Skólavarðan - 2021, Blaðsíða 13

HAUST 2021 SKÓLAVARÐAN 13
Símenntun / KENNARINN
Næst á dagskrá var
skólaheimsókn í Árskóla. Eins
og alltaf gátum við skoðað mjög
fjölbreytta kennslu, allt eftir okkar
áhuga. Að þessu sinni áttum við
að nálgast heimsóknina með því
hugarfari að við værum geimverur
sem vissum ekkert um skóla og
skólastarf, sem var mjög áhuga-
vert.
Að skólaheimsókninni
lokinni fórum við aftur í íþrótta-
húsið til Leticiu og Meenu og
fórum í verkefnavinnu þar sem við
áttum að hanna framtíðina. Þetta
verkefni var einstaklega áhugavert
þar sem við áttum að fjarlægja
einhvern þátt skólakerfisins eins
og við þekkjum það núna. Þannig
gátum við fjarlægt frímínútur,
skólanámskrána, einkunnir,
skólastjórnendur, skólahúsnæðið
og meira að segja okkur kennar-
ana. Við áttum að kanna hvaða
afleiðingar, bæði góðar og slæmar,
það gæti haft í för með sér. Gaman
var að sjá hve ólíkt hóparnir unnu
með þetta og hvaða hugmyndir við
höfðum um afleiðingar og orsakir
þess að taka út hlekki sem við
teljum mikilvæga.
Eftir hádegi var ég með
Breakout EDU vinnustofu og fékk
til mín 24 snillinga víðs vegar að
af landinu. Krafturinn í hópnum
var einstakur sem sást helst á
hve margir báðu um aðgang í
Facebook-hópinn Breakout EDU
Ísland að námskeiði loknu en
fyrir áhugasama má einnig benda
á síðuna bit.ly/Breakout_Island
sem ég, Nanna María Elfarsdóttir,
kennari í Brekkubæjarskóla
á Akranesi, og Ingvi Hrannar
Ómarsson höldum utan um. Á
síðunni má finna Breakout EDU
leiki á íslensku.
Föstudagskvöldið er svo
aðalkvöldið þegar við komum
saman, borðum góðan mat og
njótum samverunnar. Ættar-
mótsstemningin hélt áfram og
spurningin hverra manna ert þú
varð skemmtilegur samkvæm-
isleikur. Fljótlega var fólk farið
að rekja saman ættir sínar, komst
óvænt að vinskap foreldra sinna
eða kynntist ættingja samstarfsfé-
laga. Myndabásinn var allsráðandi
og gamlir og nýir vinir festu
sig saman á filmu. Gleðin hélt
áfram fram á nótt hjá sumum þar
sem sungið var undir gítarspili,
einhverjir fóru að leggja sig en ég
fór ásamt nokkrum öðrum og naut
sýningarinnar sem himingeimur-
inn bauð upp á.
Laugardagurinn 6. nóvember 
Komið var að síðasta degi
ráðstefnunnar og við trúðum
því vart hve tíminn leið hratt.
Dagskráin hófst klukkan níu með
ígrundun á því sem á undan hafði
gengið. Þá var komið að mennta-
búðum og eins og venjulega var
hlaðborðið stórt og fjölbreyttar
kynningar í boði. Ég hafði hugsað
mér að koma víða við en festist
svo hreinlega í hláturjóga hjá
Eddu Björnsdóttur, kennara
í Melaskóla. Nokkur stund af
hlátrasköllum leiddi til nýrra
samtala og vináttu, fyrir utan það
hvað allt var fyndið það sem eftir
lifði dags!
Menntahraðstefnumótið tók
svo við. Það sem þar var kynnt
kveikti marga neista eins og
glöggt má sjá ef #menntaspjall
á Twitter er skoðað. Þar fengu
kynnendur 2 mínútur til að
kynna eitthvað sniðugt sem þeir
nýta sér í kennslu. Þar var t.d.
verið að kenna að spila á gítar,
hvernig skoða má hvað og hvernig
nemendur hafa áhuga á að læra,
stemningsspjöld þar sem nem-
endur fá myndræna rödd, fjallað
um Minecraft, kökugerð með
QR-kóðum og fleira og fleira.
Donnie Piercey tók svo við
en hann talaði um hvernig við
ættum ekki að láta tækifæri okkar
með nemendur renna úr greipum
okkar. Það var gaman að heyra
hann segja okkur frá því hvernig
hann hefur tekið hugmyndir
nemenda sem eru í 5. bekk og
framkvæmt þær, til dæmis með að
uppfæra myndir á google maps.
Rödd nemenda er nefnilega svo
dýrmæt og gaman að heyra hvað
þau eru hugmyndarík og frjó.
Að lokum var komið að
seinni vinnustofunni. Ég sótti
vinnustofu Meenu og Leticiu þar
sem þær fjölluðu um að hanna
snjallari framtíð með gervigreind
(AI - Artificial intelligence). Á
vinnustofunni ögruðum við Siri
og skoðuðum hvaða spurningum
henni hefði verið kennt að svara
og hverju hún gæti ekki svarað.
Í framhaldi af því skoðuðum við
hvernig vélmenna-aðstoðarmann
við myndum vilja ef hann byðist
okkur. Mjög góðar og snjallar
umræður spruttu um það,
sérstaklega þegar við veltum fyrir
okkur hvort vélmennið ætti að
vera með tilfinningar eða ekki og
eins hvort það ætti að bregðast við
tilfinningum okkar eða ekki. Við
fengum svo að hanna vélmenni
fyrir einstaklinga sem þurfa á
persónulegum aðstoðarmanni að
halda. Tveir hópar fengu sömu
einstaklinga og áttu svo að deila
sínum hugmyndum á milli sín.
Í okkar tilfelli var þetta einstak-
lingur með sykursýki. Þetta var
mjög lærdómsríkt verkefni og ég
er strax farin að sjá hvernig ég
get nýtt þetta í framhaldinu og
hvernig þetta nýtist nemendum til
framtíðar.
Utís var svo slitið rétt um
15:30 og það sást að okkur fannst
tíminn hafa liðið of hratt og við
vorum ekki tilbúin að yfirgefa
þetta skapandi og nærandi
umhverfi. Það sem Utís gaf var
ótrúlega margt og mikið, hausinn
er að springa úr hugmyndum og
þakklæti fyrir að hafa verið hluti af
Utís 2021 fjölskyldunni.
Ef þú ert forvitin/n um
ferðasögur fleiri Utís-fara hvet
ég þig til að skoða #utis2021 og
#menntaspjall á Twitter, helst
með popp og drykk að eigin vali
ásamt því að hafa skriffæri og
bréfsefni við höndina.
Að þessu sinni
áttum við að nálg-
ast heimsóknina
með því hugarfari
að við værum
geimverur sem
vissum ekkert um
skóla og skóla-
starf sem var
mjög áhugavert.
Hvað er Utís?
Utís er einstakur menntaviðburður sem er haldinn á Sauðárkróki
annað hvert ár.
Utís vinnustofur eru á oddatöluárum (2019, 2021, 2023...) og
Utís Online á slétttöluárum (2020, 2022, 2024...)
Á vefsíðu Utís segir að viðburðurinn sé tækifæri fyrir „okkar
fremsta skólafólk að ræða og starfa saman í næði og deila því
besta sem er að gerast í íslensku skólakerfi“.
Ingvi Hrannar Ómarsson, kennari, frumkvöðull og stofnandi UTÍS á spjalli
við þátttakanda. Ingvi Hrannar og Utís hópurinn fengu hvatningarverðlaun
Íslensku menntaverðlaunanna í fyrra. MYND DAVÍÐ MÁR SIGURÐSSON