Sjómannablaðið Víkingur - 01.03.2010, Page 50

50 – Sjómannablaðið Víkingur
Ljósmyndakeppni
Sjómannablaðsins Víkings
Hinn 6. desember síðastliðinn kom dómnefnd Ljósmynda-
keppninnar saman í 9. sinn. Borist höfðu alls 120 mynd-
ir og fjári góðar sumar. Þeir Árni Bjarnason, forseti vor, Jón
Svavarsson ljósmyndari, sem ár eftir ár hefur höggvið á hnúta
þegar dómnefndin hefur farið í hár saman, og Jón Hjaltason
ritstjóri Víkingsins, stóðu því frammi fyrir erfi ðu verkefni
en um leið skemmtilegu. Prímus mótor keppninnar, Hilmar
Snorrason, sá um að réttum leikreglum væri fylgt.
Var svo hafi st handa, pælt og skoðað og skorið niður. Fyrst varð
að fækka í myndaúrvalinu niður í 15 ljósmyndir sem halda
síðan áfram í Norðurlandakeppnina sem fer fram í febrúar á
næsta ári. Þessir komust áfram með myndir sínar, eina eða
fl eiri; Davíð Már Sigurðsson, Guðmundur St. Valdimarsson,
Hlynur Ársælsson, Jón Kr. Friðgeirsson, Jón Páll Ásgeirsson,
Jósef Ægir Stefánsson, Valur Björn Línberg og Þorgeir Baldurs-
son.
Var þá komið að úrslitasætunum þremur. Fyrsta sætið
hreppti að þessu sinni nýliði í Ljósmyndakeppninni, Valur
Björn Línberg, 41 árs gamall háseti á Verði EA 748. Þótt hann
hafi ekki áður sent myndir í keppnina hefur hann í nokkur ár
„dundað sér“ – eins og hann segir sjálfur – við ljósmyndun.
Með ágætis árangri, segjum við dómnefndarmenn.
Í öðru sæti varð Guðmundur St. Valdimarsson, bátsmaður á
varðskipinu Ægi, sem orðinn er lesendum Víkings að góðu
kunnur og sigurvegari í keppninni í fyrra..
Í þriðja sæti varð svo Hlynur Ársælsson háseti á stærsta
fiskiskipi íslenska flotans, Kristinu EA 410.
Þremenningarnir fá um hæl senda jólabók í viðurkenningar-
skyni en verðlaunaskjal er í viðamikilli hönnun og verður
vonandi tilbúið fl jótt á nýju ári. Ritstjóri vor, sleðinn sá, átti
reyndar að vera búinn að ganga frá þeim málum. Hann lofar
bót og betran en nú verður hann líka að standa sig, annars fer
hann undir kjöl að gömlum hætti.
Viljum við svo árétta að Norðurlandakeppnin fer væntanlega
fram í febrúar (í Kaupmannahöfn) og verður spennandi að
fylgjast með okkar mönnum þar. Þökkum við svo keppendum
öllum fyrir þátttökuna og skorum á þá, sem aðra sjómenn, að
hafa augun opin og fi ngurinn á ljósmyndatakkanum því senn
rennur upp tíu ára afmæli Ljósmyndakeppninnar.
Viti. Ljósmyndari Valur Björn Línberg.