myndast oft skemmtileg stemning
hjá okkur. Við erum mjög bjartsýn-
ar á framhaldið og næstu ár enda á
góðum stað og tilbúnar að takast á
við stærri verkefni. Við erum alltaf
að læra betur og betur á þetta og
bæta okkur, við viljum alltaf gera
betur. Auka þjónustuna og byggja
ofan á góðan grunn því það var
alveg kominn tími á þessa fjöl-
breyttu þjónustu í svona stóru sam-
félagi því þó það sé stutt í bæinn þá
eru ekki alltaf allir sem vilja sækja
þjónustuna þangað. Við erum sjálf-
ar með kúnna frá Reykjavík og
Borgarnesi og frá nágrannabæjun-
um. Það styrkir okkur að hafa þessa
fjölbreyttu þjónustu alla á sama
stað því það eru fáar snyrtistofur
þannig.“
Lára bætir við varðandi nuddið
að það sé allt of oft þannig að það
er hálfpartinn falið, í herbergj-
um heima hjá fólki eða kompum
og það sé mikilvægt að hafa það á
opnu svæði. „Það þurfa nánast all-
ir einhvern tímann á lífsleiðinni að
fara í nudd og það er gott að hafa
aðgengi að því. Þú veist líka ef þú
kemur inn á snyrtistofu þar sem er
nuddari að þá eru miklu meiri líkur
að hann sé búinn að læra og þá ekki
bara af einhverjum YouTube mynd-
böndum.“
Mey.is er vefverslun þar sem
hægt er að versla allar þær vörur
sem þær bjóða upp á. Alls konar
úrval af snyrtivörum er á síðunni,
fyrir alla. Auk þess eru þær með
glamakademian.is sem er heildsölu
netverslun fyrir þá sem hafa lært
neglur, augnháralengingar eða las-
hlift. Opið er alla virka daga frá
klukkan 9 til 16. Gengið er frá
tímapöntunum í gegnum www.
noona.is/meysnyrtistofa og ef fólk
vill hringja og panta þá er síminn
625-8373.
vaks
Olíubrúsar í
úkraínsku fánalitunum
Hluti af málverkasýningu Brynju Brynjars á Bókasafni Akraness. Ljósm. vaks
Hafið, sýning Brynju Brynjars
á bókasafninu
Snyrtistofan Mey er á Smiðjuvöllum 17 á Akranesi. Ljósm. vaks
„Styrkir okkur að hafa alla þessa
fjölbreyttu þjónustu á sama stað“
Starfsfólkið á Snyrtistofunni Mey. Neðri röð frá vinstri: Aðalbjörg, Kolbrún Ösp og Sigríður Ólöf. Efri röð frá vinstri: Lára
Bogey, Steinunn Inga og Sif. Ljósm. aðsend