Fréttablaðið - 22.09.2022, Blaðsíða 18

Sandra Guðrún
Guðmundsdóttir
sandragudrun
@frettabladid.is
Í síðustu viku blasti við vegfarend-
um á Times Square risastórt aug-
lýsingaskilti með íslenskri náttúru
og þremur íslenskum fyrirsætum
klæddum í hönnun eftir hönnuð-
inn Dovile Rieb schlager sem
hannar undir merkinu DoviArt-
fashion. Bianca er hugmynda-
smiðurinn en myndirnar eru
hluti af verkefni sem hún hefur
unnið að fyrir tímaritið Erlendur
Magazine.
„Ég fékk hugmynd að verkefni,
sem ég kalla When Worlds Collide,
fyrir nokkrum árum. Mig langaði
að fá ólíka hönnuði til að koma til
Íslands og sýna tísku úti í nátt-
úrunni. Þannig eru heimarnir að
stangast á, eins og nafnið á verk-
efninu gefur til kynna,“ útskýrir
Bianca en hún lærði um tísku,
listir og hönnun í framhaldsskóla
í London.
„Oftast þegar þú sérð tískuljós-
myndir eru þær teknar á mjög
einföldum stað, við hvítan vegg
eða eitthvað slíkt. En ég vildi sýna
samspilið milli náttúrunnar og
fatanna og hvernig náttúran og
fötin tala saman.“
Bianca útskýrir að verkefnið,
When Worlds Collide, sem má
þýða sem: Þegar heimar stangast á,
sé verkefni sem hún ætlar að halda
áfram að vinna í og þróa.
„Dovile, sú sem hannaði fötin á
myndunum á auglýsingaskiltinu,
kom til Íslands til að vera með
í þessu verkefni með mér. Við
ákváðum sem sagt að gera það
saman. Dovile hannaði fötin og
ég var stílisti og stjórnaði mynda-
tökunni. Ég skipulagði hvenær ljós-
myndararnir komu og fann fólk
til að sjá um förðunina og eigin-
lega stjórnaði þessu öllu saman,“
segir Bianca, en hún sat líka fyrir á
sumum myndunum ásamt frænk-
unum Jóhönnu Kristjánsdóttur og
Shantaye Brown.
Það var hópur hæfileikaríks
fólks sem vann við myndatökuna.
Ljósmyndarinn var Fróði Brink,
Kamilla Kristrúnardóttir Han-
cock sá um förðun og Andrea Ellen
Jones bjó til fylgihlutina.
Skiltið vekur athygli
En hvernig enduðu myndirnar sem
teknar voru fyrir lítið tímarit á
Íslandi, á risastóru auglýsingaskilti
í New York?
„Dovile var að taka myndir fyrir
tískuvikuna í New York og ákvað
að birta þessa mynd til að sýna
verkefni sem hún hefur unnið að.
Ég vissi þess vegna að myndin gæti
endað á skilti þarna, en vissi ekki
hvenær. Ég var þess vegna hissa
þegar ég sá að skiltið var komið
upp. Það var gaman að sjá það,“
segir Bianca.
Aðspurð hvort hún haldi að það
eigi eftir að veita henni einhver
tækifæri í tískuheiminum að verk
eftir hana sé uppi á svo áberandi
stað, svarar hún að hún voni það.
„Mér finnst svo gaman að vinna
í einhverju svona. Að taka þátt
í stórum verkefnum. Ég held að
þessi myndi eigi eftir að veita mér
einhver tækifæri. Ég hef fengið góð
viðbrögð frá fólki. Það eru margir
búnir að heyra í mér og spyrja
meira um verkefnið When Worlds
Collide og vilja vinna með okkur,“
segir hún.
„Myndirnar á skiltunum birtust
fyrst í Erlendur Magazine. En við
mamma stofnuðum tímaritið til
að hafa vettvang fyrir fólk á Íslandi
með erlendan bakgrunn til að sýna
hvað það er að gera jákvætt hér á
Bianca Hallveig stefnir að því að vinna áfram að verkefninu When Worlds Collide, en hugmyndin
er að sýna hönnun eftir erlenda hönnuði í íslenskri náttúru. FRÉTTABLAÐIÐ/ERNIR
Skiltið gnæfir
yfir vegfar-
endum á Times
Square.
MYND/AÐSEND
Bianca vonar að birting myndarinnar á skiltinu eigi eftir að veita henni tækifæri.
Bianca sat
sjálf fyir á
myndunum
en hér er hún
klædd í hönnun
eftir Dovile
Riebschlager.
MYND/FRÓÐI BRINK
Mig langaði að fá
ólíka hönnuði til
að koma til Íslands og
sýna tísku úti í nátt-
úrunni.
Bianca Hallveig Sigurðardóttir
landi. Okkur fannst ekki mikið
fjallað um það í fréttunum svo við
ákváðum að stofna tímarit fyrir
þennan hóp,“ útskýrir Bianca en
þær mæðgur þekkja vel hvernig er
að vera útlendingur í heimalandi
sínu, Bianca er íslensk en ólst upp
í Bretlandi og mamma hennar er
íslenskur ríkisborgari en kemur
upprunalega frá Jamaíku.
Lítið samfélag skapaðist
Bianca og mamma hennar
stofnuðu Erlendur Magazine fyrir
tveimur árum og Bianca sér meðal
annars um tískusíðurnar. Hún
segir að tímaritinu hafi verið vel
tekið af útlendingum búsettum
á Íslandi en þær hafi ákveðið að
víkka umfjöllunarefni tímaritsins
og skrifa núna um alla sem eru
útlendingar í því landi sem þeir
búa.
„Ári eftir að við stofnuðum
tímaritið var svo mikið af fólki alls
staðar í heiminum sem vildi vera
með. Þess vegna ákváðum við að
víkka út efnistökin. Við erum að
sýna það jákvæða sem útlendingar
gera í því landi sem þeir flytja til,“
segir Bianca.
„Við höfum með þessu tímariti
búið til lítið samfélag á Íslandi fyrir
fólk af erlendum uppruna. Það
hefur fengið tækifæri til að sýna
hvað það er að gera og jafnvel hefur
einhver annars staðar í heiminum
lesið viðtölin og haft samband
við fólkið. Það er ótrúlega gaman
að vita af því. Við höfum líka haft
árlega viðburði á vegum tíma-
ritsins. Þá hefur fólk komið til
Íslands til að taka þátt og kynnast
nýju fólki.“
Það er greinilega nóg um að
vera hjá þessari ungu og efnilegu
athafnakonu sem á eflaust eftir að
láta til sín taka í tískuheiminum
og víðar í framtíðinni. Það verður
áhugavert að fylgjast með því. n
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
2 kynningarblað A L LT 22. september 2022 FIMMTUDAGUR