Skólavarðan - 2021, Blaðsíða 34

34 SKÓLAVARÐAN HAUST 2021
SKÓLINN / Náttúra
Á hugaverðu
verk efni var
hleypt af
stokkunum í
Víkurskóla í
Vík í Mýr-
dal í byrjun þessa árs. Skólinn hóf
rannsóknarverkefni fyrir nemendur,
í samstarfi við Kötlu jarðvang og
Kötlusetur í Vík, sem gengur út á að
rannsaka strandlínu- og fjörubreytingar
í Víkurfjöru næstu árin. Verkefnið felur
í sér að nemendur í 5.-10. bekk mæla
upp sex snið í Víkurfjöru ásamt því að
mæla kornastærðirnar á sandinum þar
og taka ljósmyndir af formgerðunum
í fjörunni. Yngstu nemendur skólans í
1.-4. bekk munu síðan stunda sjálfstæð-
ar rannsóknir á sandinum í Víkurfjöru,
dýralífinu sem þar er að finna og
rannsaka rusl sem skolast þar á land.
Samstarf af þessu tagi er líklegt
til að gefa verkefnum og skólastarfi
aukna dýpt enda tengist skólinn fleiri
sérfræðingum sem verja tíma með
nemendum, en það eykur víðsýni.
Skólavarðan tók hús á Víkurskóla
í upphafi sumars og hitti fyrir þau
Kolbrúnu Hjörleifsdóttur, kennara og
verkefnastjóra GEO-skóla Víkurskóla,
og Jóhannes Martein Jóhannesson,
jarðfræðing hjá Kötlu jarðvangi. Þau
leiða verkefnið en flestallir starfsmenn
koma að verkefninu með einum eða
öðrum hætti sem og allir nemendur
Víkurskóla.
 X Hvernig gekk að móta samstarfið?
Jóhannes Marteinn: Það gekk mjög
vel enda byggir það á gömlum grunni
um jarðvangsskólasamstarfið.
Kolbrún: Ég er sammála að þetta
gekk mjög vel enda er skólinn fámenn-
ur, boðleiðirnar stuttar og það skiptir
einnig máli að sérfræðingar hafi áhuga
á verkefninu og það verður að segjast
að Jóhannes kom eins og fullmótaður
inn í þetta og það hafa engir hnökrar
verið. Ég hef séð um Jarðvangsskólann
enda alltaf verið mjög áhugasöm um
jarðvanginn og verið virk í honum.
Ég hef haldið því á lofti að við öll sem
hér búum séum undir þessari regnhlíf
Kötlujarðvangs. Það er ekki nóg að
koma einhverju á laggirnar, það þarf
að halda því gangandi og því er gott í
svona samstarfi eins og Víkurskóli á
við Kötlu jarðvang að einhver einn sé
tengiliður.
Jóhannes Marteinn: Það er einmitt
mjög mikilvægt í slíku verkefni að hafa
tengilið sem hægt er að hafa samband
við þegar eitthvað er undir.
Kolbrún: Í verkefninu hefur
einnig skipt máli að Elín Einarsdóttir
Kolbrún Hjörleifsdóttir, kennari og verkefnastjóri GEO-skóla Víkurskóla, og Jóhannes
Marteinn Jóhannesson, jarðfræðingur hjá Kötlu jarðvangi.
Fámennið
er okkar
styrkleiki