Morgunblaðið - 26.05.2022, Side 16

16 FRÉTTIR
Innlent
MORGUNBLAÐIÐ FIMMTUDAGUR 26. MAÍ 2022
Í þessum mánuði hefur verið gengið
frá ráðningu þriggja presta í störf
hjá þjóðkirkjunni og Landspítala
Valnefnd kaus sr. Pétur Ragnhild-
arson til að vera
prestur í Breið-
holtsprestakalli,
Reykjavíkur-
prófastsdæmi
eystra. Sr. Pétur
fæddist 1993 og
útskrifaðist með
embættispróf í
guðfræði árið
2019. Hann á að
baki langan feril í
barna- og ung-
lingastarfi. Sr. Pétur vígðist 1. mars
2020 sem prestur og æskulýðs-
fulltrúi við Fella- og Hólakirkju og
Guðríðarkirkju.
Valnefnd kaus Bryndísi Böðv-
arsdóttur guðfræðing til að vera
prestur í Austfjarðaprestakalli,
Austurlandsprófastsdæmi.
Bryndís fæddist 1972 á Akureyri
og ólst þar upp. Hún hóf fyrst
djáknanám en skipti svo yfir í
guðfræðinám og lauk BA-prófi árið
2011 og prófi frá guðfræði- og trúar-
bragðafræðideild HÍ 2019. Eftir að
prófum lauk hefur hún starfað sem
kirkjuvörður og meðhjálpari við
Lágafellssókn. Bryndís á þrjú börn.
Landspítali auglýsti fyrir nokkru
laust starf sjúkrahúsprests eða
sjúkrahúsdjákna við spítalann.
Hjördís Perla Rafnsdóttir guð-
fræðingur var ráðin til starfans.
Hjördís Perla fæddist 1986 og ólst
upp í Kópavogi. Hún tók BA-próf í
guðfræði frá Háskóla Íslands 2011
og BA-próf í sálfræði frá Háskól-
anum á Akureyri 2017. Mag. theol.-
prófi lauk hún frá Háskóla Íslands
2021. Hjördís Perla bjó í útlöndum í
átta ár, 2011-2019, ásamt eiginmanni
sínum, Kára Árnasyni, en hann var
atvinnumaður í fótbolta í Skotlandi,
Englandi, Svíþjóð, Kýpur og á Tyrk-
landi. Þau eiga tvö börn.
Þá hefur biskup Íslands auglýst
eftir presti til þjónustu í Selja-
prestakalli, Reykjavíkurprófasts-
dæmi eystra. Umsóknarfrestur er til
7. júní nk. sisi@mbl.is
Þrjú voru ráðin
til prestsstarfa
Bryndís
Böðvarsdóttir
Pétur
Ragnhildarson
Hjördís Perla
Rafnsdóttir
Höskuldur Daði Magnússon
hdm@mbl.is
„Við höfum ekki haft þvottaplan
fyrir íbúa og ferðamenn í fjölda ára.
Þetta er það sem okkur vantar,“
segir Haraldur Birgir Haraldsson,
skipulags- og byggingarfulltrúi
Rangárþings ytra.
Malasíski athafnamaðurinn Loo
Eng Wah heldur áfram stórhuga
áformum sínum
um uppbyggingu
við Hellu. Nú
hefur hann gert
samning við
Skeljung og Löð-
ur um byggingu
bensín- og
þvottastöðvar í
nágrenni við bæ-
inn. Stöðin verð-
ur á Faxaflötum
sem er rétt sunnan við Suðurlands-
veg, austan við Stracta-hótelið.
Að sögn Haraldar Birgis er verið
að leggja lokahönd á teikningar af
þessari uppbyggingu og fram-
kvæmdir gætu hafist á næstu dög-
um. Þarna verða eldsneytisstöðvar
fyrir allt að átta bíla og rafhleðslu-
stöðvar fyrir allt að fjóra bíla.
„Við lögðum mikla áherslu á að
það yrði sett upp þvottaplan fyrir
bíla og rútur,“ segir skipulagsstjór-
inn sem kveðst telja að ekki sé van-
þörf á fleiri kostum fyrir fólk á ferð-
inni til að æja. Sökum umferðar sé
farið að þrengja að aðstöðu við Olís-
stöðina á Hellu. „Það er verið að spá
komu tveggja milljóna ferðamanna
til landsins og 70-80 prósent þeirra
koma hingað. Ég veit ekki hvar er
betri stað að finna fyrir uppbygg-
ingu og hér er allt til alls fyrir þá
sem það vilja gera. Þegar nýja brú-
in verður komin yfir Ölfusána þá er
Hella orðin fyrsta stopp frá Reykja-
vík á eftir Hveragerði. Hérna eru
allar íbúðalóðir farnar og frekari
uppbygging fyrirhuguð á næst-
unni.“
Bygging bensín- og þvottastöðvar
er síður en svo eina uppbyggingin
sem Loo Eng Wah er með á teikni-
borðinu. Áform hans um ferðaþjón-
ustu við Leyni 2 og 3 í Landsveit,
sem Morgunblaðið hefur fjallað
ítarlega um síðustu ár, eru í bið-
stöðu meðan álits Skipulagsstofn-
unar er beðið. Hann hefur fengið út-
hlutaðar tvær atvinnulóðir á Hellu
og staðfesti nýverið að uppbygging
þar væri enn fyrirhuguð. Á annarri
lóðinni á að byggja 2-3 hæða hótel
við ána og þjónustumiðstöð við hina.
Skammt frá bensínstöðinni hyggst
hann svo reisa 1.000-1.200 fermetra
miðstöð þar sem gert er ráð fyrir
alls konar ferðatengdri þjónustu.
„Svo er hann að byggja sér einbýlis-
hús á Hellu og er með tvö önnur
einbýlishús í bígerð,“ segir Har-
aldur Birgir.
Loo byggir
bílaþvottastöð í
nágrenni Hellu
- Athafnamaður frá Malasíu með stór-
huga áform um uppbyggingu þjónustu
Morgunblaðið/Árni Sæberg
Hella Fjölgun ferðamanna kallar á
aukna þjónustu og það veit Loo.
Loo Eng Wah
Sigtryggur Sigtryggsson
sisi@mbl.is
Tekinn hefur verið í notkun nýr
hjólastígur á Fiskislóð á Granda, ná-
lægt Gömlu höfninni. Stígurinn er
norðvestan götunnar og nær frá
hringtorginu við Ánanaust að
Hólmaslóð. Hjólastígurinn var
hannaður af Mannviti verkfræði-
stofu og verktakinn var Klappar-
verk ehf. Fyrirtækið átti lægsta til-
boð í verkið, 49,5 milljónir króna.
Líklega hafa flestir haldið að
Reykjavíkurborg hafi borið kostnað
af hjólastígnum en svo var ekki. Það
voru Faxaflóahafnir sem buðu út
verkið og kostuðu framkvæmdina.
Faxaflóahafnir eiga og reka götur
og hjóla- og gangstíga á sínu eign-
arlandi, upplýsir Ólafur Melsted,
skipulagsfulltrúi fyrirtækisins.
Faxaflóahafnir eiga land í Örfiris-
ey, Gömlu höfninni, Sundahöfn, á
Akranesi og á Grundartanga þar
sem eru vegir og stígar. Ekki eru
vegir eða stígar í eigu hafnanna í
Borgarnesi.
Götur Faxaflóahafna í Reykjavík
spanna 12,5 kílómetra upplýsir Ólaf-
ur. Heildarlengd hjóla- og gangstíga
Faxaflóahafna í Reykjavík er 16,2
km. Fyrirtækið ber allan kostnað af
lagningu og rekstri gatna á hafnar-
landi.
Eins og gefur að skilja á Reykja-
víkurborg langstærstan hluta gatna
og stíga í höfuðborginni. En það eru
fleiri sem eiga götur í Reykjavík en
Faxaflóahafnir, þ.e. Vegagerðin.
Fjölmargir vegir innan Reykjavíkur
eru stofnvegir í skilningi vegalaga
og þar með í eigu og rekstri Vega-
gerðarinnar, svo sem Miklabraut,
Hringbraut, Kringlumýrarbraut,
Sæbraut og Reykjanesbraut.
Stofnvegir eru hluti af grunnkerfi
samgangna eins og það er skilgreint
í samgönguáætlun hverju sinni. Til
stofnvega teljast vegir sem tengja
saman byggðir landsins. Við það
vegakerfi sem þannig fæst skal
tengja þéttbýlisstaði með um það bil
100 íbúa eða fleiri. Til stofnvega telj-
ast einnig umferðarmestu vegir sem
tengja saman sveitarfélög á höfuð-
borgarsvæðinu.
Frá og með 1. janúar 2022 fluttist
veghald og þar með ábyrgð á rekstri
og viðhaldi eftirtalinna vega frá
Vegagerðinni til Reykjavíkur-
borgar: Mýrargata, Geirsgata og
Kalkofnsvegur, frá Ánanaustum að
Hörpu (Faxagötu). Stekkjarbakki,
Höfðabakki og Gullinbrú, frá
Smiðjuvegi að Hallsvegi.
Morgunblaðið/sisi
Stígur við Fiskislóð Margar verslanir og þjónustufyrirtæki eru við þessa fjölförnu götu á Grandanum.
Nýr hjólastígur tek-
inn í notkun á Granda
- Faxaflóahafnir eiga stíginn og kostuðu framkvæmdina
FÁST Í VERSLUNUM BÓKAKAFFISINS Á SELFOSSI
OG Í ÁRMÚLA 42 Í REYKJAVÍK
EINNIG Í ÖLLUM HELSTU BÓKABÚÐUM LANDSINS
Stórbrotin saga raunverulegra örlaga,
njósna, misréttis og misþyrminga sem
bitna á saklausum íslenskum sjómönnum.
Spennuþrungin saga sem legið hefur falin
í breskum leyniskjölum.
Frekjulegt símtal, maður sem
virðist horfinn. Kafbátaferð
frá Reykjavíkurhöfn. Gullleit
og glæpir í æsispennandi
íslenskri spennusögu sem fangar
lesandann.
Berlín 1938. Bernie Gunther eltir
óhugnanlegan hrotta sem drepur
bláeygar unglingsstúlkur. Glæpa-
lýður og Gestapo-hrottar, miðlar,
mæður og margslungið mannlíf
millistríðsáranna.
SUMARkiljurnar
Útgáfuhóf í Eymundsson í Austurstræti miðvikudaginn 1. júní kl. 17. Rautt, hvítt og mikil spenna!