Fréttablaðið - 20.08.2022, Síða 12

Velkomin í snarl á
MENNINGARNÓTT
OPIÐ
24/7
Austurstræti 17
Laugavegi 116
Útvarpsstöðvarnar Rás 2,
Bylgjan og X-ið verða hver um
sig með stóra tónlistardag-
skrá í tilefni Menningarnætur
sem fer fram í Reykjavík í dag.
Viðburðastjóri er bjartsýnn á
gott veður og góða aðsókn.
ninarichter@frettabladid.is
TÓNLIST Guðmundur Birgir Hall-
dórsson, viðburðastjóri Menningar-
nætur, segir að ekki sé til nákvæmt
yfirlit yfir fjölda þeirra sem taka
þátt í Menningarnótt. Sumir við-
burðir séu jafnvel ekki skráðir.
Áherslan er á smærri viðburði
fram eftir degi og fram að kvöldmat.
Eftir það fái stærri dagskrárliðir að
njóta sín.
„Auk Tónaflóðs er Bylgjan með
glæsilega dagskrá í Hljómskála-
garðinum, DJ Margeir er með karni-
val á Klapparstíg og svo er X-ið með
tónleika í Kolaportinu fyrir þá sem
vilja aðeins fara inn,“ svarar Guð-
mundur Birgir, aðspurður um helstu
hápunkta í dagskránni í kvöld.
Hvað veðurspána varðar segist
Guðmundur ekki hafa áhyggjur.
„Það er búið að ganga á ýmsu í
veðrinu,“ segir Guðmundur og hlær.
„Það verður heiðskírt og norðanátt,
rigningin verður eftir fyrir norðan.
Ég er nokkuð sáttur með spána og
það hefur sýnt sig á Menningarnótt,
að fólk lætur sig hafa það að kíkja,“
segir viðburðastjórinn.
Nýtt og stærra hljóðkerfi er
meðal þeirra breytinga sem verða
á umgjörð Tónaflóðs, stórtónleika
Rásar 2 á Arnarhóli á Menningar-
nótt þetta árið.
Tónlistarkonan Bríet kemur fram
á hápunkti tónleikanna á Arnarhóli,
en hún verður með því fyrsta kven-
kyns poppstjarnan til að koma ein
fram og loka kvöldinu, og sömu-
leiðis yngsti listamaðurinn sem
gerir það frá upphafi. n
Nákvæmt yfirlit yfir fjölda
viðburða í dag er ekki til
Tæknimenn unnu að því í gær að setja upp svið fyrir stórtónleika Rásar 2 við Arnarhól í kvöld. FRÉTTABLAÐIÐ/ERNIR
Það verður heiðskírt
og norðanátt, rigning-
in verður eftir fyrir
norðan.
Guðmundur Birgir Halldórsson,
viðburðastjóri Menningarnætur
thorgrimur@frettabladid.is
FINNLAND Sanna Marin, forsætis-
ráðherra Finnlands, tók fíkni efna-
próf í gær. Áður hafði Rikka Purra,
leiðtogi stjórn ar and stöðuf lokks,
krafist þess.
Forsætisráðherrann hef ur sætt
harðri gagn rýni eft ir birtingu mynd-
bands sem sýnir Sönnu syngja og
dansa. Niður stöður úr lyfjaprófinu
verða ljósar í næstu viku eftir því
sem fram kemur á BBC. Þá hefur
myndbandi verið dreift sem sýnir
hana dansa við ókunnugan mann.
Gagnrýnendur Sönnu segja hegð-
un hennar vera fyrir neðan virðingu
forsætisráðherra og hafa spurt hvort
hún hafi verið undir áhrifum fíkni-
efna í myndbandinu.
Marin þvertekur fyrir slíkt og
segist ekki hafa gert neitt óeðlilegt.
Hún hafi neytt áfengis. „Þessi
myndbönd eru einkalegs eðlis og
voru tekin í einkarými,“ sagði Marin.
Marin hefur áður sætt gagnrýni
fyrir það sem sagt er óhóf legt
partístand. Hún baðst afsökunar í
fyrra eftir að hún fór út á næturlífið
stuttu eftir að ráðherra í ríkisstjórn
hennar greindist með Covid. Hún
hafði misst af skilaboðum sem
ráðlögðu henni að fara í sóttkví.
„Ég á mér fjölskyldulíf, vinnulíf og
ég á frítíma sem ég ver með vinum
mínum, líkt og margt fólk á mínum
aldri,“ segir Marin, sem er 36 ára.
„Ég ætla að vera nákvæmlega sama
manneskjan og hingað til.” SJÁ SÍÐU 32
Sanna Marin óhrædd við lyfjapróf
Sanna Marin,
forsætisráð-
herra Finnlands.
12 Fréttir 20. ágúst 2022 LAUGARDAGURFRÉTTABLAÐIÐ