Morgunblaðið - 07.04.2022, Blaðsíða 43

MORGUNBLAÐIÐ FIMMTUDAGUR 7. APRÍL 2022
Rósa Margrét Tryggvadóttir
rosa@mbl.is
Nýtt hlaðvarp frá fyrrverandi
fréttakonunum og vinkonunum
Þórhildi Þorkelsdóttur og Nadine
Guðrúnu Yaghi hefur sannarlega
vakið mikla athygli síðan það fór í
loftið á dögunum en hlaðvarpið,
sem ber nafnið Eftirmál, er nú í
efsta sæti íslenska hlaðvarpslist-
ans. Þar rifja þær upp áhugaverð
fréttamál sem eiga það sameigin-
legt að sitja í þeim vinkonunum.
„Við ræðum málin okkar á milli
eins og vinkonur gera, rifjum upp
eldri fréttir og fléttum það saman
við viðtöl þar sem við reynum að
komast að einhverju nýju. Málin
sem við tökum fyrir eiga það sam-
eiginlegt að þar leynast alltaf
mjög góðar sögur sem hægt er að
ræða fram og til baka,“ segja þær
Nadine og Þórhildur um hlaðvarp-
ið en þær segjast fá góða útrás
fyrir forvitnina og fréttafíknina
með því að halda úti hlaðvarpi.
„Fréttir eru stærsta áhugamál
okkar beggja og þá sérstaklega
mannlega hliðin á þeim. Svo lang-
aði okkur mikið til að prófa að
gera íslenskt hlaðvarp þar sem
væri meiri áhersla lögð á pró-
dúksjón, hljóð og atmó en gengur
og gerist,“ segja þær en þær eru
mjög ánægðar með útkomuna og
frábæru viðtökurnar á Eftir-
málum. Þær hafa þegar gefið út
tvo þætti. Fyrsti þátturinn fjallaði
um fjárkúgunarmál systranna
Hlínar Einarsdóttur og Malínar
Brand frá 2015 og fengu þær Sig-
mund Davíð Gunnlaugsson til að
tjá sig um málið í þættinum. Nýj-
asti þátturinn fjallar svo um hvarf
rafmyntadrottningarinnar Ruju
Ignatovu.
Blaðamaður fékk Þórhildi og
Nadine til að deila nokkrum af
sínum uppáhaldshlaðvörpum sem
þær mæla með en fréttaáhugi
þeirra skín í
gegn í meðmæl-
unum.
The Missing
Crypto Queen:
„Spennandi og
áhugaverðir
þættir frá BBC
um hvarf rafmyntadrottning-
arinnar Ruju Ignatovu. Við fjöll-
um einmitt um þetta mál í Eftir-
málum þar sem Ásdís Rán
Gunnarsdóttir segir okkur söguna
af hvarfinu frá fyrstu hendi, en
Ruja var hennar besta vinkona og
viðskiptafélagi.“
Hismið:
„Alltaf gaman
að hlusta á fé-
lagana í Hisminu
kryfja sam-
félagsmálin og
grína. Þeir eru
Gísli Marteinn
hlaðvarpsheimsins.“
The Daily
„Það ættu allir að hlusta á The
Daily, jafnvel þeir sem hafa engan
áhuga á fréttum. Þetta eru tutt-
ugu mínútna
þættir frá New
York Times þar
sem farið er yfir
stærstu frétta-
mál samtímans á
mannamáli. Þeg-
ar upplýsingaflæðið er yfirþyrm-
andi er þessi þáttur það eina sem
maður þarf.“
American Scandal
„Skemmtilegir
þættir um at-
burðarásina sem
fer í gang þegar
skandall kemur
upp á yfirborðið
og hvaða afleið-
ingar það getur
haft. Mjög áhugaverðar sögur sem
margar eru lyginni líkastar. Svo
má mæla með flestu úr smiðju
Wondery.“
Criminal
„Frábærir
þættir sem
fjalla um
óvenjulega
vinkla á alls
konar saka-
málum og rætt
við fólk sem
kemur að málunum með einum
eða öðrum hætti. Þættirnir eru
stuttir og vel pródúseraðir. Full-
komnir í góðan göngutúr.“
Seðja forvitnina og fréttafíknina með hlaðvörpum
Glænýja hlaðvarpið Eftirmál hefur rutt sér til rúms
á Íslandi og situr nú í fyrsta sæti á hlaðvarpsveitum
hér á landi. K100 fékk þær Nadine Guðrúnu og Þór-
hildi Þorkelsdóttur, konurnar á bak við hlaðvarpið,
til að mæla með nokkrum af sínum uppáhalds-
hlaðvörpum.
Fimm áhugaverð hlaðvörp frá Þórhildi og Nadine í Eftirmálum
Nadine Guð-
rún Yaghi og
Þórhildur
Þorkelsdóttir,
stjórnendur
Eftirmála.
Rósa Margrét Tryggvadóttir
rosa@mbl.is
„Ég er svona að reyna að skilja þetta ennþá. En það er
góð tilfinning,“ sagði Dísella Lárusdóttir sópran-
söngkona og Grammy-verðlaunahafi spurð út í tilfinn-
inguna sem fylgdi því að vinna til Grammy-verðlauna á
dögunum.
Eins og alþjóð veit hlaut Dísella verðlaunin fyrir
bestu óperuupptökuna í óperu Philips Glass, Akhnaten,
á Grammy-verðlaunahátíðinni í Las Vegas á sunnudag.
Þau Eva Ruza og Yngvi Eysteins heyrðu í Dísellu
hljóðið á þriðjudag í Síðdegisþættinum en þá sagðist
hún enn varla vera búin að ná að sofa eftir verðlauna-
afhendinguna en hún lýsti hátíðinni ítarlega í þættinum.
„Ég er svo þreytt því þetta var eiginlega bara í gær
fyrir mig. Ég er ekki ennþá búin að sofa,“ sagði söng-
konan hlæjandi en hún sagðist ekki hafa búist við að
geta tekið Grammy-verðlaunin heim.
„Ég var einhvern veginn ekki búin að spá í það. Ég
var meira að hafa áhyggjur af því að púsla saman að
systir mín væri að passa og að segja bless við börnin,
að barnið er ennþá á brjósti og hvernig þetta yrði,“
sagði Dísella, sem á þrjú börn, en yngsta barnið er fætt
2020.
„Ég náði að redda kjólnum og svo komum við þarna
út og þá hitti ég kollega mína og þeir, náttúrlega barn-
lausir báðir, voru búnir að hugsa þetta miklu betur út,“
sagði Dísella en kollegar hennar, Anthony Roth Cost-
anzo og Zachary James, fóru strax að ræða um hvað
þau ætluðu að segja ef þau ynnu.
Dísella lýsti þrúgandi tilfinningunni þegar hún fór
upp á svið ásamt kollegum sínum en þeim hafði verið
tilkynnt að vinningshafar fengju aðeins 45 sekúndur til
að þakka fyrir sig, sem var nokkuð yfirþyrmandi.
Þorði ekki að segja nafnið
„Við bara horfum á klukkuna fyrir framan okkur og
maður er að átta sig á því að nafnið manns hafi verið
kallað – eða reyndar ekki, hann þorði ekki að segja
nafnið mitt,“ lýsti Dísella og átti við kynninn á verð-
laununum, grínistann Trevor Noah.
„Hann var ekki mjög mikið inni í óperu og þorði ekki
að bera fram nafnið mitt þannig að hann endaði á því,
eftir þessi þrjú nöfn, þegar bara mitt nafn var eftir, að
segja bara: „soloist“ (einsöngvari),“ sagði hún.
Dísella og kollegar hennar fengu verðlaunin afhent á
fyrri Grammy-hátíðinni, en henni er í raun skipt í tvo
hluta. Sjónvarpsútsending er aðeins frá seinni hátíðinni,
sem Dísella fór á í kjölfar þeirrar fyrri, en hún sagði að
dagskráin hefði verið mjög stíf en hún var mætt á
rauða dregilinn um hádegið.
„Við fengum okkar verðlaun klukkan 15.30 sirka. Þá
vorum við tekin baksviðs í einhverjum golfbíl og fórum
að tala við alls konar fjölmiðla og í myndatökur og eitt-
hvert brjálæði. Svo förum við beint á rauða dregilinn
fyrir hina hátíðina, sem byrjaði síðan klukkan fimm,“
sagði Dísella, sem sagðist hafa skemmt sér ótrúlega vel
á hátíðinni að sjá allar stórstjörnurnar og atriðin.
„Þetta er svo mikið „show“ og svo ferlega skemmti-
legt,“ sagði Dísella en bætti við að einu hefði þó verið
ábótavant á hátíðinni.
„Á þessum átta og hálfum klukkutíma hefði ég alveg
viljað fá eitthvað að borða og drekka en það var ekki í
boði. Þetta var bara brjáluð vinna,“ sagði Dísella, sem
hafði hugsað sér að skipta um kjól fyrir seinni hátíðina
en fann engan tíma til þess.
„Það var ekki í boði. Ég gat ekki einu sinni fengið
mér kaffisopa,“ sagði Dísella, sem hlakkaði mjög til að
fara að sofa eftir allan hasarinn.
Verðlaun en enginn kaffisopi
Dísella Lárusdóttir er full þakklætis eftir
að hún tók við Grammy-verðlaununum
um síðustu helgi en hún lýsti upplifun
sinni af verðlaunahátíðinni, sem hún seg-
ir að hafi verið ferlega skemmtileg þó að
hún hafi hvorki fengið vott né þurrt í yfir
átta tíma, í Síðdegisþættinum.
AFP
Verðskuldað Dísella var glæsileg í íslenskri hönnun á
Grammy-verðlaunahátíðinni en hún tók við verðlaun-
unum ásamt kollegum sínum Constanzo og James.
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Glæsileg borðstofuhúsgögnum
frá CASÖ í Danmörku
DELSON 3.0
St. 41-47,5 / 14.995 kr.
withAir-Cooled
Memory Foam
KRINGLAN - SMÁRALIND - SKÓR.IS
MEÐ MEMORY FOAM INNLEGGI OG TEYGJUREIMUM
HERRA STRIGASKÓR
SKECHERS
SMÁRALIND - KRINGL