Skólavarðan - 2021, Page 40

40 SKÓLAVARÐAN HAUST 2021
RADDIR / Nýsköpun
Evrópuverðlaunin fyrir nýsköpun í kennslu, The European
Innovative Teaching Award, voru afhent í fyrsta sinn á
Íslandi á dögunum við hátíðlega athöfn á Kjarvalsstöðum.
Dalvíkurskóli og Skóla- og frístundasvið Reykjavíkurborgar
hlutu verðlaunin að þessu sinni, en þau eru á vegum
Erasmus+, mennta- og æskulýðsáætlunar ESB. Evrópu-
samstarf gegnir veigamiklu hlutverki fyrir íslenska skóla
og sveitarfélög sem vilja þróa og prófa nýjar leiðir í námi og
kennslu í samvinnu við önnur lönd.
T ilgangur verð-
launanna er að
koma á framfæri
nýjum og
framúrskarandi
kennsluháttum,
viðurkenna starf kennara og skóla sem
tekið hafa þátt í evrópskum samstarfs-
verkefnum á undanförnum árum og
fagna afrekum þeirra einstaklinga
sem hafa staðið sig einstaklega vel við
að innleiða nýbreytni í kennslu. Þau
eru einn þáttur í stærra markmiði
Evrópusambandsins, sem kallast
Evrópskt menntasvæði og er ætlað
að efla menntun og þjálfun í löndum
Evrópu, bæði með því að auka gæði
og jafna tækifæri fólks til náms, óháð
aðstæðunum sem það kemur úr.
Dalvíkurskóli í alþjóðlegu samstarfi
Landskrifstofa Erasmus+ á Íslandi
veitti tveimur verkefnum verð-
launin í ár. Annars vegar verkefni
Dalvíkurskóla, EARLY: Education
Advancements through Robotics Labs
for Youth, en það leiddi saman skóla
og fræðslustofnanir í fimm löndum;
Íslandi, Eistlandi, Finnlandi, Ítalíu og
Póllandi. Markmið verkefnisins var
að bæta þekkingu kennara á notkun
róbóta í kennslu og þá aðallega í kóðun,
stærðfræði og öðrum vísindagreinum.
Til að ná því markmiði leituðust
þátttakendur við að rannsaka og greina
þann tækjabúnað og kennsluefni
sem var fyrir hendi, búa til kennslu-
myndbönd og setja upp sviðsmyndir í
kennslu og deila síðan þekkingu sinni
og uppgötvunum á vefsíðu sem er opin
almenningi. Að mati Landskrifstofu
er verkefni Dalvíkurskóla vel heppnað
dæmi um hvernig megi greina og miðla
nýjum kennsluháttum út á við og gera
þannig starf kennara og skóla enn
sýnilegra, öðrum til hagsbóta.
Nýjar leiðir í nálgun og kennslu
raungreina
Skóla- og frístundasvið Reykjavíkur-
borgar hlaut einnig verðlaunin fyrir
verkefnið Student Voices: revitalising
the school system. Það var Þjónustu-
miðstöð Vesturbæjar, Miðborgar og
Hlíða sem þróaði og stýrði verkefninu
fyrir hönd Reykjavíkurborgar en í því
komu saman grunn- og framhalds-
skólar frá þremur löndum; Danmörku,
Finnlandi og Íslandi. Fyrir hönd Íslands
tóku Kvennaskólinn í Reykjavík og
Landakotsskóli þátt í verkefninu, en
það miðaði að því að finna nýjar leiðir í
nálgun og kennslu raungreina með því
að koma á opnu samtali milli kennara
og nemenda og gefa nemendum þannig
rödd í eigin námi.
Er hér um að ræða ferska og
nýstárlega nálgun í kennsluháttum
með það að markmiði að þróa nýjar
náms- og kennsluaðferðir sem henta
nýrri kynslóð nemenda. Að mati
Landskrifstofu Erasmus+ er verkefnið
Rúna V.
Guðmarsdóttir,
forstöðukona
Landskrifstofu
Erasmus+ á
Íslandi
Jón Svanur
Jóhannsson,
verkefnisstjóri
skólahluta
Landskrifstofu
Erasmus+ á
Íslandi
Aðsend grein
Tvö íslensk
verðlaunaverkefni
Nemendur í
Dalvíkurskóla
vinna hér í einni
af kennsluáætl-
unum sem eru á
síðu verkefnisins,
edurobots.eu