Sjómannablaðið Víkingur - 01.01.2014, Blaðsíða 40

40 – Sjómannablaðið Víkingur
Ljósmyndakeppni Sjómannablaðsins Víkings er nú orðin
10 ára gömul og hafa alla tíð 15 bestu myndirnar í
keppninni tekið þátt í Norðurlandakeppni sjómanna í
ljósmyndum. Norðurlandakeppnin 2013 fór að þessu sinni
fram í Sjómannaklúbbnum Johannisborg í Norrköping í Sví-
þjóð síðasta dag janúarmánaðar síðastliðinn.
Það land sem annast keppnina útvegar dómara og að þessu
sinni voru það Johanna Haverlind, sem er útstillingastjóri í
Arbetets safninu þar í borg, og ljósmyndarinn Fredrik Schlyter
sem dæmdu myndirnar. Umsjónarmenn keppnanna í hverju
landi fyrir sig voru sammála um að dómgæslan yrði mjög erfið
að þessu sinni sökum þess hversu góðar myndirnar væru. Það
sýndi sig svo um munaði enda tók það dómarana um þrjá tíma
að komast að niðurstöðu. Það var óneitanlega spennuþrungin
stund þegar við umsjónarmennirnir mættum fyrir framan dóm-
arana til að hlýða á niðurstöðuna. Dómararnir sögðu að þetta
hefði verið erfitt val og að endingu ákváðu þeir að skipta mynd-
unum upp í þemu s.s. umhverfi, portret og mannlíf. Þá upp-
lýstu þeir að eitt land hefði verið áberandi í keppninni. Það var
ekki laust við að mikil gleði ríkti hjá fulltrúa Víkingsins þegar í
ljós kom að þrjár íslenskar ljósmyndir höfðu unnið til verð-
launa. Fyrstu, önnur og fjórðu verðlaun hrepptu íslenskir sjó-
menn.
Fyrsta sætið hreppti mynd Davíðs Más Sigurðssonar háseta á
Klakknum SK. Dómararnir sögðu að myndin væri í mjög háum
gæðum. Ljósmyndarinn hefði náð að fanga vel birtuna og sjó-
manninn. Ekki hefði verið um uppstillingu að ræða heldur
mann við störf sem heillaði mjög. Hlaut Davíð að launum ljós-
myndavörur fyrir 5.000 Dkr. sem Den Danske Maritime Fond
gaf.
Annað sæti kom í hlut Hlyns Ágústssonar háseta á Krist-
björgu VE. Dómurunum þótti hann ná góðri „action“ mynd við
skilyrði sem ekki margir vildu draga fram myndavélarnar sínar.
Óveðursmyndir væru fremur sjaldgæfar. Sá sem á myndina
horfir hefur á tilfinningunni að hann sé um borð í skipinu. Að
launum hlýtur Hlynur ljósmyndavörur fyrir 5.000 Nkr. sem
norska Siglingamálastofnunin gaf.
Ljósmynd Danans Stefan Olsson Wandel sem er skipverji á
Pearl Seaways fékk þriðju verðlaun en dómararnir sögðu hana
vera mjög súrrealiska í háum gæðum. Ljósmynd sem náði að
fanga ljósið og einfaldleikann þrátt fyrir að verið væri að fram-
kvæma verk sem kallaði á óhreinindi. Að launum fær hann
5.000 Skr. sem tímaritið Sjöfartstidningen gaf.
Fjórða sætið hreppti síðan Guðmundur St. Valdimarsson
sem er bátsmaður á varðskipinu Ægi. Um myndina sögðu dóm-
ararnir að hún vekti margar hugsanir. Hún kalli á forvitni hjá
áhorfandanum sem veltir því fyrir sér hvað hafi gerst. Fagur-
fræðilega er hún með sérstakri birtu. Guðmundur hlýtur að
launum ljósmyndavörur fyrir 400 evrur sem Eimskip gaf. Sjó-
mannablaðið Víkingur færir Eimskip þakkir fyrir glæsilegan
stuðning við keppnina.
Svíinn Tim Ruttledge sem er skipstjóri Fure West fékk
fimmtu verðlaun fyrir mynd sína. Dómurunum þótti myndin
sína í einfaldleika sínum línur og form sem þeir tóku strax eftir.
Tim hlaut að launum myndabúnað fyrir 300 evrur sem finnska
kaupskipaútgerðin Finnlines gaf.
Fjórar myndir hlutu síðan sérstök heiðurssæti en engin verð-
laun fylgja þeim. Fyrsta myndin var eftir sænska hásetann
Magnus Henrysson á Peter Pan sem að þeirra mati var mynd
tekin á réttu augnabliki. Þá kom mynd Norðmannsins Torkil
Hansen á Protector 07 og þótti dómurunum myndin vera mjög
góð umhverfismynd. Þriðja myndin var eftir Martin Jensen á
Jens Mærsk en dómurunum þótti góð umhverfismynd sem
skapar fegurð í því sem ekki kallar á fegurð. Fjórða myndin var
Norðmannsins Atle Sachs og er á Skandi Commander. Þótti
dómurunum myndin vel ígrunduð og vel tekin augnabliks-
mynd.
Að ári mun Norðurlandakeppnin fara fram á Íslandi og
hvetur Víkingurinn sjómenn til dáða enda er eftir miklu að
slægjast að komast í úrslit og eiga möguleika á að vinna til
veglegra vinninga í Norðurlandakeppninni.
Sjómannablaðið Víkingur óskar vinningshöfunum innilega
til hamingju með glæsilegan árangur.
Norðurlandaljósmyndakeppnin
– Íslenskur stórsigur!
Mynd Davíðs Más, 1. verðlaun í Ljósmyndakeppni sjómanna á Norðurlöndum
2014.