Morgunblaðið - 05.05.2022, Page 28

28
MORGUNBLAÐIÐ FIMMTUDAGUR 5. MAÍ 2022
2022 SVEITARSTJÓRNARKOSNINGAR
Morgunblaðið/Brynjólfur Löve
Vestmannaeyjar
Vestmannaeyjar eru afmarkaðasta
sveitarfélag landsins og um margt sér á báti.
DAGMÁL
Andrés Magnússon
Stefán Einar Stefánsson
Ómar Garðarsson hefur verið blaða-
maður í Eyjum um áratugaskeið og
þekkir vel til stjórnmála og bæjar-
mála í Vestmannaeyjabæ. Hann seg-
ir að engum blöðum sé um það að
fletta að aðdragandi sveitarstjórnar-
kosninga árið 2018 sitji mjög í mönn-
um og hafi enn veruleg áhrif á
bæjarstjórnarpólitíkina.
Þar vísar hann til þess þegar Íris
Róbertsdóttir, sem verið hafði bæj-
arfulltrúi Sjálfstæðisflokksins, efndi
til klofningsframboðs undir merkj-
um H-listans (Fyrir Heimaey) vegna
ágreinings við Elliða Vignisson, þá-
verandi bæjarstjóra og oddvita, um
uppstillingu á lista sjálfstæðis-
manna. Svo fór að H-listinn felldi
meirihluta Sjálfstæðisflokksins afar
naumlega, en Vestmannaeyjar höfðu
verið mikið vígi flokksins um ára-
tugaskeið. Íris myndaði svo meiri-
hluta með E-lista félagshyggjuafla
og var ráðin bæjarstjóri.
„Þarna mynduðust sár sem ekki
eru gróin,“ segir Ómar og telur að
ákaflega stutt kosningabarátta hafi
ekki bætt úr skák, sérstaklega í ljósi
þess að eiginlegur málefna-
ágreiningur sé óverulegur. „Það er
nú hér eins og annars staðar að í
svona 90-95% tilvika er fólk bara
sammála,“ segir Ómar. „Þetta er allt
gott og gegnt fólk sem vill bænum
vel,“ segir hann og telur að þessi for-
tíð sé að þvælast óþarflega fyrir
mönnum. Hann tekur hins vegar
undir það að það hafi ekki verið til
þess að bera klæði á vopnin að Páll
Magnússon, fv. þingmaður, skyldi
hafa tekið oddvitasætið á H-
listanum nú. Það hafi rifið ofan af
gömlum sárum.
Ómar segir að samkvæmt sínum
heimildum innan E-listans sé miðað
að því að viðhalda samstarfinu við
H-listann, samstarf hans við sjálf-
stæðismenn komi vart til greina.
Það breyti einnig stöðunni, að í þess-
um kosningum verði bæjarfulltrúum
fjölgað úr sjö í níu. Hann telur lík-
legt að E-listinn nái tveimur sætum
að þessu sinni, svo baráttan milli
sjálfstæðismanna og H-listans verði
enn harðari.
Framfarasókn í Eyjum
Ómar segir bæjarmálin stýrast
mikið af efnahagslegum uppgangi,
sem hafi ekki verið minni í Vest-
mannaeyjum en annars staðar á
landinu. Þar hafi mikið áunnist og
miklir sóknarmöguleikar eftir. Heilt
yfir sé staðan góð og salan á hlut
bæjarins í Hitaveitu Suðurnesja hafi
reynst grunnurinn að góðri stöðu
bæjarsjóðs, sem hafi haldist síðan.
„Hér er margt í mjög góðu lagi.“
Ferðaþjónusta í Eyjum er ekki ný
af nálinni, en hún hefur vaxið hröð-
um skrefum undanfarin ár. Vandinn
sé sá að margir ferðamenn komi að-
eins dagpart en æskilegt væri að
þeir stöldruðu við. Til þess kunni þó
að vanta aukið fyrsta flokks gisti-
rými. Ekki þurfi þó síður að huga að
samgöngum, flugið sé ekki svipur
hjá sjón og ferjusiglingar ótryggar
að vetri til. Fyrir vikið sé heilsárs-
ferðaþjónusta ekki raunhæf, en úr
því megi og eigi að bæta.
Ómar telur að flest slík vandkvæði
séu auðleyst, en að mörgu sé að
hyggja, einkum innviðauppbygg-
ingu. Aðdráttarafl Vestmannaeyja
sé mikið, Eyjarnar hafi margt að
bjóða, sérstaklega barnafólki. „Hér
er gott og gaman að búa.“
„Hér er gott og gaman að búa“
- Ómar Garðarsson blaðamaður fer yfir stöðuna í Eyjum - Pólitíkin upptekin af kosningunum 2018
- Góð staða í bæjarlífinu og nóg af sóknarfærum - Samgöngumálin með brýnustu úrlausnarefnum
Morgunblaðið/Brynjólfur Löve
Pressan Ómar Garðarsson, blaðamaður til áratuga, fór yfir ástand og
horfur í Vestmannaeyjum í Kosningahlaðvarpi Dagmála, sem er birt í dag.
B
irt
m
e
ð
fyrirv
a
ra
u
m
m
yn
d
-
o
g
te
xta
b
re
n
g
l.
Porsche á Íslandi | Krókhálsi 9 | 110 Reykjavík | S: 590 2000 | porsche.is | Opið virka daga frá 9:00 til 18:00 og laugardaga frá 12:00 til 16:00