Morgunblaðið - 07.04.2022, Blaðsíða 24

24 FRÉTTIR
Innlent
MORGUNBLAÐIÐ FIMMTUDAGUR 7. APRÍL 2022
Frá fyrstu mínútum stríðsins, sem
Evrópa stendur á öndinni yfir, tóku
skilaboðin að streyma til Kseniu á In-
stagram sem aldrei fyrr. „Allir höfðu
sína skoðun. Allt í einu voru margir
Úkraínumenn farnir að hata mig, ein-
göngu vegna þess að ég er frá Rúss-
landi. Viðbrögðin frá Rússum voru
hins vegar tvenns konar. Annars veg-
ar heyrði ég frá Rússum sem voru að
spyrja mig hvað þeir gætu gert til að
koma nágrönnunum í Úkraínu til að-
stoðar en á hinn bóginn voru það
skilaboð frá þeim sem gagnrýndu
mig fyrir að vera rússnesk en sýna þó
Úkraínumönnum stuðning. Rétt eins
og Úkraínumegin finnst það fólk sem
leggur fæð á alla Rússa og svo hinir
sem skilja að almenningur í Rúss-
landi ræður engu um gjörðir stjórn-
valda. Þetta var stormur sem ekki
var stætt í,“ segir Rússinn frá upp-
lifun sinni á þeim málflutningi sem
við henni blasti á Instagram.
Enginn hörgull hafi verið á hót-
unum og gífuryrðum og rifjar Ksenia
upp margra vikna tímabil, eftir upp-
hafsdag innrásarinnar, sem henni
varð vart svefnsamt af þessum sök-
um. Hún eigi fjölda vina í Úkraínu
þótt þar eigi hún enga ættingja, í
Rússlandi á hún hins vegar móður og
afa og ömmu, fjölskyldu sem er henni
ákaflega kær og eðlilega kveðst
Ksenia óttast um afdrif síns fólks í
Rússlandi, vina og fjölskyldu, alþjóð-
legar refsiaðgerðir komi hart niður á
rússneskum almenningi, réttu og
sléttu almúgafólki sem aldrei hafði
neitt um það að segja að forseti lands-
ins ákvað að ráðast með oddi og egg
gegn nágrannaþjóðinni.
„Fólk spyr mig hvers vegna ég taki
ekki afstöðu gegn því sem Rússland
er að gera. Auðvitað er ég alfarið á
móti stríðsrekstri, mér finnst alveg
skelfilegt að þetta sé að gerast, en ég
verð að gæta að því hvað ég læt út úr
mér opinberlega,“ segir Ksenia og á
við Instagram-síðu sína sem skartar
tæplega 40.000 skráðum fylgjendum.
„Nú varðar það við lög að gagnrýna
innrásina, fólk getur fengið fangels-
isdóm í Rússlandi fyrir að mótmæla
því sem þarlend stjórnvöld eru að
gera.“
Hún bendir á að samfélag Rússa í
Noregi sæti hvort tveggja harkalegri
almennri gagnrýni í kjölfar innrás-
arinnar auk þess sem landar hennar
komi hreinlega að lokuðum dyrum
sums staðar, hvort sem það snúi að
hótelgistingu, atvinnutækifærum eða
því að geta almennt um frjálst höfuð
strokið. Slíkt sé þó til allra heilla fátítt
í Noregi en almenningsálitið í heim-
inum sé einfaldlega gegn Rússum,
öllum Rússum, vegna ófriðarbálsins í
Úkraínu. Andstæðingar stríðsins
Rússlandsmegin séu þó líkast til mun
fleiri en stuðningsmennirnir.
„Þetta stríð er ótækt“
„Við erum bara stimpluð hrottaleg
þjóð alls staðar í heiminum vegna
þess sem Pútín er að gera. Fjöldi
Rússa hér og annars staðar þorir
varla að viðurkenna þjóðerni sitt,“
segir Ksenia og fer ekki í neinar graf-
götur með að ástand heimsmála um
þessar mundir íþyngir henni veru-
lega. Eins og fjöldi landa hennar hafi
hún tekið að velta því fyrir sér eftir
innrásina hvernig hún gæti lagt sitt
lóð á vogarskálarnar til aðstoðar bág-
stöddum Úkraínumönnum og dottið
niður á þá lausn í samstarfi við hót-
elstjórann að bjóða tveimur til þrem-
ur flóttamönnum frá Úkraínu vinnu
og húsnæði á Engø Gård. Hún hafi
svo notað Instagram-síðu sína til að
auglýsa eftir fólki sem væri tilbúið að
leggja á sig flótta til Noregs og þá
hafi Nataliia haft samband við hana
sem orðið hafi kveikjan að komu
hennar til Noregs.
Konurnar tvær, sem komu til Nor-
egs á þriðjudaginn, eru mæðgur. Að-
dragandinn að komu þeirra var hvort
tveggja skemmri og einfaldari, er þar
á ferð vinkona Nataliiu með dóttur
sína sem þær Ksenia ákváðu að bjóða
til landsins í kjölfar þess að Ksenia
heyrði á tal þeirra vinkvenna í síma.
„Mér finnst þetta alveg út í hött,
þetta stríð er ótækt og það er ótækt
að Rússar og Úkraínumenn séu að
drepa hvorir aðra, þetta eru þjóðir
sem eiga að hjálpast að. Mig langar
með því sem ég er að gera að reyna
að leggja fram örlitla hjálp, sama hve
lítil hún er, og ég get ekki tekið neina
afstöðu með eða á móti einum né
neinum í þessu stríði,“ segir Ksenia
Levy við endalok fróðlegs spjalls,
hálfvegis inni í skógi á Tjøme en um
leið við opið gin Skagerrak-sundsins
milli Noregs og Danmerkur.
Túlkaþjónusta Ksenia (t.v.) túlkar frásögn Nataliiu af seinustu dögunum í
Úkraínu sem er henni létt, mál þeirra eru ámóta lík og sænska og norska.
Feðgin Sara Anastasia Levy ásamt föður sínum eftir viðtal á laugardaginn.
Morgunblaðið/Atli Steinn Guðmundsson
Morgunblaðið/Atli Steinn Guðmundsson
Margrét Þóra Þórsdóttir
Akureyri
„Akureyri er mjög fýsilegur kostur
fyrir þessa starfsemi,“ segir Eyjólfur
Magnús Kristinsson, forstjóri at-
North, en hann og Ásthildur Sturlu-
dóttir, bæjarstjóri á Akureyri, rituðu
undir viljayfirlýsingu um byggingu
og rekstur gagnavers á Akureyri á
Listasafninu á Akureyri sl. þriðju-
dag. Samkvæmt henni leigir fyrir-
tækið lóð til starfseminnar á skipu-
lögðu athafnasvæði í útjaðri bæjarins
en þetta verkefni er liður í uppbygg-
ingu græns iðnaðar í höfuðstað Norð-
urlands. Gagnaverið mun fjölga
störfum í hátækniiðnaði á svæðinu.
Fyrirtækið atNorth rekur gagna-
ver í Hafnarfirði, Reykjanesbæ og
Stokkhólmi í Svíþjóð og segir Eyjólf-
ur mikla eftirspurn eftir þjónustu
þess. Þegar eldgos braust út í Geld-
ingadölum á Reykjanesi í fyrra segir
hann að umræða hafi komist á flug
um að skoða fleiri staði. „Það er
ákveðinn veikleiki í því að vera með
allt á sama stað, en með því að dreifa
starfseminni dreifum við líka áhætt-
unni. Eftir að gerð hefur verið brag-
arbót á raforkumálum í Eyjafirði er
Akureyri einn besti kostur sem hægt
er að hugsa sér fyrir starfsemi
gagnavers að okkar mati,“ segir
hann.
Þekking og góðar samgöngur
Þar komi nokkrir þættir til sem
skipti sköpum, auk þess sem afhend-
ingaröryggi raforku er fyrir hendi nú
er fyrir á svæðinu þekking sem nauð-
synleg er og þá eru samgöngur góð-
ar, gott innanlandsflug og innan tíðar
bætist flug til útlanda við. „Það eru
líka til staðar fyrirtæki sem geta veitt
okkur þjónustu við reksturinn og við-
hald á tæknibúnaði okkar,“ bætir
hann við. Fyrirtækið mun bæði veita
erlendum og innlendum viðskiptavin-
um þjónustu frá gagnaverinu á Akur-
eyri. Vistun og vinnsla gagna fer
fram á nokkrum stöðum, aðgengi að
tengingum úr landi verður betra.
Eyjólfur segir að hafist verði
handa við framkvæmdir í byrjun
sumars og gert ráð fyrir að hægt
verði að taka gagnaverið í notkun ein-
hvern tíma á fyrsta ársfjórðungi
næsta árs. „Við höfum undirbúið mál-
ið vel og það tekur ekki langan tíma
að reisa byggingarnar,“ segir hann.
Kostnaður við fyrsta áfanga verksins
nemur á bilinu tveimur til þremur
milljörðum króna og gert er ráð fyrir
að um 15 starfsmenn verði við gagna-
verið til að byrja með.
Ásthildur Sturludóttir bæjarstjóri
fagnar þeirri uppbyggingu sem fyrir-
tækið atNorth er að hefja á Akureyri
og segir hana styrkja atvinnulífið á
svæðinu. „Þetta verkefni rímar vel
við nýlegar innviðaframkvæmdir á
Norðausturlandi sem tryggja raf-
orkuflutning inn á svæðið. Aukið ör-
yggi í flutningi raforku inn á Eyja-
fjarðarsvæðið gerir uppbyggingu af
þessu tagi mögulega með öllum þeim
jákvæðu samfélagsáhrifum sem
fylgja,“ segir Ásthildur.
Samkomulag Eyjólfur og Ásthildur
takast í hendur eftir undirritunina.
Gagnaverið skap-
ar um 15 störf
- Í notkun á fyrri
hluta næsta árs
Morgunblaðið/Margrét Þóra
Ánægjuábyrgð
Bindur lykt hratt
Klumpast vel
Rykast ekki
Fiskislóð • Bíldshöfði • Smáratorg • Helluhraun • Baldursnes
www.gaeludyr.is