Sjómannablaðið Víkingur - 01.01.2014, Page 44

44 – Sjómannablaðið Víkingur
V ið á Sighvati Bjarnasyni VE 81 hófum árið 2013 á
loðnuveiðum. Fórum til veiða í byrjun árs með troll
og gekk allt sinn vana gang. Menn glaðir og bjartsýn-
ir eftir jól og áramót. Til að byrja með fór aflinn í mjöl. Skipt-
um yfir á nót í febrúar. Nokkuð var síðan fryst af loðnu og
afgangurinn fór í hrognatöku sem okkur þótti ekkert leiðin-
legt.
Loðnuvertíðinni lauk í mars og var frí hjá okkur fram í júní.
Fórum af stað eftir þjóðhátíðardaginn til makrílveiða. Við
erum afskaplega heppnir með skipstjóra. „Öngullinn festist
ekki oft í afturenda hans.“ Þannig að við kviðum ekki gangi
mála hjá okkur.
Sumarveðráttan varð heldur leiðinleg miðað við sumrin á
undan eins meðfylgjandi myndir sína. Við fiskum makríl og
norsk íslensku síldina í troll sem sem við drögum á móti Ís-
leifi. Þennan veiðiskap köllum við stundum að vera á „tví-
buratrolli.“ Aflanum er dælt um borð hjá okkur.
Venjulega tökum við tvö hol á þessum veiðum. Þá er farið í
land með aflann en það tekur venjulega rúman sólarhring að
vinna hann í landi. Þannig gengur sumarið hjá okkur. Nú – í
desember 2013 – stöndum við í ströngu við verðugan and-
stæðing en það er Íslandssíldin. Hún er veidd í nót. Hefur
Breiðafjörðurinn verið oss gjöfull sem endra nær og fleiri notið
af borðum vorum. Hér fylgja með nokkrar myndir sem teknar
eru um borð og sýna lífið hjá okkur. Ljósmyndari er Gunnar
Ingi Gíslason.
Af okkur á Sighvati
Nóg af loðnu sem kætir Magnús Jónsson.
Brugðið á leik. Frá vinstri, Einar Sigþórsson, Björn Stefán Arnarsson, og Jens Sigurðsson.