Skessuhorn - 16.03.2022, Blaðsíða 24

MIÐVIKUDAGUR 16. MARS 202224
Staðan í vatnsbúskap Landsvirkj-
unar er með þyngsta móti og staða
miðlunarlóna enn lægri en spáð
hafði verið í janúarlok. „Áfram
verður allt gert til að tryggja
afhendingu á forgangsorku. Ljóst
er að miðað við stöðuna nú munu
skerðingar standa út aprílmánuð,
en jafnframt hefur Landsvirkjun
leitað eftir endurkaupum á raforku
hjá stórnotendum og virkjað slík
ákvæði þar sem samningsbundnar
heimildir eru til staðar,“ segir í til-
kynningu frá fyrirtækinu.
Þórisvatn gæti tæmst
Yfirstandandi vatnsár er eitt hið
erfiðasta í sögu Landsvirkjun-
ar. Þurrkar síðasta sumar og haust
gerðu að verkum að Þórisvatn fyllt-
ist ekki, en það er mikilvægasta
miðlunarlónið á stærsta vinnslu-
svæði fyrirtækisins. Þrátt fyrir að
margar lægðir hafi gengið yfir
landið í febrúar þá voru þær kald-
ar og fluttu með sér snjó, en ekki
regn, svo enginn vetrarbloti kom
inn á hálendið. Sá snjór mun vissu-
lega skila sér í lónin áður en yfir
lýkur, en hjálpar ekki í núverandi
stöðu. Yfirborð Þórisvatns lækk-
ar nú um einn metra á viku, sem
þýðir að verulega þarf að hlána
í síðasta lagi um miðjan apríl, ef
það á ekki að tæmast. Innrennsli í
Tungnaá mælist nú minna en árið
2014, þegar síðast þurfti að grípa til
skerðinga.
Óveður og aukið álag
Óveður í febrúar setti einnig strik
í reikninginn í rekstri Landsvirkj-
unar á þann hátt að skerða þurfti
raforkuflutninga milli landshluta
vegna rofs á Byggðalínu. Auk þess
varð tímabundið rof á orkuvinnslu
í lok febrúar í Vatnsfelli, á Sultar-
tanga og í Búrfelli, vegna illviðr-
is. „Þá má geta þess að auk þess
sem erfitt vatnsár veldur vanda
er afhending Landsvirkjunar til
heildsölu 15% meiri en á síðasta
ári, sem gefur vísbendingar um
minna framboð frá öðrum raf-
orkuframleiðendum á þennan
markað. Þá hafa tíðar bilanir hjá
öðrum vinnslufyrirtækjum auk-
ið álag á kerfið. Álag í raforkukerf-
inu hefur þannig aukist á sama tíma
og vatnsbúskapur er með versta
móti og vetrarhörkur hafa frem-
ur hert tak sitt en hitt. Þrátt fyrir
þetta erfiða árferði hefur Landsnet
náð góðum árangri í flutningi orku
milli landshluta.“
Landsvirkjun hefur eins og kunn-
ugt er gripið til skerðinga í sam-
ræmi við ákvæði samninga við fisk-
mjölsverksmiðjur, stórnotendur og
fjarvarmaveitur. Samtals nema þær
skerðingar um 3% af árlegri orku-
vinnslu fyrirtækisins. Gripið hef-
ur verið til ýmissa annarra ráða til
að bregðast við versnandi horfum,
þ.á.m. að falast eftir endurkaupum
raforku af öllum stórnotendum og
virkja ákvæði um slík endurkaup
þar sem þau er að finna í samning-
um.
„Við hjá Landsvirkjun leggjum
okkur hér eftir sem hingað til fram
um að mæta viðskiptavinum okk-
ar af sanngirni. Staðan er erfið og
við gerum okkur vel grein fyrir að
skerðingar og endurkaup koma illa
við viðskiptavinina. Allar takmark-
anir á afhendingu raforku, sem við
höfum þurft að grípa til, eru í sam-
ræmi við samninga. Við vonum
sannarlega að milt vor hjálpi okk-
ur að komast út úr þessari stöðu,“
segir Hörður Arnarson, forstjóri
Landsvirkjunar í tilkynningu.
Hægt er að fylgjast með stöðu
vatnsbúskapar á http://landsvirkj-
un.is/rauntimavoktun
mm
Eitt erfiðasta vatnsárið í sögu Landsvirkjunar
„Yfirborð Þórisvatns lækkar nú um einn metra á viku, sem þýðir að verulega þarf
að hlána í síðasta lagi um miðjan apríl, ef það á ekki að tæmast.“
Ljósm. Mats Wibe Lund.
Dagur í lífi...

Nafn: Guðrún Lilja Magnúsdóttir
Fjölskylduhagir/búseta: Gift og
bý í Grundarfirði með manninum
mínum, yngsta barni, köttum og
hundi.
Starfsheiti/fyrirtæki: Vinn sem
bókavörður í Grunnskóla Grundar-
fjarðar og rek ásamt vinkonu minni
fyrirtækið Græna kompaníið, sem
er kaffihús, garnbúð og bókabúð.
Er einnig pistlahöfundur á bóka-
vefnum Lestrarklefinn.is.
Áhugamál: Bækur og aftur bækur.
Dagurinn: Fimmtudagurinn 10.
mars
Klukkan hvað vaknaðirðu og
hvað var það fyrsta sem þú gerð-
ir? Vaknaði klukkan korter yfir sjö
og vakti unglinginn.
Hvað borðaðirðu í morgunmat?
Ég borða aldrei morgunmat.
Hvenær fórstu til vinnu og
hvernig? Ég keyrði í grunnskólann
klukkan að verða átta.
Fyrstu verk í vinnunni? Kveikja
á tölvunni og skrá mig inn á
bókasafnskerfið Gegni.
Hvað varstu að gera klukkan 10?
Skanna innkomin útlán frá krökk-
unum og raða bókum í hillur.
Hvað gerðirðu í hádeginu? Fór
heim klukkan tólf og hleypti hund-
inum Legó út að pissa.
Hvað varstu að gera klukkan 14?
Ég sat heima við tölvuna og yfirfór
bókagagnrýni um bókina Kokkál
eftir Dóra DNA sem birtist svo á
Lestrarklefanum.
Hvenær hætt og það síðasta sem
þú gerðir í vinnunni? Skilaði inn
textanum, sendi á ritstjóra Lestrar-
klefans og lét vita að pistilinn væri
tilbúinn. Þá var klukkan að verða
þrjú.
Hvað gerðirðu eftir vinnu? Bjó
mig undir að fara til Reykjavíkur
en hætti við ferðalagið þann daginn
þar sem bíllinn minn var ekki í
nógu góðu standi. Hélt mig því
heima og byrjaði á næstu bók sem
heitir Blikur á lofti.
Hvað var í kvöldmat og hver eld-
aði? Mér var boðið í mat af sam-
starfskonu minni, henni Signýju
sem bauð upp á dýrindis kjötsúpu.
Hvernig var kvöldið? Eyddi
kvöldinu með vinkonum mínum
við sjónvarpsgláp.
Hvenær fórstu að sofa? Frekar
seint.
Hvað var það síðasta sem þú
gerðir áður en þú fórst að hátta?
Burstaði tennurnar.
Hvað stendur upp úr eft-
ir daginn? Svekkelsi yfir að bíll-
inn skyldi ekki hafa virkað en mik-
il tilhlökkun fyrir helginni þar
sem barnabarnið mitt fékk nafn á
laugardeginum.
Eitthvað að lokum? Barnabarnið
fékk nafnið Vera Sofia, ég er orðin
hundleið á veðrinu en bókin sem ég
er að lesa er mjög skemmtileg, er
unglingabók og ég mæli algjörlega
með henni. Ekki fara til Grundar-
fjarðar án þess að kíkja á kaffihús-
ið Græna kompaníið og endilega
kynnið ykkur bókavefinn, Lestrar-
klefinn.is.
Bókavarðar í Grundarfirði
Sigurður Arnar Sigurðsson,
skólastjóri Grundaskóla á Akra-
nesi, var í óða önn að taka niður
jólaskreytingu þegar blaðamaður
Skessuhorns átti leið fram hjá hon-
um á ganginum í skólanum í síð-
ustu viku. Marsmánuður er alveg
tilvalinn eins og hver annar til að
taka niður skrautið og kannski
ekki seinna vænna því í byrjun apr-
íl verður frumsýndur söngleik-
urinn Hunangsflugur og Villikettir
í Grundaskóla, eins og fram kemur
í annarri frétt hér í blaðinu.
vaks
Í góða veðrinu á Akranesi á sunnu-
daginn skellti blaðamaður Skessu-
horns sér í smá útihlaup eftir langa
fjarveru frá slíku stússi. Lá leið
eins og venjulega að heiman út
göngustíginn sem liggur meðfram
Langasandi og þaðan var sprett
úr spori í átt að golfvellinum og
hlaupið þaðan síðan í átt að Akra-
fjalli. En þegar komið var fram hjá
endanum við lok holu fjögur á golf-
vellinum vandaðist málið. Þar er nú
búið að setja möl í bland við stóra
hvassa steina á tvö til þrjú hundruð
metra kafla á þessum slóðum. Þessi
stígur er mikið notaður af göngu-
fólki en það hefur líklegast breyst
á síðustu mánuðum því mikil hætta
er á að fólk misstígi sig á léttri
göngu. Hvað þá með hlaupafólk og
hjólreiðafólk og enginn vafi að þeir
sem ætla að hjóla þennan stíg geta
átt það á hættu að slöngur í dekkj-
um springi fljótlega því grjótið er
á köflum ansi stórt með hvössum
brúnum.
Að sögn Alfreðs Alfreðsson-
ar hjá Akraneskaupstað var þessi
hluti göngustígsins styrktur í haust
og keyrt ofan á hann burðarlagi til
þess að styrkja veginn því þetta var
orðin hálfgerð moldardrulla. Efnið
sem var sett þarna kallast núll sextíu
og þrír og svo verður sett fínt efni
ofan á þetta og drenar það sem er
fyrir. Spurður hvenær þetta muni
gerast segir Alfreð að vonandi ger-
ist það fyrir sumarið en hann geti
þó engu lofað með það.
Það er því um að gera fyrir
göngufólk að fara varlega á þessum
slóðum fram á vor og vona bara að
þetta verði allt komið í samt lag fyr-
ir sumarið. vaks
Ekki seinna vænna hjá Sigurði Arnari
Sigurður Arnar í hæstu
hæðum. Ljósm. vaks
Og endar við göngin undir þjóðveg-
inum.
Göngustígur allur í grjóti
Hér byrjar vesenið…
Hér við sirka miðju stígsins…