Skólavarðan - 2021, Blaðsíða 32

32 SKÓLAVARÐAN HAUST 2021
RANNSÓKNIR / Tónlistarnám
Tónlistarnám
Breytingar
á tónlistar-
kennslu í
tengslum við
COVID-19
I ngunn Jónsdóttir (MA)
og Karen Karólínudóttir
(MPH), hlutu styrk úr
Rannsóknasjóði Kennara-
sambands Íslands til að
skoða hvernig tónlistar-
kennsla í samkomubanni var færð yfir í
fjarkennslu og reynslu tónlistarkennara
af þeim breytingum. Einnig söfnuðu
þær upplýsingum um hvaða leiðir tón-
listarkennarar telja æskilegar og hvað
beri að forðast við skipulag fjarkennslu
ef svipað ástand skapast aftur í íslensku
samfélagi. Enn fremur könnuðu þær
líðan tónlistarkennara á þessum tíma.
Spurningalisti var sendur til allra
tónlistarkennara á landinu.
Þegar samkomubann tók gildi á
vorönn 2020 þurftu tónlistarkennarar
fyrirvaralaust að finna leiðir til að kom-
ast í samband við nemendur í gegnum
fjarkennslubúnað.
Fjölbreyttum úrræðum beitt til að
ná til nemenda
Ingunn var spurð hvað hefði komið
henni mest á óvart: „Það var hversu
fjölbreyttum úrræðum tónlistar-
kennarar beittu til að ná til nemenda í
samkomubanninu. Langflestir kenndu
í gegnum fjarkennslubúnað þar sem
hljóðið var bjagað og ekki var lengur
hægt að spila/syngja með nemendum.
Einnig notuðu tónlistarkennarar ýmiss
konar smáforrit, gerðu svæði á netinu
með aðgengilegu efni fyrir nemendur,
sendu upptöku af leik sínum og létu
nemendur gera upptöku af sínum leik,
sendu nemendum hlustunarlista og
lögðu verkefni fyrir í gegnum tölvupóst.
82% þátttakenda rannsóknarinnar
mátu það sem svo að þeir hefðu
verið öruggir í þessum aðstæðum þrátt
fyrir að hafa þurft að tileinka sér nýja
kennsluhætti með engum fyrirvara.“
Niðurstöður rannsóknarinnar
sýndu að langflestir tónlistarkennarar
þurftu sjálfir að útvega búnaðinn sem
þeir notuðu og fór kennslan í flestum
tilfellum fram á heimilum þeirra.
Flestir þátttakendur rannsóknar-
innar notuðust við Facetime, Messen-
ger, Skype og Zoom. Ekki má ráða af
niðurstöðunum að einn búnaður hafi
reynst betur en annar. Þátttakendur
voru almennt neikvæðari þegar þeir
mátu hljóðgæði en myndgæði en meira
en helmingur þeirra mat hljóðgæði
slæm eða mjög slæm. Helstu erfiðleikar
við fjarkennsluna fólust í því að hljóð
barst seint og erfitt eða ómögulegt
var að spila og syngja með nemend-
um. Einnig var flóknara að leiðrétta
líkamsstöðu og leiðbeina nemendum
Kennarar voru
almennt ánægðir
með hvernig til tókst
en þeim leið ekki vel
og upplifðu þreytu og
líkamleg einkenni í
meira mæli en í hefð-
bundinni kennslu.
Námskrár-
spjall FT
Á vormánuðum hóf Fagráð FT
rafrænt Námskrárspjall í tengslum
við fyrirhugaða endurskoðun
aðalnámskrár tónlistarskóla. Félagið
heldur áfram að þrýsta á mennta-
málaráðuneytið um að verkáætlun
um endurskoðun aðalnámskrár
tónlistarskóla, áætlun sem byrjað
var að smíða á haustönn 2019, verði
kláruð og vinnu við endurskoðunina
verði komið í farveg hið fyrsta og
tekin föstum tökum.
Í því brýna verkefni blasir við
að nú sem fyrr muni ráðuneytið
stóla á stéttina, sérfræðingana í
faginu. Það er því mikilvægt að
halda áfram að þróa og þroska um-
ræðuna svo fulltrúar Félags kennara
og stjórnenda í tónlistarskólum,
þeir sem mögulega munu veljast til
verka, séu vel inni í málum og byggi
umboð sitt á breiðum grunni.
Með Námskrárspjallinu skapast
vettvangur þar sem félagsmenn
dýpka fagumræðuna og rækta
þannig fagmennskuna í stéttinni.
Yfirskrift fundanna hefur verið;
tónlistarnám í nútíð og framtíð,
meginmarkmið tónlistarskóla,
námskrárfræði – hvert erum við
að stefna með nýrri aðalnámskrá?
og námsmatsfræði – hvert stefnir?
Ýmsir fræðimenn, tónlistarskóla-
kennarar og skólastjórar hafa
haldið erindi og félagsmenn hafa
svo getað varpað fram spurningum
að erindum loknum. Skapast hafa
málefnalegar umræður.
Sex fundir hafa verið skipulagð-
ir fram í janúar á næsta ári og má
finna samantektir og kynningar
fyrir hvern fund fyrir sig á vefsíðu
Kennarasambands Íslands, undir
Félagi kennara og stjórnenda í tón-
listarskólum.