Skólavarðan - 2021, Qupperneq 10

10 SKÓLAVARÐAN HAUST 2021
KENNARASAMBANDIÐ / Fréttir
Siðaráð
segir...
 X að nú sé endurskoðun
siðareglna langt komin, en
tillögur að nýjum siðareglum
verða lagðar fyrir 8. þing KÍ
í apríl á næsta ári. Siðaráð
telur að endurskoða þurfi
reglurnar reglulega vegna
framfara og breytinga í tækni,
hugsun og samskiptum.
 X að vert sé að benda
kennurum á núgildandi
siðareglur.
 X Siðaráð mælir með að
kennarar skoði sérstaklega og
ígrundi:
 X 6. grein: Kennari vinnur
gegn fordómum, einelti og
öðru ranglæti sem nemendur
verða fyrir.
 X 9. grein: Kennari
viðheldur starfshæfni sinni og
eykur hana.
 X 11. grein: Kennari sýnir
öðrum fulla virðingu í ræðu,
riti og framkomu.
 X 12. grein: Kennari gætir
heiðurs og hagsmuna stéttar
sinnar.
Jafnréttis-
nefnd
segir...
 X dagana 9.-12. nóvember
var haldið Jafnréttis-
stefnumót Menntavísinda-
sviðs HÍ og Jafnréttisnefndar
KÍ fyrir kennara og kennar-
anema, bæði á netinu og í
Stakkahlíð.
 X Jafnréttisstefnumót er
umræðuvettvangur kennar-
anema, starfandi kennara og
sérfræðinga á sviði kennslu
og jafnréttis um þau jafn-
réttismál sem eru í deiglunni
hverju sinni.
 X Í ár var rætt m.a. um
forréttindi, hvítleika, jaðar-
setningu í skólamenningu og
ofbeldi.
 X Ætlunin er að endurtaka
stefnumótið reglulega og
halda samtalinu þannig
lifandi.
Hanna Rún Eiríksdóttir kennari, Sigursteinn Traustason, Vilhjálmur Magnússon, forstöðumaður Vöru-
húss, Nanna Kristín Christiansen, sem hlaut verðlaun fyrir Leiðsagnarnám. Frá Aðalþingi mættu dr.
Guðrún Alda Harðardóttir, Sigurður Þór Salvarsson og Hörður Svavarsson leikskólastjóri. Gerður Kristný
skáld, Lilja D. Alfreðsdóttir, mennta- og menningarmálaráðherra, Viktor, nemi á Álftanesi, Sigurður Ingi
Jóhannsson, samgöngu- og sveitarstjórnarráðherra og Guðni Th. Jóhannesson, forseti lýðveldisins.
Íslensku menntaverðlaunin 2021
Verðlaun veitt fyrir fram-
úrskarandi störf í skólum
Íslensku menntaverðlaunin voru afhent á
Bessastöðum 9. nóvember síðastliðinn. Upptaka
af viðburðinum var sýnd á RÚV daginn eftir.
Verðlaunin voru nú veitt í annað sinn eftir
að þau voru endurreist í núverandi mynd. Veitt
voru verðlaun í fjórum flokkum.
Framúrskarandi skólastarf
Verðlaun fyrir framúrskarandi
skólastarf eða mennta-
umbætur komu í hlut
Leikskólans Aðalþings í
Kópavogi. Þar fer fram
leikskólastarf sem vakið
hefur athygli langt út fyrir
landsteinana fyrir framsækni,
sköpun og lýðræðisáherslur.
Aðrir sem voru
tilnefndir í þessum flokki voru
Frístundamiðstöðin Tjörnin og
Tónlistarskóli Grindavíkur.
Framúrskarandi kennari
Hanna Rún Eiríksdóttir er framúrskarandi
kennari árið 2021. Hún kennir við Klettaskóla
í Reykjavík. Í störfum sínum hefur hún lagt
sérstaka áherslu á möguleika fatlaðra barna til
tjáningar og samskipta.
Aðrir sem voru tilnefndir í þessum flokki
voru Anna Gréta Guðmundsdóttir, Garðar
Geirfinnsson, Heiðrún Hámundar og Hilmar
Friðjónsson.
Framúrskarandi þróunarverkefni
Verkefnið Leiðsagnarnám, sem hófst undir
forystu Nönnu Kristínar Christiansen, á vegum
Skóla- og frístundasviðs Reykjavíkurborgar
hlaut verðlaun sem framúrskarandi skólaþró-
unarverkefni. Sérstaklega þykir hafa tekist
vel til að virkja ólíka aðila skólasamfélagsins
í þeim tilgangi að valdefla nemendur
og auka ábyrgð þeirra á eigin
námi.
Eitt annað verkefni
var tilnefnt í þessum
flokki var Austur Vestur:
Sköpunarsmiðjur.
Að auki voru
Hvatningarverðlaun
Íslensku
menntaverð-
launanna
veitt án tilnefningar. Að þessu
sinni komu þau í hlut Vöruhúss, miðstöðvar
skapandi greina, á Höfn í Hornafirði. Vöruhús
er samfélagsmiðstöð sem þykir framúrskarandi
í að brúa bilin á milli formlegrar menntunar
og óformlegrar; lista og tækni. Þar geta ungir
og aldnir komið saman og sinnt skapandi starfi
við bestu aðstæður. Vilhjálmur Magnússon,
forstöðumaður Vöruhússins, tók við verð-
laununum.
Íslensku menntaverðlaunin voru endur-
vakin á síðasta ári. Þá höfðu þau ekki verið veitt
síðan árið 2005.