Mosfellingur - 23.08.2022, Page 58
Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Benjamín Kári Jóhannsson
Fæddur í heimahúsi 22. mars
2022. Foreldrar: Jóhann Ingi
Jónsson og Valgerður Sævars-
dóttir. Systkini: Emilíana Ösp
(11 ára) og Sævar Leó (7 ára).
sagan
endur-
tekur sig
Ég fékk það verkefni í hendurnar
um daginn að finna heimildir um
þann merka dag í sögu Mosfellinga
þegar sveitin fékk bæjarréttindin, 9.
ágúst 1987. Ég fór að fletta í gegnum
gömul tölublöð af Mosfellspóstinum
þar sem fjallað er um hátíðarhöldin,
grillveisluna hjá Hlégarði og afhjúpun
nýja skiltisins. Ég rakst hins vegar líka
á auglýsingar um útvarpsstöð sem ég
hafði aldrei heyrt minnst á áður. Útvarp
Mosfellsbær. Ég ætlaði ekki að trúa því
að það hefði getað farið fram hjá mér öll
þau ár sem ég hef búið í bænum svo ég
fór að rýna betur í málið.
Þá kom í ljós að þessi útvarpsstöð
hafi einungis lifað í einn og hálfan
sólarhring en það var hópur mosfellskra
ungmenna sem stóð að þessu skemmti-
lega uppátæki. Ég gerði mér ferð niður á
skjalasafn og gat nálgast þar upptökur af
öllu heila klabbinu – 29 klukkustundir!
Á dagskránni voru tónlistarþættir,
íþróttafréttir, viðtöl við bæjarbúa og
margt fleira drepfyndið og skemmtilegt.
Það var svo skrýtið að finna þennan
glugga inn í fortíðina þar sem fólk á mín-
um aldri lifði við svo allt aðrar aðstæður.
Á þessum tíma var auðvitað ekki hægt
að senda nein skilaboð á samfélagsmiðl-
um sem þýddi að fólk þurfti að hringja
í útvarpsfólkið til þess að annaðhvort
biðja um óskalög eða senda kveðju.
Tónlistin einkenndist af synþapoppi
og dramatískum ballöðum í bland við
ráma röddina hans Bubba. Fólk gat
ekki lengur sagst vera á leiðinni heim í
sveitina þegar það fór frá Reykjavík en
það þótti einum viðmælanda Útvarps
Mosfellsbæjar mikil synd.
Þó að margt hafi breyst síðan Útvarp
Mosfellsbær var síðast sent út er
samheldni bæjarandinn enn til staðar.
Um helgina verður bærinn skreyttur
hverfalitunum og bæjarbúar flykkjast á
miðbæjartorgið að hlýða á stórtónleik-
ana sem valda aldrei vonbrigðum. Þar af
leiðandi þótti okkur Tönju Rasmussen
meira en við hæfi að endurvekja Útvarp
Mosfellsbæ yfir bæjarhátíðina og opna
annan glugga inn í sögu bæjarins og lífið
eins og við þekkjum það núna. Síðan
munu vonandi tvö ungmenni finna
upptökurnar okkar eftir önnur 35 ár og
endurtaka leikinn. Hver ætli sjái þá um
brekkusönginn í Álafosskvosinni?
ÁSTRÓS HIND
- Heyrst hefur...58
Í eldhúsinu
Elísa og Viktor skora á Dóru Lind og Maríus að deila næstu uppskrift í Mosfellingi
Elísa Kristín Sverrisdóttir og Viktor Gauti
Guðjónsson deila með okkur uppskrift að
þessu sinni. „Þetta er réttur sem við gerum
mjög reglulega, í fyrsta skipti sem ég eldaði
fyrir fjölskylduna hans Viktors var ömmu
hans líka boðið í mat og ég gerði þennan
rétt. Hann gleymdi að nefna að amma hans
er með hnetuofnæmi en þessi réttur er
einmitt með hnetur fyrir allan peninginn
og neyddist amman til að borða kaldar
kjötbollur frá því deginum áður ... öllum
öðrum fannst þetta mjög gott og hún er
(held ég) búin að fyrirgefa mér morðtilraun-
ina, hehe.“
Satay kjúklingur
• 4 kjúklingabringur
• 1/2 búnt kóríander
• 1 rautt chilli
• 2 hvítlauksrif
• 3 kúfaðar msk gróft
hnetusmjör
• 2 cm engifer
• 2 lime
Núðlusalat:
• 250 g eggjanúðlur
• kálblanda
• 1/2 búnt kóríander
• 1/2 rauðlaukur
• 1 rautt chilli
• 100 g kasjúhnetur
• 1 tsk hunang
• 2msk soyasósa
• 1 lime
• 1/2 msk sesamolía
• 1/2 msk fiskisósa
Aðferð:
Skerið bringur í bita og þræðið á grillspjót.
Setjið kóríander, chilli, hvítlauk, hnetusmjör,
engifer, limesafa og börk í matvinnsluvél.
Setjið helminginn af sósunni í skál og rest
á kjúklingaspjótin. Grillið kjúkling eða bakið
í eldföstu móti í ofni á grillstillingu í ca 10
mín á hvorri hlið.
Sjóðið núðlur og
ristið kasjúhnetur á
pönnu með hunangi.
Saxið rauðlauk,
kóríander og chilli
og blandið saman
soya, limesafa,
sesamolíu og fiski-
sósu. Öllu síðan
blandað saman í
stórri skál og borið
fram með restinni
af sósunni, lime
og kóríander.
Verði ykkur
að góðu!
Satay-kjúklingur
hjá ELÍSU og VIKToRI
hEyRST hEfUR...
...að Mugison sé búinn að kaupa
sér hús í Mosfellsbæ.
...að Stuðmenn ætli að loka stórtón-
leikunum á Miðbæjartorginu
Í túninu heima.
...að fresta þurfi skólasetningu í
Kvíslarskóla vegna framkvæmda
á húsnæði skólans vegna raka-
skemmda.
...að Mandi sé að fara opna í Mosó.
...að Útvarp Mosfellsbær verði
starfrækt um helgina Í túninu
heima og hægt verði að hlusta
á www.utvarpmoso.net.
...að búið sé að leggja kvennahlaupið
niður en hlaupið hefur verið afar
vinsælt í Mosó í fleiri, fleiri ár.
...að Wok On opni á næstu dögum í
Krónunni en staðurinn sérhæfir sig í
hollri asískri matargerð.
...að hægt verði að horfa á leik Aftur-
eldingar á Malbikstöðinni úr heitum
potti síðar á tímabilinu.
...að mikil spenna sé fyrir Pallaballinu
og allt stefni í stærsta ballið síðan
2005.
...að glæsilegt hátíðarbingó verði
haldið á Barion á fimmtudags-
kvöldið þar sem hægt verður að
vinna ferð til Tenerife.
...að búið sé að mála risalistaverk af
Alla Rúts á gamla Áslák.
...að Hilmar Mosfellingur hafi safnað
yfir 2 milljónum fyrir Reykjadal í
Reykjavíkurmaraþoninu.
...að alls hafi 30 manns sótt um stöðu
bæjarstjóra Mosfellsbæjar fyrr
í sumar.
...að þrjár konur tengdar Mosfellsbæ
hafi verið kallaðar til í landsliðshóp
á EM í sumar til að vera til taks í
markinu.
...að hamborgarastaðurinn SMASS
hyggist opna á næstunni í Krónu-
húsinu.
...að sr. Henning Emil sé kominn til
starfa í Lágafellssókn næsta árið.
...að Ásta Margrét hafi farið holu í
höggi á Hlíðavelli í sumar en þetta er
í annað sinn sem hún nær drauma-
högginu.
...að tvö tívolí hafa boðað komu sína
í Mosfellsbæ um helgina þegar
bæjarhátíðin fer fram.
...að Regína Ásvaldsdóttir taki við
sem nýr bæjarstjóri Mosfellsbæjar í
næstu viku.
...að tvíburasysturnar Steinunn og
Stefanía Svavars hafi orðið þrítugar
um helgina.
...að ráðherrann Áslaug Arna
verði með skrifstofu sína í Mosó
á mánudaginn.
...að Lágafellskirkja sé að stefna að því
að setja á laggirnar barnakór.
...að harðvítugar nágrannaerjur um
bílastæðamál sem standa yfir í Ástu-
Sólliljugötu hafi ratað í fréttir.
mosfellingur@mosfellingur.is
Sérhæfum
okkur í
uppsetningu á
innréttingum
koverktakar@gmail.com