Fréttablaðið - 26.08.2022, Side 6

Hlutdeildarlánin eru
komin til að vera og
þau munu nýtast
þessum hópum betur
þegar við erum komin
út úr þessu ástandi.
Sigurður Ingi Jóhannsson,
innviðaráðherra
Boeing 737 Max 8
þotur voru í flugbanni
í eitt og hálft ár.
odduraevar@frettabladid.is
LÖGREGLUMÁL Sérsveit ríkislög­
reglustjóra var einungis á vakt við
sendiráð Rússlands í Túngötu í
fyrradag, en ekki sérstaklega köll­
uð út vegna gjörnings ungra Sjálf­
stæðismanna sem ætluðu sér að
mála fána Úkraínu á gangstétt fyrir
framan sendiráðið.
Þetta kemur fram í svari embættis
ríkislögreglustjóra við fyrirspurn
Fréttablaðsins. Ritari Sambands
ungra sjálfstæðismanna, Garðar
Árni Garðarsson, sagði viðbrögð
lögreglu hafa komið sér á óvart.
Hann lýsti því hvernig rétt hefði
náðst að hella tveimur pollum á
gangstéttina fyrir framan sendi­
ráðið þegar mættir voru þrír lög­
reglubílar og fjögur lögregluhjól
til viðbótar við sérsveitarbíl sem
fylgdist með sendiráðinu.
„Ég átta mig alveg á því að lög­
reglan er bara að sinna sinni vinnu
en er lendis hafa svona gjörningar
fengið að vera í friði og svo er þessu
ein fald lega bara skolað í burtu. Í
staðinn stöðvuðu þeir þetta strax.“
Ísvari embættis ríkislögreglu­
stjóra segir að sérsveit hafi ekki
verið kölluð út vegna málsins en
hafi verið að vakta svæðið ásamt
lögreglu. Öryggisdeild embættis
ríkislögreglustjóra sjái um skipulag
öryggisvörslu við sendiráðið.
Þá segir embættið að lögregla
sinni ákveðnum skyldum fyrir
hönd íslenska ríkisins, samkvæmt
Vínarsamningnum um stjórnmála­
samband, þegar kemur að öryggis­
gæslu sendiráða.
„Vegna reglulegra mótmæla við
sendiráð Rússlands er lögregla með
varðpóst við sendiráðið til þess að
sinna þessum skuldbindingum.
Lögreglumenn á vegum sérsveitar
hafa sinnt þessu reglubundna
eftirliti ásamt almennum lögreglu­
mönnum.“
Enn fremur segir að lögregla hafi
hindrað að skemmdarverk væru
framin á vettvangi. „Sérsveitar­
menn sinntu hefðbundinni löggæslu
meðan á eftirliti stóð. Mótmælin
voru friðsamleg en lögregla hindr­
aði að skemmdaverk væru framin.“
„Lögreglu ber að grípa inn í þegar
um eignaspjöll er að ræða,“ segir í
svari embættisins. n
Sérsveitin ekki kölluð út vegna Sjálfstæðismanna
Mynd sem tekin
var fyrir framan
sendráð Rúss-
lands í fyrradag.
MYND/AÐSEND
thorgrimur@frettabladid.is
ORKUMÁL Forsætisráðherrar Norð­
urlandanna og Eystrasaltsríkjanna
munu funda á eyjunni Borgundar­
hólmi á þriðjudaginn í næstu viku
til þess að ræða yfirstandandi orku­
kreppu í þessum ríkjum. Mette Fre­
deriksen, forsætisráðherra Dan­
merkur, hefur jafnframt boðið
leiðtogum Póllands og Þýskalands,
forseta framkvæmdastjórnar Evr­
ópusambandsins og orkumálaráð­
herrum allra ríkjanna á fundinn.
Um þetta var tilkynnt á heimasíðu
finnska forsætisráðuneytisins.
Ætlunin með fundinum er að
ræddar verði leiðir til að auka orku­
öryggi í þessum löndum og draga
úr vægi rússnesks jarðefnaelds­
neytis. Meðal annars verður rætt
hvort þetta megi gera með aukinni
áherslu á vindorku, auknum orku­
f lutningum milli landanna eða
auknu samstarfi í orkumálum að
öðru leyti.
Orkuverð hefur hækkað verulega
á Norðurlöndum, sér í lagi í Noregi
og Svíþjóð. Áætlað er að raforkuverð
í Suðvestur­Noregi fari að meðal­
tali upp í 6,23 norskar krónur, eða
um 90,8 íslenskar krónur, á hvert
kílóvatt í dag, að því er kemur
fram í tölum frá Nord Pool. Þetta
er nýtt verðmet og í fyrsta sinn
sem meðalverðið fer yfir sex króna
markið. Verðmet verða einnig slegin
í Austur­ og Vestur­Noregi, þótt
verðhækkanir séu ekki eins miklar
þar og fyrir sunnan. Verðmet hafa
verið slegin í raforkuverði í Ósló og
Bergen fimm daga í röð.
Tölur Nord Pool frá síðasta
mánudegi sýndu jafnframt met í
raforkuverði í suðurhluta Svíþjóðar,
þar sem hvert kílóvatt fór upp í 5,8
sænskar krónur, eða 77,4 íslenskar
krónur. n
Orkukreppa Norðurlanda rædd á Borgundarhólmi
Forsætisráð-
herrar Norður-
landanna í
Munch-safninu
í Ósló þann
15. ágúst síðast-
liðinn.
FRÉTTABLAÐIÐ/EPA
gar@frettabladid.is
FLUGMÁL Norska f lugfélagið Nor­
wegian skilaði jafnvirði ríf lega 18
milljarða íslenskra króna hagnaði á
öðrum ársfjórðungi.
Að sögn norska ríkisútvarpsins
lækkaði gengi hlutabréfa í Nor­
wegian engu að síður um fimm pró­
sent eftir að niðurstaðan varð ljós.
Skýringin er sögð sú að fjárfestar
hafi átt von á að hagnaðurinn yrði
enn meiri eða jafnvirði 25,5 millj­
arða íslenskra króna.
Þá er bent á að útkoman gefi alls
ekki rétta mynd af rekstri Nor­
wegian því f lugfélagið hafi fært til
tekna um þrjátíu milljarða króna
greiðslu frá Boeing­f lugvélafram­
leiðandanum. Var sú upphæð bætur
vegna vandræðanna með Boeing
737 Max 8 vélarnar sem voru úr leik
í eitt og hálft ár vegna galla í hönnun
vélanna, sem leiddi meðal annars til
þess að tvær slíkar vélar fórust með
stuttu millibili og með þeim 346
manns.
Að sögn norska ríkisútvarpsins
hyggst Norwegian nota bæturnar
frá Boeing til að kaupa fimmtíu
nýjar Max 8 þotur. n
Hagnaður byggir
bótum frá Boeing
Boeing 737-vél í litum Norwegian.
Innviðaráðherra segir ljóst að
stjórnvöld þurfi að gera meira
til að hjálpa viðkvæmum
hópum á fasteignamarkaði.
Unnið sé að gerð samninga
við sveitarfélög sem eigi að
tryggja að fleiri íbúðir falli
undir skilyrði hlutdeildar lána.
ggunnars@frettabladid.is
HÚSNÆÐISMÁL Hlutdeildarlánin
voru fyrst kynnt árið 2019 sem
hluti af átaki stjórnvalda á hús­
næðismarkaði. Þeim var ætlað að
hjálpa kaupendum undir ákveðn­
um tekjumörkum að brúa bilið við
fasteignakaup.
Upphaflega var áformað að veita
sex til sjö hundruð slík lán árlega.
Reyndin er að mun færri kaup­
endur nýta sér úrræðið en gert var
ráð fyrir. Á síðasta ári veitti Hús­
næðis­ og mannvirkjastofnun rétt
um 300 hlutdeildarlán. Það er ríf­
lega helmingi lægri tala en stjórn­
völd höfðu gert ráð fyrir.
Það sem af er þessu ári hafa ein­
ungis 97 hlutdeildarlán verið veitt,
vegna skorts á lóðum og húsnæði
sem fellur undir skilyrði úrræðis­
ins.
Sigurður Ingi Jóhannsson inn­
viða ráðherra segist meðvitaður
um að heldur verr hafi gengið að
brúa bil viðkvæmustu hópanna á
fasteignamarkaði en vonir stóðu
til. Ástandið á höfuðborgarsvæð­
inu hafi gert það að verkum að nær
ómögulegt hafi reynst að útvega
lóðir eða fá verktaka til að byggja
slíkar íbúðir. Vandamálið sé því
skortur á íbúðum sem falla undir
skilyrði úrræðisins. Eftirspurnin
sé sannarlega til staðar.
„Í þessu erf iða árferði hefur
okkur reynst þungt að finna hag­
Þörf á frekari aðgerðum fyrir
viðkvæma hópa á fasteignamarkaði
Sigurður Ingi
segir jafnvægi á
fasteignamark-
aði forsendu
þess að úrræði
fyrir tekjulága
virki.
FRÉTTABLAÐIÐ/
VALLI
kvæmar lóðir sem henta. Það er
alveg rétt. Svo hefur fasteignaverð
rokið upp og viðmiðunarverðin,
sem hlutdeildarlánin byggja á, ekki
haldið í við hækkanir.
Sigurður segir ljóst að stjórnvöld
þurfi að gera meira til að ýta undir
framboð lóða og íbúða sem henta.
„Við erum að vinna í því að gera
sérstaka samninga við sveitarfélög
sem eiga að tryggja ákveðið magn
af slíkum lóðum. Samninga sem
bera það með sér að allt að þrjátíu
prósent lóða séu fyrir íbúðir á við­
ráðanlegu verði og henti inn í þetta
úrræði.“
Aðstæður séu þó einstaklega
erfiðar um þessar mundir, að sögn
Sigurðar.
„Á meðan Seðlabankinn er að
reyna að slá á þenslu á íbúðamark­
aði almennt þá er hann auðvitað
líka að gera þessum viðkvæma hópi
enn erfiðara fyrir en ella að kom­
ast inn á hann. Þannig að það er
kannski ekkert skrítið að úrræðið
sé ekki að virka sem skyldi.
En hlutdeildarlánin eru komin til
að vera og þau munu nýtast þess­
um hópum betur þegar við erum
komin út úr þessu ástandi sem
hefur einkennt fasteignamarkað­
inn að undanförnu. Við þurfum
að slá á þenslu og ná ákveðnu jafn­
vægi á fasteignamarkaði. Það er for­
senda þess að úrræði eins og hlut­
deildarlánin virki. Að því stefnum
við ótrauð,“ segir Sigurður. n
6 Fréttir 26. ágúst 2022 FÖSTUDAGURFRÉTTABLAÐIÐ