Mosfellingur - 23.08.2022, Síða 56
Heilsumolar gaua
- Aðsendar greinar56
Guðjón
Svansson
gudjon@kettlebells.is
síðsumarHreyfing
Ég er bæði frí-maður og rútínu-
maður. Finnst gott að breyta til,
ferðast, fara á nýja staði, upplifa nýja
hluti og gera aðra hluti en venjulega.
En mér finnst yfirleitt mjög gott að
koma til baka úr fríi og stíga aftur
inn í rútínu. En ekki endilega sömu
rútínu og síðast.
Mér til mikillar lukku fann ég
róðrarvél í æfingasalnum okkar
þegar við komum heim úr sumarfrí-
inu. Forláta gripur sem vinir okkar
eiga. Þau voru að flytja og fundu
ekki góðan stað fyrir róðrarvélina
þannig að hún er komin í pössun til
okkar. Ég ákvað að bæta róðri inn
í morgunrútínuna og tek þægilega
lotu á græjunni góðu þrjá morgna í
viku. Ég vona að að hún verði sem
lengst í pössun hjá okkur.
Ég er líka byrjaður að æfa
reglulega hjá sjálfum mér. Eða
hjá æfingaklúbbnum okkar Völu öllu
heldur. Ég ákvað að breyta til hjá
mér í haust, hætta að þjálfa aðra og
einbeita mér að öðrum verkefnum.
Ég sé ekki eftir þeirri ákvörðun, en
ég sakna æfingahópsins og fólksins,
og ákvað því að byrja að mæta sjálfur
á æfingar til þess að hitta þau reglu-
lega. Er búinn að mæta vel síðustu
tvær vikur og ætla að halda áfram að
gera það. Mér finnst þetta virkilega
gott, að vera æfingafélagi í stað þess
að vera þjálfari.
Fyrir utan róðurinn og æfingarnar
reglulegu er ég með á vikupró-
gramminu eina fellagöngu. Fellin
okkar eru bara best.
En lífið er ekki bara hreyfing.
Gatan okkar þjófstartaði og hélt
götugrill um síðustu helgi. Það er
ótrúlega gaman að hitta nágrannana
í afslöppuðum aðstæðum þar sem
enginn er að flýta sér. Við erum
mjög heppin með
nágranna, gatan
okkar er stútfull
af skemmtilegu
fólki sem gaman
er að spjalla við
og kynnast betur.
Golfmót götunnar
kom til umræðu,
ég bíð spenntur
eftir því!
Mosfellingarnir Edda Margrét Jonasdóttir,
Emil Huldar Jonasson, Eva Jónína Daníels-
dóttir og Rakel Elaisa Allansdóttir tóku þátt
í barnadjasshátíðinni „Kids in Jazz“ í Osló
11.-16. ágúst.
Þar komu þau fram ásamt börnum frá
Mexíkó, Perú, Japan, Ítalíu, Portúgal, Fær-
eyjum, Danmörku og Noregi.
Edda (klarinett) og Rakel (kornett) eru
nemendur í Skólahljómsveit Mosfellsbæjar
og Emil (píanó) og Eva (píanó) eru í Tón-
listarskóla Mosfellsbæjar. Þau eru 8–11 ára
og eru öll nemendur í Lágafellsskóla.
Djassskóli fyrir 7-16 ára
Odd André Elveland er stofnandi Im-
probasen sem er djassskóli fyrir börn á
aldrinum 7-16 ára. Hann er staðsettur í
Osló en Odd André ferðast um allan heim
og kennir börnum að spila djass eftir eyr-
anu og improvisera. Hann hefur reglulega
komið til Íslands síðan 2017 og það hefur
myndast tenging við Mosfellsbæ. Margir af
nemendunum sem hafa tekið þátt koma úr
skólahljómsveitinni og tónlistarskólanum
og eins hefur hann fengið að nýta tónlistar-
skólann undir kennslu og kynningu.
Fjórmenningarnir ásamt gestum verða
með stofutónleika Í túninu heima sunnu-
daginn 28. ágúst kl. 13:00.
Leikskólinn Hlíð fékk afhentan sinn þriðja
Grænfána þann 16. júní sl. við hátíðlega
athöfn í sal leikskólans en Landvernd stýrir
Grænfánaverkefninu.
Nú er Hlíð orðin ungbarnaleikskóli og
hefur það verið ákveðin áskorun fyrir þátt-
töku í verkefninu. Við höfum þetta tímabil
verið að leggja áherslu á lýðheilsu – sem
miðar m.a. að því að bæta og viðhalda and-
legri og líkamlegri heilsu barna og starfs-
fólks, með almenna vellíðan að markmiði
en innan lýðheilsu rúmast þættir eins og
hreyfing, næring og geðrækt.
Það er okkar von með grænfánaverkefn-
inu að börnin verði betur læs á umhverfi
sitt, samfélag, menningu og náttúru. Verði
betur til þess fallin að skynja og skilja um-
hverfi sitt en í ungbarnaleikskóla er áhersla
í umhverfismennt með börnunum fyrst og
fremst að upplifa og njóta, horfa, skynja og
undrast.
Allir nemendur hafa verið duglegir að
taka þátt vinnunni að okkar þriðja fána
en tímabilið er 2 ár. Við höfum m.a. verið
að vinna í vináttuverkefni Barnaheilla og
æfingum sem því fylgir í sambandi við
virðingu, umburðarlyndi, hugrekki og
umhyggju. Eins höfum við lagt áherslu á
þátttöku í útileikstundum, að borða holl-
an mat og verið dugleg í hreyfistundum í
salnum. Börnin hafa unnið með hreyfingu
og líkama í ýmiss konar listastarfi s.s. mála
og dansa, syngja hreyfisöngva alla daga auk
þess sem öll börnin taka þátt í vikulegri
söngstund í sal en allt ofantalið stuðlar að
líkamlegri og andlegri vellíðan. Enda hafa
foreldra- og starfsmannakannanir komið
mjög vel út.
Þær áherslur sem við höfum unnið eftir
tengjast aðalnámskrá leikskóla m.a. þannig
að í aðalnámskrá segir að allt skólastarf
þurfi að efla heilbrigði og stuðla markvisst
að velferð og vellíðan barna. Að í skólum
þurfi að skapa jákvæðan skólabrag og
heilsueflandi umhverfi þar sem hlúð er að
þroska og heilbrigði. Að leggja skuli áherslu
á jákvæða sjálfsmynd, hreyfingu, næringu,
hvíld, andlega vellíðan og góð samskipti
og hefur þetta allt verið okkar leiðarljós í
vinnunni að okkar þriðja grænfána.
Önnur verkefni hafa samhliða verið að
vinna með moltu, endurvinna, flokka og al-
mennt eru allir þátttakendur í því. Áhersla
er á að hafa allt margnota sem hægt er inn-
an leikskólans og um leið endurvinnanlegt
sem hefur gengið nokkuð vel.
Umhverfissáttmálinn okkar:
Sólin skín og grasið grær
gaman er að lifa.
Lyngið fagurt, lindin tær.
Litlir fætur tifa.
Höf. R.H.
Umhverfisnefnd Hlíðar
Ungbarnaleikskólinn Hlíð fær Grænfána
Mosfellskir krakkar á „Kids in Jazz“ í Osló • Bjóða upp á stofutónleika Í túninu heima
Tóku þátt í barnadjasshátíð
Krakkarnir ásamt Þorvaldi Hrafni, sendiherra Íslands í Noregi, eftir tónleika. Krakkarnir að spila á opnunartónleikum hátíðarinnar í Noregi.
Íbúð óskast til leigu
Ungt reglusamt par óskar eftir lítilli íbúð til leigu í Mosfellsbæ. Skilvísum greiðslum heitið og
meðmæli ef óskað er. Upplýsingar í síma 6610993 eða í netfanginu asdisbirnag@gmail.com.