Sjómannablaðið Víkingur - 01.01.2014, Side 10

10 – Sjómannablaðið Víkingur
Hér lýkur frásögn Þórarins af
ævintýraferð 19 Íslendinga að
sækja Hvassafellið sumarið
1946. Textuðu myndirnar eru allar úr
safni Gísla J. Eyland, sonar Gísla Ey-
land skipstjóra, og hafa fæstar eða
engar birst á prenti fyrr.
Í Genúa
Þegar við komumst loks til Genúa var
farið rakleitt með okkur að stóru húsi
niður undir höfn, við stóra götu, sem
hafði heitið VIA CARLO ALBERTO í
höfuðið á einhverjum kóngi. En nú var
nýbúið að gefa henni nýtt nafn eftir að
kommúnistar náðu völdum í borginni.
Þeir létu hana heita VIA GRAMSCI í höf-
uðið á einum leiðtoga sinna. Húsið var
númer 291-293 við götuna. Þetta var
hótelið, sem við áttum að gista á um
nóttina. Það var ekki sérlega aðlaðandi,
að ekki sé meira sagt. Þó gáfum við því
ekki ýkja mikinn gaum fyrst í stað – við
vorum hvíldinni fegnastir. Þetta var 6
hæða hús með veitinga- og matsal á
neðstu hæð og hét ALBERGO TOR-
INESE. Við fengum að borða rogafullan
disk af spagetti og rauðvín með. Það var
aðalréttur hússins og borinn fram á
hverjum degi og ekkert annað. Að máltíð
lokinni fórum við upp til að ganga til
hvílu. Þá leist mér ekki á, því herbergið,
sem mér var vísað til var líkara sal en
herbergi, með mörgum rúmum og var
mitt úti á miðju gólfi. Það hefði lítið þýtt
að fara að röfla þarna um aðbúnaðinn.
Enginn okkar kunni ítölsku og yfir-
mennirnir – eða a.m.k. skipstjórinn far-
inn á annan stað. Hann bjó í herbergi
210 á hótel Astoria, einhvers staðar uppi
í borginni. Hann hefði heldur engu getað
breytt. Við fórum því að hátta hver í sitt
ból, enda slæptir og þreyttir eftir hið
langa járnbrautarferðalag frá París. Svo
bjóst maður við að þurfa ekki að vera
þarna nema kannski þessa einu nótt.
En annað kom á daginn. Þegar við
höfðum jafnað okkur daginn eftir og hitt
Sverri Þór og Ásgeir Árnason, sem verið
höfðu þarna
nokkurn tíma að
fylgjast með smíði
skipsins, kom í ljós
að henni var ekki
lokið og líða mundi
a.m.k. vika þar til
við gætum flutt um
borð. Við mundum
því þurfa að búa á
Albergo Torinese
áfram og urðum að
gera okkur það að góðu. – Það fór þá
svipað og gerðist í London, að hótelið
varð svefnstaður okkar yfir blánóttina. Á
daginn vorum við á ferðinni um borgina
og lifðum raunar kóngalífi eins og iðju-
lausir túristar á sólarströnd. Veðrið var
þarna afburðagott, líklega of heitt um
hádaginn. Við fórum mikið á baðstrend-
urnar, sem nóg var af þarna og á ég
myndir því til sönnunar, teknar á
myndavélina góðu, sem Scotland Yard
fann fyrir mig í London. Við fórum víða
og hittum margt fólk og kynntumst
mörgum, bæði heimafólki og sjómönn-
um frá ýmsum löndum. Þannig liðu
næstu dagar í stöðugum fagnaði.
Þann 7. ágúst vorum við boðaðir um
borð í nýja skipið, sem fór þá í reynslu-
ferð um Genúaflóann. Var þar margt um
manninn, fulltrúar og verkfræðingar frá
Ansaldo skipasmíðastöðinni, gestir og
ýmsir fræðingar. Þar hittum við m.a.
Hálfdán Bjarnason, aðalræðismann Ís-
lands á Ítalíu ákafleg myndarlegan mann
og viðfelldinn, sem gaman var að kynn-
ast. – Reynsluferðin hófst klukkan hálf
tíu um morguninn og stóð í sex stundir.
Eitthvað fannst, sem gera þurfti betur og
var unnið við það næstu daga. Gang-
hraðinn reyndist vera rúmar 12 mílur.
Við skoðuðum skipið eins vel og við
gátum og sáum klefana, sem áttu að
verða heimili okkar næstu vikurnar, eftir
afhendingu þess.
Næsta dag, þann 8. ágúst kom sím-
skeyti til mín frá Akureyri, þar sem stóð
að konan mín hefði eignast dóttur þann
6. ágúst. Ég varð harla glaður við og
bauð öllum út á krá að skála af tilefn-
inu. Þá vildi svo illa til að sumir félag-
anna sem skáluðu við mig og fengu sér
konjak, urðu fárveikir. Konjakið þarna
var soddan ruslvín, að þeir fengu af því
dúndrandi niðurgang. Þetta var mjög
leiðinlegt þá, en núna er það gamanmál í
minningunni.
Jón Þ. Þór:
HVASSAFELL
– Niðurlag –
Nokkrar minningar úr ferðinni, sem farin var til að sækja skipið sumarið 1946
Gísli J. Eyland skipstjóri og Sverrir Þór, 1. stýrimaður, í brúnni á Hvassafellinu, daginn sem skipið lagðist
fyrst að bryggju á Akureyri hinn 27. september 1946.
Jón Þ. Þór bjó greinina
til prentunar.